Lukas 24:44 - Intas Etipup

⁴⁴ ¶ Is ika ehele ra aien, Kis wat amen ehelemia ainyak kis asan tas iji eigki ehelemia ainyak, mika uhpu idim ehneijid irak nitai iji eigki asega eris aged vai nyak an nitasvitai o Moses, im lep an nitasvitai o ilpu profeta, im lep an nitasvitai Ohranitai.

Lukas 24:44 Iomraidhean Croise

Jenesis 14:18

Is imiapan nareto im nide vaine a Melkisetek natimarid an pece Selem: is atimi ahlap aien vai Atua esjilid acen.

Jenesis 22:18

erupu ahesmoij a nup urai iji pece asega vai mapom; va nedo unyum, nikavaig, na mun imiaiji intas unyak aiek.

Jenesis 3:15

ekpu lep ati namcel jipe vai euc im intakata ainyak, im lep vai ilpu hal unyum im inhal o un; etpu ehtoplec nidjinum aien, ja napu ehtoplec nijinalak an neduon aiek.

Jenesis 49:10

Inyi eti ti natimi alupas irai ilpu mapoi Juta, im lep natimi tas alep irai ilpu eteuc iran, um imihum pan an nopan iyehki etpu ham a Sailo; erupu atahaijeg intas o un a nup urai iji pece.

Saam 118:22

Et mun hat esjilid an nesvi va neom inhat, iyehki, eris esjum vaig a ilpu atimi actaig neom.

Aiseya 28:16

va nitai inigki et ika a Natimarid Ihova, Akumu almoi aijaua, ek ati inhat ainyak Saion, inhat upene, inhat esjilid, an nesvi va neom, an nededuon et ipjin: aien et asgeig iran aien inyi eti fi auroauro aien.

Aiseya 52:13

AKUMU ato aijaua mika, etpu ago nedo arapakau a Naheca unyak, erupu idim imiaridjai yin ara um imiahpas yin; etpu lep ijinies acen aien.

Aiseya 7:14

Va nitai inigki etpu alupai caua nitai asjaaicnaig a Natimarid; Etpu idim opoc a natahig, um apos inhalav atamaig, um anvi nidan par ika Imanuel. (Atua eheleija.)

Aiseya 9:6

Eh mun apos inhalav imi caija, eh mun alupai caija inhalav atamaig: et ahelwei an neuhlin aien natimi alupas o un: er anvi nidan par ika Nimiali, im Natimi tas alep, im Atua emda, im Etman inyi eti lep ti aien, im Natimarid an nigpa.

Jeremaia 23:5

Et ika a Ihova, Etpu idim yetpam nopan iyehki mika ki imiaridjai Inran cai atoh ainyak imi Tevit, etpu lep eteuc a natimarid inyi ethi, etpu esjilid aien um ago nedo arapakau, etpu lep tas alep atoh aien um ago neruvaig atoh an nobohtan.

Jeremaia 33:14

Et ika a Ihova, Akumu ato aijaua mika, etpu yetpam nopan iyehki ekpu ehneijed intas upene iyehki ainyak kis upyi asaig ainyak ehele nup Isreel im lep ehele nup u Juta.

Esikiel 17:22

Et ika a Natimarid Ihova; Ekpu leh inran et ijinies acen au cai sitar ainyak, um ahwaig; ekpu asvi ainyak nilpun tiklan cai upene, um ahwaig an lolan nau ijinies um esjilid.

Esikiel 34:23

Ekpu ati ehele ra natimi asgi siip inyi ethi ache ainyak, etpu aminjinai ra aien, naheca unyak Tevit marom; etpu aminjinai ra aien, etpu idim atimi aminjinai ra aien.

Taniel 2:44

Ja an nopan u ilpu atimarid iji ehki etpu ati nelcau iyehki a Atua an nohatag, eri eti auahas irai iji mesese: uhpu lep eti atcijaig nelcau iyehki imi nup urai taka pece, etpu ahtagrei um auahas nelcau iji ehki asega, etpu lep amen aktit irai iji mesese.

Taniel 7:13

Kis ecetai ainyak irai itai eris ehvaig ehelek an nepig, mika is yetpam irai apat an nohatag tah is idivaig Inhal u natimi, is yetpam aien ehelen is eteuc Aien itu acen, eris um imiapan yin ara an nuhup o un.

Hosia 3:5

Etu wit ti pan itac nitai iji igki, erupu adumoij pam a nup Isreel, um ahilek Ihova Atua ura, im lep Tevit natimarid ura, um ecen vai Ihova um yetpan ehelen, u nedo aiheuc o un ira adiat apitac.

Emos 9:11

An nadiat iyehki ekpu lep ago niimwudig inig u Tevit ainyak is jase, um atapnes niji uarin eris alcapdicraig; ekpu imiatidai niji uarin is achadaliek se ainyak, ekpu actaig ainyak et idivaig itu acen:

Sekaraia 12:10

Ekpu atladwi Nesgak ainyak irai ilpu mapoi Tevit, im lep irai nup u Jerusalem, et idivaig nesgai naiheuc im lep nesgai nugyi itai: erupu yasjipam nyak ara eris ahcai nyak ara, erupu imitaig yin ara, et idivaig tah et imitaig inhalav atamaig o un aien et ethi ache aien, um imitaig afakatotau yin, et idivaig tah et imitaig afakatotau inhal o un inmeto.

Sekaraia 13:7

Et ika a Ihova esjilid acen; Ak nauitoga, aijilahlah aiek va natimi unyak et asgi siip aien, im lep va natimi inig et tup ethi ache pam irak aien: auud natimi asgi siip aiek, ja uhpu imiterimterim siip: ekpu ahidaig nikmak ainyak par imiatamaig niji siip haklin.

Sekaraia 14:4

An nopan iyehki etpu aiji aien ijinies an nedoon Olivet, et eteuc an nahaijin Jerusalem an ridjai o un, eri ahwai nedoon Olivet juju nahaijin an ridjai o un im lep nahaijin an nete o un, etpu eteuc niskanse alupas; etpu apan alaig an pece inig et ahes narutu iran nahaijin nedoon, um apan alaig an pece inig et ahes nuritoga iran nahaijin.

Sekaraia 6:12

um tas ehelen, um ika, Et tas a Ihova esjilid acen, um ika, Almoi natimi inig nidan inrancai; etpu edel aien an nohuun cai, etpu lep actaig neom ahlap iran u Ihova aien:

Sekaraia 9:9

Ak nup u Saion, akumu imiacitak alupas aijaua; ak nup u Jerusalem, akumu ahlaig va nimiacitak aijaua: almoi! etpu yetpam a Natimarid unyimia ehelemia: et atoh nedo o un, et lep imiatamaig atimi aien; et upoupo inliiumopon aien, et um ateuc irai togke aien, inhakli togke marom.

Numera 21:8

Is ika a Ihova ehele Moses, Namu ago nalmui nimyeuv acas aiek, um atijai an nauincai: ja etu wit almoi tah eris aces yin, etpu umoh aien.

Numera 35:25

erumu lep imialep natimi atgei atmas a ilpu atimi asjapicnaig va natimi eijejei atmas, erumu lep imiapan yin a ilpu natimi asjapicnaig an maliyum atpuh iran o un, is ahapan eahki aien: etmu amen eahki aien um imihum pan an nopan iyehki, etpu mas a natimi esjilid an nahlap eris aspi yin an narakei itap.

Madius 1:22

Eris ago nitai iji eigki asega, mikaeriehneijid intas ineigki o Ihova is upyi asaig a naprofeta, um ika,

Madius 16:21

¶ Is atupun a Iesu an naopan iyehki um asuptecnaig ehele ilpu atimi atahaijeg yin, um ika, Ek et hidim ika ainyak ki apan Jerusalem, etpu ahinag nohocred unyak vai ilpu atimi tas alep, im ilpu atimi ahlap esjilid, im ilpu atimi esege, erupu atgei nyak ara; ja et wit ti pan itac nadiat inyi eseij ekpu lep nusjai ainyak.

Madius 26:54

ja uhpu ehneijid intas eris aged um uauo, mika yi idim ucce?

Madius 26:56

Ja eh mun ago nitai iji eigki asega, par ehneijid intas eris aged a ilpu profeta. Eris ude yin a ilpu atimi atahaijeg yin asega, um aha.

Markus 9:31

Is asuptecnaig ehele ilpu atimi atahaijeg yin aien, um ika ehele ra, Eh mun ati Inhal o natimi irai ikma atimi, erupu atgei yin ara; ja uhu wit atgei yin, et wit ti pan itac nadiat inyi eseij, etpu lep nusjai aien.

Lukas 21:22

Uhpu aru nedo has an naopan iyehki, par ehneijid niji itai asega eris aged.

Lukas 22:37

ek asaig ehelemia ainyak, mika uhpu ago vai nyak nitai iyehki eris aged, um ika, “Eris esvi pan yin irai ilpu atimi auatatimi:” er ehneijid irak niji itai eris aged vai nyak.

Lukas 24:46

um ika ehele ra, Eris aged is ucce, im lep ineig eris idim ika yi mas a Kristo, ja et wit ti pan itac nadiat inyi eseij, etpu lep nusjai aien:

Lukas 9:22

um ika, Eris idim ika etpu ahinag nohocred u Inhal o natimi, erupu amcel vai yin a ilpu atimi tas alep, im ilpu atimi ahlap esjilid, im ilpu atimi esege; erupu atgei yin ara, ja et wit ti pan itac nadiat inyi eseij, etpu lep nusjai aien.

Lukas 9:44

Akumu aktaktai upene intas iji eigki aijaua: uhpu ati Inhal o natimi irai ikma atimi.

Joanes 3:14

¶ Is atijai nimyiv an namasacen a Moses, etpu idim ucco eris idim ika uhpu atijai Inhal o natimi:

Joanes 5:39

¶ Eka ahilek an tas eris aged aijaua; eka aktaktai aijaua mika aki leh iran nitai umoh iran ineig inyi ti lep ti: et idim asuptecnaig nyak intas ineigki.

Joanes 5:46

Al ekis eteuc an tas o Moses aijaua, el eka lep eteuc an tas unyak aijaua: is aged intas vai nyak aien.

Niji auritai o ilpu Apostolo 13:33

is mun ehneijid a Atua eheleija ilpu mapora, is wat lep imyinusjai Iesu aien; is idivaig eris aged an Nohranitai tu, um ika, “Nai Hal unyak aiek, ek mun apos euc ainyak an nadiat ineigki.”

Niji auritai o ilpu Apostolo 13:40

Va nitai ineigki, akumu aminjinai caua aijaua va yi jim yetpam iramia nitai ineigki eris asaig a ilpu profeta, um ika;

Niji auritai o ilpu Apostolo 2:27

napu eti ude nesgak aiek an naupat, um eti atceijaig Natimi Upene unyum mika yi muttit:

Niji auritai o ilpu Apostolo 3:18

Ja et mun ehneijid nitai iji eigki a Atua is upyi ehvaig aien an nipjineucse ilpu profeta asega o un, nikavaig, etpu ohocred a Kristo.

Niji auritai o ilpu Apostolo 7:37

Aien ahki Moses, is ika aien ehele nupu Isreel, “Etpu imyiatidai imi caua Naprofeta inyi ethi a Ihova Atua unyimia irai ilpu etoamia, inyi idivai nyak; akumu atahaijeg yin aijaua.”

Ilpu Hibru 10:1

ET almui itai upene iji eigki etpu yetpam intas alep, jam eti idivaig asega; va nitai ineigki et auatialidi par ago upenc asega ra sji eigki, era pan ara um ahlap irai itai ahlap iji eigki irai mesese asega, um eti atumop.

Ilpu Hibru 3:5

Is idim inivaijec a Moses an neom asega o un, is idivaig naheca o un par asuptecnaig nitai iji eigki uhpu asaig an tak aopan;

Ilpu Hibru 7:1

IS atimarid Selem a Melkisetek ineigki, um atimi ahlap vai Atua esjilid acen; is aubillid Ebraham aien an nahes u natgei ilpu atimarid iji ehki o un, um asan tas upene vai yin;

Ilpu Hibru 9:8

is asuptecnaig a Nesgan Upene an nedo ineig mika, eris eti ehvaig upene nefalaig apan an nuarin itaup, an naopan iyehki is wat eteuc neom alaigaheni uhup:

1 Pitrus 1:11

um lep aktaktai naopan iyehki im nedo iran, is ehvaig ehele ra a Nesgai Kristo, is wat upyi hup aien um asuptecnaig nohocred u Kristo, im natimi alupas o un etpu apitac:

Nitai ehvaig 19:10

Kis eropse ainyak u neduon, mika ki alaigaheni vai yin. Ja is ika ehelek aien, Jim ago nedo ineigki aiek: intau ehraheca u Atua akaijau, ek tah irai ilpu etoam ainyak, et amen ehele ra intas asuptecnai Iesu: alaigaheni vai Atua aiek: nesgan tas ahidan tas neigki, nasuptecnaigvaig Iesu.