Lukas 23:4 - Intas Etipup

⁴ Is ika a Pailet ehele ilpu atimi ahlap esjilid im lep atimi asega, Ek mun eti ecetai tah nedo has o natimi ineigki ainyak.

Lukas 23:4 Iomraidhean Croise

Madius 27:19

¶ Is wat ateuc aien an nitai ateuc tas alep iran, is abraig pan tah ehelen a ehgan, um ika, Jim ago tah nitai aiek irai natimi upene ineigki: et mun alupas nohocred unyak vai yin an numjeg ahnag unyak inpeig.

Markus 15:14

Is um ika ehele ra a Pailet, Auri? is ago nev edo has aien? Eris um lep ahlaig ijinies acen ara, um ika, Atgei yin aiek an nauincai atgeig.

Lukas 23:22

Is ehceseij tas ehele ra aien, um, ika, Auri? is ago nev edo has aien? ek mun eti ecetai tah nedo has ineig ainyak is ago aien uhpu atgei yin vaig: ekpu aredei yin ainyak, um ahiyi yin.

Joanes 18:38

Is um ika ehelen a Pailet, Nitai inivaijec neigki inhe? Is asan tas ineigki aien ja par alau ijo, um apan ehele nupu Jutaia, um ika ehele ra, Ek eti ecetai tah nedo has o un ainyak:

Niji auritai o ilpu Apostolo 25:25

Ja kis wat ato ainyak, nikavaig, is eti ago tah nedo ineig aien eri atgei yin vaig, is wat lep arohoai Acustus aien, kis ika ainyak ki imyiapan yin ehelen.

Niji auritai o ilpu Apostolo 3:13

Et mun idim ehvaig natimi alupas o Iesu Naheca o un a Atua o Ebraham, im Aisak, im Jekob, Atua o ilpu retpoija; aien aigki akis ati yin aijaua an nuhup o Pailet, is wat ika aien yi atceijai yin, akis esjum vai yin aijaua.

Ilpu Hibru 7:26

Et upene vai caija natimi esjilid an nahlap ineigki et upene aien, um eigpa nedo o un, um ti nitai has iran, um eti amen ehele ilpu atimi auatatimi, et lep aridjai an nohatag aien ijinies acen;

1 Pitrus 1:19

ja an ja esjilid irai Kristo, et idivaig inja an hakli siip et upene asega um ti nitai has iran:

1 Pitrus 2:22

“aien aigki is eti ago tah nedo has aien, eris eti lep ecetai tah nefaifa an nipjineucsen:”

1 Pitrus 3:18

Va nitai ineig, nikavaig, is echethi ache ohocred a Kristo vai edo has, natimi atoh nedo o un vai ilpu atimi auatatimi, mika yi aihiaig pam caija ehele Atua aien; eris atgei yin an nohun, ja eris imyiatamumoh yin an nesgan: