Lukas 22:53 - Intas Etipup

⁵³ kis wat amen ehelemia ainyak anliin neom ahlap irai iji adiat, akis eti arop irak aijaua: ja et uarin-nadiat unyimia ineigki, im nemda o naupat.

Lukas 22:53 Iomraidhean Croise

Nitaasviitai u Job 20:5

Jai is tupko ache nimiacitak u ilpu atimi auatatimi; et lep idivaig navapnise esganimtai atimi incediaig u ilpu atimi efaifa?

Madius 21:23

¶ Is apan aien anliin neom ahlap, um esege; eris asjapicnaig pan ehelen a ilpu atimi ahlap esjilid, im ilpu atimi tas alep an pece, um ika, Na ago nitai iji eigki aiek va intas alep u di? is alupai euc nemda ineigki a di?

Lukas 22:52

Is ika a Iesu ehele ilpu atimi ahlap esjilid, im ilpu atimi alupas an neom ahlap, im ilpu atimi tas alep, eris ahtag pan ehelen ara, Eka mun idim ham aijaua um auanedo an natimi ehneg itai irak, um apos nauitoga im nelop:

Lukas 22:54

ERIS arop iran ara, um leh yin, um imyiapan yin an neom o natimi esjilid an nahlap. Is apitac yin a Pitrus, jam itac acen.

Joanes 12:27

Et ohocred inliinmopok ainyak an naopan ineig; inki asanhe ainyak? ekpu ika ainyak, Ak Etmak, apu imyiatamaig nyak aiek va naopan ineig, ka oʼo? ja ek mun yetpam ainyak an naopan ineig va nitai ineigki.

Joanes 13:30

¶ Is wat leh nuarin nitai caig aien, is um auroauro aien um alau ijo; is um epeig.

Joanes 14:30

Inki ti lep tas alupas ehelemia ainyak: et ham natimarid an nobohtan ineigki, ja et eti eteuc tah nitai ehelek imi yin.

Joanes 7:30

Eris merit ara narop iran vaig: ja is eti arahpan vai yin tah natimi, is eti fi yetpam naopan o un.

Joanes 7:45

¶ Eris lep apan ehele ilpu atimi ahlap esjilid im ilpu Farisi a ilpu aheca ura; eris um ika ehele ra ara, Eka auri aijaua par eti imyiapam yin?

Niji auritai o ilpu Apostolo 26:18

va apu asalgei nesganimtara aiek, mika eri ahidai ra an naupat pam u inlah, um lep ahidai ra u nemda o Satana pam iran u Atua, va uhpu eti aru nedo has ura, mika eri ehrileh namen upene ehele ilpu atimi upene, va nasgeig irak ura.

Nupu Efesus 6:12

Inta eti ati nedoa akaija va atimi an nobohtan ache, jai vai ilpu atimarid, im ilpu atimi alupas, im ilpu atimi esjilid an naupat an nobohtan ineigki, im ilpu agelo has an nauanohatag:

Nupu Kolose 1:13

is iknipagki caija aien an nelcau aupat, um ikni caija an nelcau u Inhalav cop o un: