Lukas 22:70 - Intas Etipup

⁷⁰ Eris ika ara asega, Nai Hal o Atua aiek, ka oʼo? Is ika ehele ra aien, Eka mun asaig aijaua ek idim ucco ainyak.

Lukas 22:70 Iomraidhean Croise

Saam 2:12

Akumu aijumnyi Inhal o un aijaua, vai yi jim edemda aien; im lep inig, akupu emesmas aijaua an nefalaig has unyimia; etpu idim auroauro um ere intavaitap o un. Era mun ahesmoij ara asega era asgeig iran ara.

Saam 2:7

Ekpu asuptecnaig intas alep ainyak: is ika ehelek a Ihova, Nai Hal unyak aiek; ek mun apos euc ainyak an nadiat inigki.

Madius 26:25

Is tas a Jutas natimi aniv yin, um ika, Ak Natimi esege, ainyak, ka oʼ o? Is um ika ehelen aien, Na mun asaig aiek.

Madius 26:64

Is um ika ehelen a Iesu, Na mun asaig aiek: ja ek asaig ehelemia ainyak mika, Akupu ecet Inhal o natimi aijaua an tak aopan nateucvaig an matan Et emda aien, im lep napam o un an nepeig an nohatag.

Madius 27:11

¶ Is um atidai a Iesu an nuhup o natimarid: is ahodai yin a natimarid, um ika, Na Atimarid u nupu Jutaia aiek, ka oʼo? Is ika ehelen a Iesu, Na mun asaig aiek.

Madius 27:43

is asgeig irai Atua aien; etmu imyiatamaig yin aien, el et aiyu inliinmopon aien vai yin: is ika aien, Ek Hal o Atua ainyak.

Madius 27:54

Is wat ahgei nomoi a natimi alupas u ilpu eucsupo, im lep ra eris amen ehelen ara par aminjinaig Iesu, um almoi nitai iji eigki, eris imtitaig alupas ara, um ika, Et inivaijec ineig, nikavaig, et Hal o Atua aien.

Madius 3:17

is ahes an nohatag nohran tah, um ika, Inhalav cop unyak ineigki, ek imyiacitak yin ainyak.

Madius 4:3

Is apan ehelen natimi oop yin, um ika, El et Hal o Atua aiek, namu ika aiek yi areto inhat iji eigki.

Markus 14:62

Is ika a Iesu, Maiya: akupu ecet Inhal o natimi aijaua nateucvaig an matan Et emda aien, im lep napam o un an nepeig an nohatag.

Markus 15:2

Is ahodai yin a Pailet, um ika, Na Atimarid u nupu Jutaia aiek, ka oʼo? Is tas aien, um ika ehelen, Na mun asaig aiek.

Lukas 22:71

Eris ika ara, Inta auri akaija par lep ahilek ilpu atimi asuptecnaig vai yin? inta mun atahaijeg intas o un akaija.

Lukas 23:3

Is ahodai yin a Pailet, um ika, Na atimarid u nupu Jutaia aiek, ka oʼo? Is tas ehelen aien, um ika, Na mun asaig aiek.

Lukas 4:41

Eris atceijai atimi is ahinag a ilpu agelo has, um ahlaig ijinies, um ika, Nai Kristo aiek Inhal o Atua. Is acaiji ra aien, mika eri jim tas ara: eris ato ara, nikavaig, is Kristo aien.

Joanes 1:34

Kis ecetai ainyak um asuptecnaig, um ika, Inhal o Atua ineigki.

Joanes 1:49

Is tas ehelen a Nadanyel, um ika, Ak Natimi esege, nai Hal o Atua aiek; na Atimarid u nupu Isreel aiek.

Joanes 10:30

Ek tup ethi ache ainyak im Etmak.

Joanes 10:36

el eka auri aijaua par ika vai yin is ati yin a Etman, um abrai yin mika yi ham aien an nobohtan, Na mun asan tas has esjilid aiek; vai intas unyak, nikavaig, ek ika ainyak, Ek hal o Atua ainyak?

Joanes 18:37

Is um ika ehelen a Pailet, Na idim atimarid aiek, ka oʼo? Is um ika a Iesu, Na mun asaig aiek mika ek atimarid ainyak: eris apos nyak va nitai ineigki, kis lep ham ainyak an nobohtan va nitai ineigki, mika ki asuptecnaig nitai inivaijec ainyak: ara asega era apol an nitai inivaijec ara, era imyiaiji intas unyak ara.

Joanes 19:7

Eris um ika ehelen a nupu Jutaia, Et eteuc intas alep unyima, et upene mika yi mas aien vai intas alep unyima va nedo o un, nikavaig, is ika aien, Ek Hal o Atua ainyak.