Lukas 23:2 - Intas Etipup

² Eris atupun ara um atijai itai iran, um ika, Ecris ecet nat eigki aijama nauahas vaig inliinmopoi atimi an pece, is acaiji ra aien mika eri jim ahtai mune imi Sisar, um ika, Ek Kristo ainyak Natimarid.

Lukas 23:2 Iomraidhean Croise

1 Ilpu Atimarid 18:17

Is wat ecet Elaija a Ehab, is ika ehelen a Ehab, Na atimi inig aiek era ohocred vai yin a nup Isreel, ka oʼo?

Saam 35:11

Era atidai a ilpu atimi asuptecnaig intas edemda; era ahodai nyak ara vai itai iji ig kis eti ato vaig ainyak.

Saam 62:4

Era idim tas ara, mika eri atipagki natimi alupas o un ara: va nitai inigki, era imiacitak intas ahcil ara: erupu asan tas upene an nipjineucsera ara, ja erupu asan tas has an liinmopora ara. Sila.

Jeremaia 20:10

Ek mun atahaijeg intas maumau u atimi et ahinag ainyak, era ika ara. Akumu asuptecnaig nimtitaig alupas vaig marehed mihtag aijaua, ecrupu lep asuptecnaig aijama. Era imiiris nyak a ilpu apa unyak mika ki epihtau ainyak, um ika. Kit uhpu oop yin, intupu esjilid iran akaija um leh neruvaig uja iran.

Jeremaia 38:4

Va nitai inigki eris ika a ilpu atimi alupas an pece ehele natimarid, Ecra ugyi euc aijama mika, eri atgei natimi inigki: et idim auatiatidi nikmai ilpu eucsupo iji ig era amen an maliyum inigki ara, im lep nikmai atimi asega, vai intas iji ig et asaig aien ehele ra: et eti ahilek namen upene u nup igcaki a natimi inigki, ja et ahilek namen has ura aien.

Emos 7:10

Is abraig tah a Amasaia natimi ahlap Bedel ehele Jeroboam natimarid an pece Isreel, par ika, Et mun asaig intas alwai vai euc a Emos ehele nup Isreel: era auatialidi a nup uran pece par atahaijeg intas asega o un.

Sekaraia 11:8

Kis iknipagki natimi asgi siip is dri ainyak an mohoc is ethi ache; is ohocred inliinmopok ainyak vai ehtaij, is lep esjum inliinmopoi ehtaij ahtaij vai nyak.

Madius 17:27

jai vai tu jim auahas inliinmopura akaijau, apok aiek an jop, um atise incaueij, um leh numu ineig inyi upyi hup um apam; na wit asalgei nipjineucsen aiek, napu ecetai aiek nuari-mune yi ethi: anum leh aiek, um alupai ra vai caijau.

Madius 22:21

Eris um ika ehelen ara, Sisar. Is um ika ehele ra aien, Alupai Sisar niji itai o Sisar; jam ahtai imi Atua niji itai o Atua.

Madius 27:11

¶ Is um atidai a Iesu an nuhup o natimarid: is ahodai yin a natimarid, um ika, Na Atimarid u nupu Jutaia aiek, ka oʼo? Is ika ehelen a Iesu, Na mun asaig aiek.

Markus 12:17

Is tas a Iesu, ura ika ehele ra, Alupai Sisar niji itai o Sisar; jam ahtai imi Atua niji itai o Atua. Eris imyiali yin ara.

Markus 15:2

Is ahodai yin a Pailet, um ika, Na Atimarid u nupu Jutaia aiek, ka oʼo? Is tas aien, um ika ehelen, Na mun asaig aiek.

Lukas 23:14

um ika ehele ra, Eka mun imyiapam natimi ineigki ehelek aijaua, um ika, Et auahas inliinmopoi atimi aien; ja ek mun idim ahilek nedo o un ainyak an nuhup unyimia, jam eti ecetai tah nedo has o natimi ineigki et idivaig i nitai iji eigki eka mun atijai iran aijaua:

Lukas 23:5

Is esjilid acen nedemda ura ara, um ika, Et auahas inliinmopoi atimi aien, um esege an pece Jutaia asega, is atupun aien Calili um yetpam igcaki.

Joanes 18:29

Is alau ijo a Pailet um apan ehele ra, um ika, Intas asuptecnaig unyimia vai natimi ineigki nevitai?

Joanes 18:30

Eris tas ara, um ika ehelen, El is eti ago nedo has aien, el ecra eti ati yin ehelum aijama.

Joanes 19:12

Is apitac a Pailet um lep merit nahiyi yin vaig; ja eris ahlaig ijinies a nupu Jutaia, um ika, El et ahiyi natimi ineigki aiek, el et eti atimi atau imi Sisar aiek: natimi ineig et ika aien et atimarid aien, et asan tas has vai Sisar aien.

Niji auritai o ilpu Apostolo 24:13

et lep ehka vai ra nago inivaijec vaig nitai iji eigki, era atijai irak ara:

Niji auritai o ilpu Apostolo 24:5

Ecra ato aijama, nikavaig, et atimi auatatimi a nat eigki, um auahas inliinmopoi nupu Jutaia asega irai iji pece asega, et lep atimi esjilid aien ira ra era apol ira alaigaheni u nup an Nasared ara:

Nupu Roma 13:7

Alupai atimi asega nitai iji eig eris idim ika eri leucse ara: nakwanaham imi ra sji eigki eris idim ika eri leh nakwanaham ara; im mune imi ra sji eigki eris idim ika eri leh mune ara; um imtitai ra sji eigki eris idim ika aki imtitai ra aijaua; um ago nedo eccen vai ra sji eigki eris idim ika aki eccen vai ra aijaua.