Lukas 23:43 - Intas Etipup

⁴³ Is ika ehelen a Iesu, Et inivaijec ineig ek asaig ehelum ainyak mika, Napu amen ehelek aiek a paratais an nadiat ineigki.

Lukas 23:43 Iomraidhean Croise

Saam 32:5

Kis ika ainyak, Ekpu asuptecnaig nedo has unyak ainyak ehelum, kis lep eti ateri nedo acalacal unyak ainyak. Kis ika ainyak, Ekpu asuptecnaig nedo imipalea unyak ehele Ihova ainyak; as eti lep imiehva neruvaig nauatatimi unyak aiek. Sila.

Saam 50:15

Akumu ahlaig vai nyak an nopan ohocred unyimia aijaua: ekpu imiatamaig caua ainyak, akupu lep imiahpas nyak aijaua.

Aiseya 53:11

Etu wit ago nauritai o un aien etpu ecetai aien, etpu upene inliinmopon aien vaig: etpu ika a naheca upene unyak et atoh nedo o atimi inyi ahinag va nato yin ura; etpu lep lucsei nimtan nedo has ura aien.

Aiseya 65:24

Etpu idim uco, eru wit eti fi ahlaig ara, ekpu adai intas ura ainyak; eru wit eti fi tas ehni ara, ekpu atahaijeg ainyak.

Maika 7:18

Etidim ti tah Atua et idivaig euc aien, na iknipagki nedo has aiek, um eti aktaktai nedo imipalea irai ahri ilpu atimi unyum; na eti aminjinaig nedemda unyum aiek yi itu iram, vaig inig nikavaig, na imiacitak nedo aiheuc aiek.

Lukas 19:10

et ham a Inhal o natimi mika yi ahilek ilpu atimi ahnag, um imyiatamaig ra.

Lukas 23:42

Is ika aien ehele Iesu, Ak Natimarid, namu imyiehva nyak aiek, na wit apan an nelcau unyum aiek.

Joanes 14:3

ek wit apan ainyak um yecrei inuarin imi caua, ja par lep ham, um leh caua imi nyak; mika aki amen aijaua an nuarin ineig ekpu amen iran ainyak:

Joanes 17:24

Ak Etmak, ek merit ainyak mika eri amen ehelek ara sji eigki, as alupai nyak ra aiek, an nuarin ineig ek amen iran ainyak, um almoi natimi alupas unyak, as alupai nyak aiek: is idim aiyu inliinmopom aiek vai nyak an naopan iyehki is pam eti eteuc nobohtan.

2 Nupu Korindus 5:8

inta emda akaija, um merit alupas natceijaigvaig nohuja, um amen ehele Natimarid.

Nupu Filipai 1:23

Et ero inliinmopok ainyak, ek merit ainyak napanvaig ehele Kristo, um amen ehelen; et esjilid acen neigki:

Ilpu Hibru 7:25

Va nitai ineigki et lep emda aien par imyiatamaig ehni ra sji eigki era apan ehele Atua ara vai yin, et idim umoh aien irai iji mesese par imyiahras ra.

Nitai ehvaig 2:7

Aien et eteuc intikgan aien, etmu atahaijeg aien intas iji eigki et asaig a Nesgan Upene ehele ekalasia: Aien et esjilid aien, ekpu alaan ainyak, mika yi caig aien nohoan cai ineig er umumoh vaig, juju a paratais u Atua.