Lukas 23:25 - Intas Etipup

²⁵ is ahiyi natimi iyehki imi ra aien, eris ati yin an neom ipjin va nehtauo im natgei atmas o un, eris merit vai yin ara; ja is ati Iesu ehele ra aien mika eri algei yin et idivaig inmerit ura.

Lukas 23:25 Iomraidhean Croise

Ester 3:11

Is ika a natimarid ehele Heman, Et unyum silver iji ehki, im lep natimi iji ehki, mika an ago vai ra aiek nitai inig et upene iram.

Madius 27:26

¶ Is um ahiyi Barabas imi ra aien: jam aredei Iesu, um ati yin ehele ra mika eri atgei yin ara an nauincai atgeig.

Markus 15:15

¶ Is merit a Pailet neropsevaig inliinmopoi atimi, um ahiyi Barabas imi ra, um aredei Iesu, um atceijai yin ehele ra, mika eri atgei yin an nauincai atgeig.

Lukas 23:2

Eris atupun ara um atijai itai iran, um ika, Ecris ecet nat eigki aijama nauahas vaig inliinmopoi atimi an pece, is acaiji ra aien mika eri jim ahtai mune imi Sisar, um ika, Ek Kristo ainyak Natimarid.

Lukas 23:24

Is ika a Pailet eri ago yi idivaig intas ura:

Lukas 23:26

¶ Eris wat imyiapan yin ara eris asjiraig natimi is ethi ara nidan Saimona, nupu Sairini, is ahes an tah anuarin aien, eris atijai iran nauincai atgeig ara, mika yi ahelwei nilpun aien, um apitac Iesu.

Lukas 23:5

Is esjilid acen nedemda ura ara, um ika, Et auahas inliinmopoi atimi aien, um esege an pece Jutaia asega, is atupun aien Calili um yetpam igcaki.

Joanes 18:40

Eris lep ahlaig ara asega, um ika, Jim ahiyi natimi ineigki aiek, Barabas ache. Is atimi ahrincai a Barabas.

Joanes 19:16

Is atceijai yin ehele ra aien, mika eri atgei yin. Eris leh Iesu ara, um imyiapan yin.

Niji auritai o ilpu Apostolo 3:14

Akis idim esjum aijaua vai natimi ineig et upene aien um atoh nedo o un, jam ika yi atceijaig imi caua natimi atgei atmas;

1 Samuel 12:13

Va nitai inigki akumu alum natimarid inig aijaua eka mun ati yin aijaua, um merit vai yin! et idim ati natimarid ehelemia a Ihova.