Lukas 24:26 - Intas Etipup

²⁶ eris idim ika yi leucse nohocred iji eigki a Kristo, ja par leh natimi alupas o un.

Lukas 24:26 Iomraidhean Croise

Jenesis 22:6

Is leh incai uri nitai ahlap atnamud a Ebraham, um atijai irai Aisak inhal o un; is apos incap aien an nikman, im nauitoga; erus ehratga arau.

Taniel 9:26

Etu wit ti pan itac inwiik inyi sikste tu (62) eri atgei Mesia, ja eti va nedo o un: erupu auahas inmaliyum im nimnim itap a ilpu dualep u natimarid iyehki etpu ham aien; etpu idivaig nahgarero uhu wit ago ehni itai, er idim ika eri auahas itai um yetpan an nopan iyehki eri asan nigpa.

Sekaraia 13:7

Et ika a Ihova esjilid acen; Ak nauitoga, aijilahlah aiek va natimi unyak et asgi siip aien, im lep va natimi inig et tup ethi ache pam irak aien: auud natimi asgi siip aiek, ja uhpu imiterimterim siip: ekpu ahidaig nikmak ainyak par imiatamaig niji siip haklin.

Lukas 24:44

¶ Is ika ehele ra aien, Kis wat amen ehelemia ainyak kis asan tas iji eigki ehelemia ainyak, mika uhpu idim ehneijid irak nitai iji eigki asega eris aged vai nyak an nitasvitai o Moses, im lep an nitasvitai o ilpu profeta, im lep an nitasvitai Ohranitai.

Lukas 24:46

um ika ehele ra, Eris aged is ucce, im lep ineig eris idim ika yi mas a Kristo, ja et wit ti pan itac nadiat inyi eseij, etpu lep nusjai aien:

Lukas 24:7

um ika. Uhpu idim ati Inhal o natimi ehele atimi auatatimi, mika eri atgei yin an nauincai atgeig, ja et wit ti pan itac nadiat inyi eseij, etpu lep nusjai aien.

Joanes 2:22

Is wat nusjai aien vai inmas o un, eris imyiehva a ilpu atimi atahaijeg yin intas ineigki is asaig ehele ra aien; eris imyiisjis ninivaijec intas ineig ara eris upyi aged, im intas ineig is asaig a Iesu.

Joanes 20:9

Eris eti ato ara an naopan iyehki intas eris upyi aged, um ika, Eris idim ika etpu lep nusjai aien vai inmas o un.

Niji auritai o ilpu Apostolo 17:3

um asuptecnaig, um ika, eris idim ika yi leh nohocred a Kristo, um lep nusjai vai inmas o un; im lep ineig, et Kristo ineigki a Iesu, ek asuptecnai yin ehelemia ainyak.

Ilpu Hibru 12:2

um aes pan. Iesu, aien aigki is atupun nimyiisjis ninivaijec uja aien, um lep ago ehni; is lep mas aien an nauincai atgeig, jam eti ehcamai, va nimyiacitak ineig eris ati an nuhup o un, et lep ateuc aien u dorona u Atua an matan?

1 Pitrus 1:11

um lep aktaktai naopan iyehki im nedo iran, is ehvaig ehele ra a Nesgai Kristo, is wat upyi hup aien um asuptecnaig nohocred u Kristo, im natimi alupas o un etpu apitac:

1 Pitrus 1:3

UHMU imyiahpas Atua, Etmai Iesu Kristo Natimarid uja, aien is aketo aien um apos caija an naiheuc esjilid o un, mika ti aitgaig nitai umoh iran akaija va nusjai u Iesu Kristo vai inmas o un,