Lukas 24:47 - Intas Etipup

⁴⁷ mika eri atupun Jerusalem ara um asuptecnaig ehele nup urai iji pece asega, eri adumoij anliinmopura ara um leh nitai iknipagki nedo has ura an nidan.

Lukas 24:47 Iomraidhean Croise

Jenesis 12:3

ekpu acis yi alwai ra sji igki ainyak era acis yi alwai euc ara, um ahlaijai ra sji igki era ahlaijai euc ara: erupu ahesmoij vai euc a nup uran nobohtan asega.

Saam 22:27

Erupu imiehva nitai iji igki natimi asega era amen irai tid an nobohtan ara, um adumoij pan ehele Ihova: erupu lep ago nalaigaheni an nuhup unyum a nup urai iji pece asega.

Saam 67:7

Napu asan tas acis yi alwai cama aiek, ak Atua; erupu lep imtitai euc a nup uran nobohtan asega.

Saam 86:9

Ak Natimarid, erupu ahtag pam a nup urai iji pece asega as ago ra aiek, um atpuse an nuhup unyum; erupu imiahpas nidam ara.

Aiseya 11:10

An nopan iyehki etpu itai ahlaig vai nup urai iji pece a Neucvai Jese eris imiatidai; erupu ahilek yin a nup urai iji pece: etpu esjilid muarin amen o un.

Aiseya 49:22

Et ika a Ihova Natimarid, Namu ati aiek mika, ki auhan nikmak ainyak ehele nup urai iji pece, ekpu atijai nitai ahlaig unyak ainyak vai nup urai iji elcau: erupu imiapam ilpu halav atamaig unyum ara irai ritira, erupu lep apos pam ilpu halav atahig unyum ara irai euhlira.

Aiseya 49:6

Is ika aien, Nauritai haklin nigki mika an aheca unyak aiek par imiatidai ilpu teuc irai Jekob, um imiadumoij pam ilpu ahri nup Isreel: ek mun lep ati euc ainyak mika an nitai lah imi nup urai iji pece, mika ki imiatamaig atimi ainyak vai euc um yetpan irai tid au nobohtan.

Aiseya 5:4

Is eteuc inhe par ago vai nokoro vaine unyak, kis eti fi ago iran ainyak? Kis a uri ainyak par aitgaig mika yi egai vaine upene, is um egai vaine acen?

Aiseya 52:10

Et mun atipagki napelumai an nikman itap a Ihova an nuhup u nup urai iji pece; era mun almoi nimiatamaig caija u Atua uja a nup urai tid an nobohtan asega.

Aiseya 52:15

Et idim uco, etpu ohwai nup urai pece inyi ahinag aien; erupu eti tas vai yin a ilpu atimarid: vaig inig nikavaig, era mun ecetai nitai iji igki ara eris eti asuptecnaig ehele ra; era mun lep atahaijeg nitai iji igki ara eris eti ahgei ara.

Jeremaia 31:34

Et ika a Ihova, Erupu eti lep esege imi ilpu atimi eblaamnem ura, im lep ilpu etwara natimi asega, athi um athi ehni, um ika, Namu ato Ihova aiek: vaig inig nikavaig, erupu ato nyak ara asega ahes irai ilpu atimi alupas ira ra um yetpan irai tup atimi ira ra: ekpu ohpodohpod nedo acalacal ura ainyak, um eti lep imiehva nedo has ura.

Taniel 9:24

Er asaig inwiik et sevente (70) vai nup uran pece unyum im lep van maliyum itap unyum, par lucsei nimtan nedo has, um atipagki nedo imipalea, um asan nigpa va nedo acalacal, um lep imiapam nedo atoh inig etpu amen irai iji mesese, um atapnes an nitai asjaaicuaig nitai ehvaig im intas asuptecnaig, um ati natimi inig et itap esjilid Aien mika yi Atimarid.

Hosia 11:8

Ak nup Ifreem, ekpu atcijaig caua ainyak um uauo? ak nup Isreel, ekpu atcijaig caua ainyak um uauo ek auanehvago iramia ainyak yi idivaig irai nup Atma? ekpu ehvikni caua ainyak yi idivaig nup u Siboem? et taigtaig inliinmopok ainyak vai caua, et esjilid naiheuc unyak vai caua.

Hosia 2:23

Ekpu ahwaig yin imi nyak ainyak an pece iyehki; ekpu aiheuc vai yin ainyak eris eti upyi aiheuc vai yin; ekpu ika ainyak ehele ra eris ti atimi unyak; ara, Eka ilpu atimi unyak aijaua: erupu ika ara, Na Atua unyima

Maika 4:2

Erupu ham a nup urai iji pece inyi ahinag, um ika, Apam aijaua, intumu aridjipan akaija an nedoon u Ihova, im lep au neom u Atua u Jekob; mika yi esege imi caija nedo o un aien, mika ti lep ahced niji efalaig o un akaija: etpu idim ahes an maliyum Saion intas alep, etpu lep ahes an maliyum Jerusalem intas o Ihova.

Malakai 1:11

Erupu idim imiahpas nidak a nup urai iji pece, ahes an ridjai o un um yetpan an nete o un; uhpu ahlap irai itai auanipin upene par atnamud va nidak irai iji pece asega, im lep niji itai ahlap upene: et ika a Ihova esjilid acen, Erupu idim imiahpas nidak a nup urai iji pece.

Madius 28:19

Va nitai ineigki akumu apan aijaua, um ika eri alaigaheni nup urai iji pece asega,um baptiso irara an nidai Etmak, im Inhal o un, im Nesgumrau Upene:

Madius 3:2

um ika, Akumu adumoij anliinmopomia aijaua: et mun ubutpotet nelcau an nohatag.

Madius 9:13

Akumu apan aijaua, um ato nesgan tas ineigki, nikavaig, “Ek merit ainyak va nedo aiheuc va atimi, jam eti merit va niji itai ahlap:” kis eti ham ainyak par ahlaig vai ilpu atimi upene, ja vai ilpu atimi auatatimi ache, mika eri adumoij anliinmopura ara.

Lukas 13:34

Ak Jerusalem, ak Jerusalem, na atgei ilpu profeta aiek, um asji ra sji eigki irai hat eris abraig pan ra ehelum; kis ehcahinag merit ainyak mika ki asjapicnaig pam ilpu hal unyum et idivaig injaa et aibuthan hal o un aien, ja akis esjum aijaua!

Niji auritai o ilpu Apostolo 10:43

Eris tas vai yin a ilpu profeta asega, um ika, Ara asega era asgeig iran ara, eri eti aru nedo has ura va nidan.

Niji auritai o ilpu Apostolo 11:18

Eris wat atahaijeg nitai iji eigki ara, is ti intas ura, eris imyiahpas Atua ara, um ika, Et mun lep alupai nup urai taka pece nitai ineigki a Atua, mika eri adumoij anliinmopura ara, va erupu leh nitai umoh iran.

Niji auritai o ilpu Apostolo 13:46

Ja erus emda a Paulo im Barnabas, um ika, Eris idim ika eri upyi hup um asuptecnaig intas o Atua ehelemia: ja akis esjum vaig aijaua, um ika is eti upene vai caua nitai umoh iran ineig inyi ti lep ti, va nitai ineigki ecrau ahidaig pan cumrau aijumrau ehele nup urai taka pece:

Niji auritai o ilpu Apostolo 2:38

Is um ika ehele ra a Pitrus, Akumu adumoij anliinmopomia aijaua, um leh nabaptiso iramia asega an nidai Iesu Kristo, va uhpu eti aru nedo has unyimia; akupu leh nitai tup ahtai ineig aijaua, Nesgan Upene:

Niji auritai o ilpu Apostolo 20:21

um asuptecnaig ehele nupu Jutaia, im nupu Crisi, mika eri adumoij anliinmopura ara vai Atua, um imyiisjis ninivaijec vai Iesu Kristo Natimarid uja.

Niji auritai o ilpu Apostolo 26:18

va apu asalgei nesganimtara aiek, mika eri ahidai ra an naupat pam u inlah, um lep ahidai ra u nemda o Satana pam iran u Atua, va uhpu eti aru nedo has ura, mika eri ehrileh namen upene ehele ilpu atimi upene, va nasgeig irak ura.

Niji auritai o ilpu Apostolo 26:20

jam upyi hup um asuptecnaig ehele ra Tamaskus, im lep Jerusalem, im lep irai iji uari pece Jutaia, im lep ehele nup urai taka pece, mika eri adumoij anliinmopura ara, um ahidaig pan ra ehele Atua, um ago nauritai iji eigki et upene va nadumoijvaig ura ara.

Niji auritai o ilpu Apostolo 28:28

va nitai ineigki akumu ato aijaua, nikavaig, er alupai nup urai iji taka pece nitai imyiatamaig atimi ineig et ahes ehele Atua; erupu idim atahaijeg ara.

Niji auritai o ilpu Apostolo 3:19

Akumu adumoij anliinmopomia aijaua, um ahidai caua, va uhpu ohpodohpod nedo has unyimia, va inyetpam naopan upene iyehki etpu ahes ehele Natimarid;

Niji auritai o ilpu Apostolo 4:12

et eti ahes nimyiatamaig caija ehele tak atimi: eris eti lep aniv tah ira atimi an nobohtan ineigki, eris idim ika uhpu imyiatamaig caija vai yin.

Niji auritai o ilpu Apostolo 5:31

ja is imyiatidai yin a Atua an matan mika yi Atimarid aien, um Atimi imyiatamaig caija, va etpu alupai nupu Isreel aien inliinmopura adumoij, uhpu eti lep aru nedo has ura;

Nupu Roma 5:20

Is ehcohos pam intas alep, va etpu ahinag nedo has. Ja et wat ahinag nedo has, et lep esjilid acen naiheuc o A tua:

Nupu Efesus 1:6

mika ti imyiahpas naiheuc esjilid o un ineig, is aiheuc vai caija vaig aien irai Inhalav cop o un:

Nupu Efesus 3:8

Ek idim upoupo ainyak irai ilpu atimi upene asega, ja eris t alupai nyak naiheuc ineigki, mika ki asuptecnaig ainyak ehele nup urai taka pece intas-upene u Kristo ineig, et ehka natovaig nesjilid iran;

Nupu Kolose 1:27

is ika a Atua yi asuptecnaig ehele ra niji itai esjilid an nitai adenaig ineigki ehele nup urai iji pece, nikavaig, Kristo ehelemia neigki, eka aitgaig inlah vaig aijaua;

1 Joanes 2:12

Ek aged intas imi caua ainyak, ak ilpu hal unyak, va nitai ineig, nikavaig, uhpu eti aru nedo has unyimia va nidan.