Lukas 23:49 - Intas Etipup

⁴⁹ Eris aiji itac acen a ilpu etoan asega, im ilpu takata eris ahes Calili ara um ahced yin, um almoi nitai iji eigki.

Lukas 23:49 Iomraidhean Croise

Nitaasviitai u Job 19:13

Et mun ikni itac acen vai nyak ilpu etwak aien; era lep esjum vai nyak a ilpu atimi eblaamnem unyak.

Saam 142:4

Ek yias pan an matak ainyak um almoi, ja et eti ato nyak tah natimi: er eti aiheuc vai nyak; et eti aktaktai nyak tah natimi.

Saam 38:11

Era aiji itac acen vai nemehe irak a ilpu etwak im ilpu apa unyak; era lep aiji itac acen a ilpu atimi ehpan irak.

Saam 88:18

Na mun ikni itac acen vai nyak aiek ilpu atimi merit vai nyak, im ilpu apa unyak; era amen an napat a ilpu etwak.

Madius 27:61

Is ateuc a Mere nupu Mactala, im lep Mere is eche, ubutpotet o unmun nij.

Markus 15:47

Erus ecetai a Mere nupu Mactala, im Mere risi Joses, nuarin ineig eris ati yin iran.

Lukas 23:27

Eris apitac yin atimi is ahinag, im lep ilpu takata, eris ehtigtaig ara, um imyitaig yin.

Lukas 23:55

Eris lep apitac a ilpu takata iji ehki eris ahes Calili ara um ahced yin, um ecetai inmun nij im nati nohun iran.

Lukas 8:2

im lep nahaiji ilpu takata iji ehki, is ahlo ilpu agelo has ehele ra aien, um atipagki nemehe ira ra, Mere nupu Mactala, eris ahlo ilpu agelo has is seven ehelen,