Lukas 24:39 - Intas Etipup

³⁹ almoi nikmak ero aijaua im neduok ero, ainyak aigki: atcei pam nyak aijaua, um almoi; et eti ohu atmas im neduon, et idivaig nalum nyak unyimia.

Lukas 24:39 Iomraidhean Croise

Natimi Efehtas 12:7

An nopan iyehki etpu adumoij pan nohui atimi an nobohtan inig is ahes iran: etpu lep adumoij pan nesgan ehele Atua inig is alupai yin.

Numera 16:22

Erus atpuse arau, um ika, Ak Atua, Atua u nesga atimi asega, napu atavaitap aiek va atimi asega, va nedo has u natimi et ethi ache, ka oʼo?

Lukas 23:46

Is ahlaig ijinies a Iesu, um ika, Ak Etmak, ek ati nesgak ainyak an nikmam: is wat ucce intas o un, is edekjai nesgan aien.

Lukas 24:38

Is ika ehele ra aien, Eka auri aijaua par imtitaig? eka auri aijaua et par ehioehio inliinmopomia?

Lukas 24:40

Is wat asan tas ineigki aien, ja par ehvaig ehele ra nikman im neduon.

Joanes 20:20

Is wat ucce intas o un, is ehvaig ehele ra aien nikman im lep nahaijin. Eris wat ecet Natimarid a ilpu atimi atahaijeg yin, eris imyiacitak ara.

Joanes 20:25

Eris ika ehelen a ilpu atimi atahaijeg Iesu, Ecra mun ecet Natimarid aijama. Ja is ika ehele ra aien, El ek eti almoi nugnyan nel an nikman ainyak, um ati nupsikmak an nugnyan nel, um lep ati nikmak an nahaijin, inki ti imyiisjis ninivaijec ainyak.

Joanes 20:27

Is um ika ehele Tomas aien, Imyihio nupsikmam aiek, um almoi nikmak; um lep imyihio nikmam aiek, um ati an nahaijik: um jim imyiisjis nahcil aiek, jam imyiisjis ninivaijec.

Niji auritai o ilpu Apostolo 1:3

is wat ti pan itac nohocred o un, is nusjai aien, um ehcohos ehele ra, um lep ehvaig niji itai asjaaicnaig inivaijec is ahinag, eris ecet yin ara ira adiat is forte, is tas ehele ra aien va niji itai an nelcau o Atua:

1 Nupu Desalonaika 5:23

Etmu ago upene asega caua a Atua ineig et ahes neigpa ehelen; uhmu aminjinaig upene asega caua, nikavaig, nesgamia im inliinmopomia im nohumia, um imyihum pan an naopan iyehki etpu ham a Iesu Kristo Natimarid uja.

Ilpu Hibru 12:9

Im lep ineig, eris ated caija a ilpu etmai ohuja, intis eccen vai ra akaija; et idim ucco, intumu emda akaija par imyiaiji intas o Etmai esgaija, par umumoh:

1 Joanes 1:1

ECRA asuptecnaig ehelemia aijama nitai iji eigki is eteuc itu acen um uhum pam, ecris atahaijeg aijama, um almoi an nesganimtama, um ecetai, um ubli an nikmama, vai Intas umoh;