Lukas 3:1 - Intas Etipup

¹ AN naopan iyehki is wat atimarid a Taibiryus Sisar an mesese is fiftiin; is lep atimi alupas an pece Jutaia a Ponjus Pailet, um atimi alupas an pece Calili a Herot, um atimi alupas an pece Ituria im inpece Trakonaitis a Filip etoai Herot, um atimi alupas an pece Abilini a Laisenyas,

Lukas 3:1 Iomraidhean Croise

Jenesis 49:10

Inyi eti ti natimi alupas irai ilpu mapoi Juta, im lep natimi tas alep irai ilpu eteuc iran, um imihum pan an nopan iyehki etpu ham a Sailo; erupu atahaijeg intas o un a nup urai iji pece.

Madius 14:1

AN naopan iyehki is atahaijeg intas vai Iesu a Herot natimarid,

Madius 14:3

IS upyi arop irai Joanes a Herot, um arore yin, um ati yin anliin neom ipjin vai Herotyas, ehgai Filipus etoan.

Madius 14:6

Eris wat aminjinaig nadiat ineig eris apos Herot iran, is adekdikjai inhalav atahaig o Herotyas an nuhup ura, is imyiacitak a Herot.

Madius 22:17

asuptecnaig aiek ehelema, Nai ikha aiek? et itaup nahtaivaig mune imi Sisar, ka oʼo?

Madius 27:2

eris arore yin ara, um imyiapan yin, um ati yin ehele Ponjus Pailet natimarid.

Markus 6:17

IS upyi abrai atimi a Herot mika eri arop irai Joanes, um arore yin, um ati yin anliin neom ipjin, va Herotyas ehgai Filipus etoan; is leh yin aien ehgan.

Markus 6:21

An nadiat upene vaig is ethi, nadiat eris apos Herot iran, is auanetha alupas aien incai ilpu atimi alupas o un, im ilpu atimarid, im ilpu atimi ikni itai an pece Calili;

Lukas 13:31

¶ An naopan iyehki eris apan nahaiji ilpu Farisi, ura ika ehelen. Namu atga unyum aiek, um apan an taka uarin; et ika a Herot yi atgei euc.

Lukas 2:1

AN naopan iyehki is tas alep a Sisar Acustus, um ika, eri aged nidai atimi asega an pece.

Lukas 23:24

Is ika a Pailet eri ago yi idivaig intas ura:

Lukas 3:19

IS wat acaiji Herot aien natimi alupas, vai Herotyas ehgai Filip etoan, im lep vai nedo has asega is ago a Herot,

Lukas 9:7

¶ Is atahaijeg a Herot natimarid va nitai iji eigki asega is ago aien: is ehioehio inliinmopon aien, eris ika nahaiji ra, Et mun lep nusjai a Joanes;

Niji auritai o ilpu Apostolo 23:26

Ak Filiks natimarid, na esjilid aiek, ek aiheuc vai euc ainyak Clatyus Lisyas.

Niji auritai o ilpu Apostolo 24:27

Is wat ti pan itac inmesese is ero, is isjipigmoig Filiks a Porsyus Festus: ja is merit a Filiks mika yi upene inliinmopoi nupu Jutaia vai yin, va nitai ineigki is ude Paulo aien an narore yin vaig.

Niji auritai o ilpu Apostolo 26:30

Is wat ucce intas o un, erus atidai natimarid is ero erahki, im Bernaisi, im lep ra eris ateuc ehele ehtaij ara.

Niji auritai o ilpu Apostolo 4:27

Et inivaijec ineig, nikavaig, eris ehras asjapicnaig a Herot, im Ponjus Pailet, im ilpu atimi aupat, im nupu Isreel, vai Naheca upene unyum, Iesu, as ati yin aiek,