Lukas 22:61 - Intas Etipup

⁶¹ Is ahidai yin a Natimarid, um umaharei Pitrus. Is imyiehva a Pitrus intas iyehki is upyi asaig ehelen a Natimarid, um ika, Napu ehceseij ateri nyak aiek, ja etpu ahlaig injaa.

Lukas 22:61 Iomraidhean Croise

Nitaasviitai u Job 33:27

Et acesaces ohraiitai ehele atimi aien, um ika, Ek mun ago nedo has ainyak, um imipalea nedo atoh; jai eris eti aru irak vaig;

Esikiel 16:63

mika an imiehva aiek, um imtitaig, um eti lep tas, va nehcamai unyum, eku wit eti aru iram ainyak va niji edo asega as ago aiek; et um uce intas o Natimarid Ihova.

Hosia 11:8

Ak nup Ifreem, ekpu atcijaig caua ainyak um uauo? ak nup Isreel, ekpu atcijaig caua ainyak um uauo ek auanehvago iramia ainyak yi idivaig irai nup Atma? ekpu ehvikni caua ainyak yi idivaig nup u Siboem? et taigtaig inliinmopok ainyak vai caua, et esjilid naiheuc unyak vai caua.

Madius 26:34

Is um ika ehelen a Iesu, Et inivaijec ineig ek asaig ehelum ainyak mika, Napu ehceseij ateri nyak aiek, ja etpu ahlaig injaa, an nepeig ineigki.

Madius 26:75

Is um imyiehva a Pitrus intas is asaig ehelen a Iesu, um ika, Napu ehceseij ateri nyak aiek, ja etpu ahlaig injaa. Is apan itac aien, um taig alupas.

Markus 5:30

Is auroauro a Iesu um tup ispan ato, nikavaig, is ahes iran nemda, is ahidai yin aien irai ibla atimi is ahinag, um ika, Et atcei pan napelumai irak a di?

Lukas 10:41

Is tas a Iesu, um ika ehelen, Ak Marda, ak Marda, na aktaktai niji itai et ahinag aiek, um ohocred:

Lukas 22:34

Is ika aien, Ek asaig ehelum ainyak, ak Pitrus, mika, napu ehceseij ateri nyak aiek an nadiat ineigki, ja etpu ahlaig injaa.

Lukas 22:60

Is ika a Pitrus, Ak natimi ineigki, ek eti ato intas ineigki ainyak na asaig aiek. Is wat tas aien, is um ahlaig injaa.

Lukas 22:62

Is apan itac a Pitrus, um taig alupas.

Lukas 7:13

Is wat alum yin a Natimarid, is aiheuc vai yin aien, um ika ehelen, Namu tinau aiek.

Lukas 7:19

Is ahlaig a Joanes vai ohwat atimi atahaijeg yin is ero, um abrai rau mika eru apan ehele Iesu, um ahodai yin, um ika, Na atimi iyehki aiek eris ika, Etpu ham aien, ka intupu aitgai yin akaija?

Joanes 13:38

Is um ika ehelen a Iesu, Nai ika aiek napu mas vai nyak, ka oʼo? et idim inivaijec ineig ek asaig ehelum ainyak mika, Napu ehceseij ateri nyak aiek, ja etpu ahlaig injaa.

Niji auritai o ilpu Apostolo 5:31

ja is imyiatidai yin a Atua an matan mika yi Atimarid aien, um Atimi imyiatamaig caija, va etpu alupai nupu Isreel aien inliinmopura adumoij, uhpu eti lep aru nedo has ura;

Nupu Efesus 2:11

Im lep ineig, akumu imyiehva aijaua mika, akis ilpu atimi aupat irai ohumia aijaua itu acen, eris anvi nidamia par ika ilpu atimi eti aperitome ara sji eigki, er anvi nidara par ika ilpu atimi aperitome irai ohura irai ikma atimi;

Nitai ehvaig 2:5

Aktaktai nitai ineig aiek as eropse iran aiek, um adumoij anliinmopom, um ago nauritai iji eigki as upyi ago aiek; el et eti ucce, ki auroauro ainyak um yetpam ehelum, um atipagki lamp unyum an nuarin o un, el et eti adumoij anliinmopom aiek.