Lukas 23:34 - Intas Etipup

³⁴ Is ika a Iesu, Ak Etmak, jim aru nedo has ura aiek; era eti ato ara nitai ineig era ago ara. Eris ahai apelumai o un ara irai itai asjaaicnaig.

Lukas 23:34 Iomraidhean Croise

Jenesis 50:17

Akumu tas ehele Josef aijaua, um ika, Ek ugyi euc ainyak, mika an jim aru nedo has u ilpu etwam aiek, im nauatatimi ura; eris ago nedo has vai euc ara: ja ecra ugyi euc aijama mika an jim aru nedo has u ilpu aheca u Atua u etmaija. Eris wat tas ehele Josef ara is taig aien.

Saam 22:18

Era ahaig napelumai unyak ira ra ara, um edaig jipe niji itai asjaaicnaig, par ato natimi inig etpu leh nitai aso nyak aien.

Aiseya 53:12

Va nitai inigki ekpu ahaig itai imi yin ainyak ehele ilpu atimi et ahinag, etpu ahaig naga eris atoraliak an nedoa aien ehele ilpu atimi emda; vaig inig nikavaig, is dekjai nesgan aien um mas: eris esvi pan yin irai ilpu atimi imipalea; is lucsei nimtan nedo has u atimi is ahinag aien, etpu lep alaigaheni aien vai ilpu atimi imipalea.

Madius 11:25

¶ An naopan iyehki is tas a Iesu, um ika, Ek naaurineig ainyak vai euc, ak Etmak, Natimarid an nohatag im nobohtan, va nitai ineigki, nikavaig, na adenaig nitai iji eigki aiek vai ilpu atimi arapakau, im ilpu atimi esjilid an nato itai, jam asuptecnaig ehele ilpu halav:

Madius 11:26

maiya, ak Etmak: is idim ucco inliinmopom aiek.

Madius 5:44

ja ek asaig ehelemia ainyak mika, Akumu aiheuc vai ra aijaua era tak atimi iramia ara, um asan tas upene vai ra era asan tas has vai caua ara, um ago nedo upene vai ra era amcel vai caua ara, um alaigaheni vai ra era ago nedo has vai caua ara, um abli caua;

Markus 15:24

Eris wat atgei yin ara an nauincai atgeig, ja par ahai apelumai o un, um edaig jipe itai asjaaicnaig va apelumai, mika eri ato nitai iji eig eri leucse atimi asega.

Lukas 22:42

um ika, Ak Etmak, el et wat upene vai euc, el et mun atipagki nipjinitai ineigki ehelek: jai tup aiek marom, jim imyiaiji intas unyak.

Joanes 17:9

Ek ugni euc ainyak vai ra: ek eti ugni euc ainyak va atimi an nobohtan, ja vai ra ache as alupai nyak ra aiek; era idim unyum ara.

Joanes 19:11

Is um ika a Iesu, El eh eti alupai euc nemda an nohatag, el et eti emda aiek par ago tah nitai vai nyak: va nitai ineig, et esjilid nedo has o un, et mun atceijai nyak ehelum aien.

Niji auritai o ilpu Apostolo 16:28

Ja is ahlaig ijinies a Paulo, um ika, Jim auahas euc aiek: aijama asega aigki ecra amen igcaki.

Niji auritai o ilpu Apostolo 3:17

Ak ilpu etoak, ek ato ainyak, nikavaig, akis ago nedo ineigki aijaua va naupat u inliinmopomia, eris idim ucco a ilpu atimi alupas unyimia.

Niji auritai o ilpu Apostolo 7:60

Is atpuse aien, um ahlaig ijinies, um ika, Ak Natimarid, jim aru nedo has ineigki ura aiek. Is wat ucce intas o un, is umjegse aien.

Nupu Roma 12:14

Asan tas upene vai ra era edemda vai caua ara: asan tas upene, um jim asan tas has.

1 Nupu Korindus 2:8

is eti ato nitai ineigki tah irai ilpu atimi alupas an nobohtan ineigki: el eris ato ara, el eris eti atgei Natimarid esjilid ara an nauincai atgeig.

1 Nupu Korindus 4:12

um auaraheca, um auritai irai ikmama: eh wat ehniv has vai cama, ecra asan tas upene aijama; eh wat atmas vai cama, ecra eti aru aijama:

1 Timodeus 1:13

kis atimi asan tas has ainyak itu acen, um abli atimi, um ahlo ra; ja eris aiheuc vai nyak, va nitai ineigki, nikavaig, kis ago nedo ineigki ainyak va neti ato itai unyak, im nimyiisjis nahcil unyak,

1 Pitrus 3:9

jim aru nedo has aijaua an nedo has, im intas has an tas has; jai eche nedo unyimia, um asan tas upene; eka idim ato aijaua, nikavaig, eris imyiacaij caua va nitai ineigki, mika aki leh niji itai upene aijaua.