Lukas 22:42 - Intas Etipup

⁴² um ika, Ak Etmak, el et wat upene vai euc, el et mun atipagki nipjinitai ineigki ehelek: jai tup aiek marom, jim imyiaiji intas unyak.

Lukas 22:42 Iomraidhean Croise

Saam 40:8

ek mun imiacitak ainyak nimiaiji vaig intas unyum, ak Atua unyak; et idim amen intas alep unyum an liinmopok.

Aiseya 51:17

Namu aiji lahlah aiek, namu aiji lahlah aiek, namu atidai aiek, ak Jerusalem, aiek aigki as mun umwig aiek an nipjinitai an tavaitap o un is alupai euc a Ihova; as umwig an nipjinitai inig aiek eh molmol vaig; as umnyuse aiek.

Aiseya 51:22

et ika a Natimarid unyum Ihova, im Atua unyum, aien aigki et imiaras ilpu atimi o un aien, Namu ato aiek mika, ek mun atipagki an nikmam ainyak nipjinitai inig eh molmol vaig, nipjinitai u intavaitap unyak marom; napu eti lep aketo aiek um umwig iran:

Jeremaia 25:15

Is ika ehelek a Ihova Atua u nup Isreel; Namu leh nipjinitai inigki aiek an nikmak et amen iran waina an tavaitap unyak, namu lep ika aiek eri umwig iran a nup urai elcau asega iji ig ek abraig pan euc ehele ra ainyak.

Madius 11:25

¶ An naopan iyehki is tas a Iesu, um ika, Ek naaurineig ainyak vai euc, ak Etmak, Natimarid an nohatag im nobohtan, va nitai ineigki, nikavaig, na adenaig nitai iji eigki aiek vai ilpu atimi arapakau, im ilpu atimi esjilid an nato itai, jam asuptecnaig ehele ilpu halav:

Madius 11:26

maiya, ak Etmak: is idim ucco inliinmopom aiek.

Madius 20:22

Is tas a Iesu, um ika, Erau eti ato aijaurau nitai ineig erau ugni nyak vaig aijaurau: aru emda aijaurau par umwig an nipjinitai ineig ekpu umwig iran ainyak, um leh nabaptiso iramirau yi idivaig nabaptiso ineig ekpu leh irak ainyak, ka oʼo? Erus ika ehelen arau, Ecru emda aijumrau.

Madius 26:39

Is eti elvatga aien, um atpuse, um alaigaheni, um ika, Ak Etmak, el et wat eti ehka, el eh mun atipagki nipjinitai ineigki ehelek: jai jim imyiaiji intas unyak, jam imyiaiji intas unyum.

Madius 26:42

Is lep apan aien um alaigaheni, um ika, Ak Etmak, el et elika natipagkivaig nipjinitai ineigki ehelek, tup aiek marom, nikavaig, ki umnyi ainyak.

Madius 26:44

Is ude ehtaij aien, um lep atga o un, um ehceseij alaigaheni, um asaig intas iji ehki.

Madius 6:10

Etmu yetpam nelcau unyum. Uhmu imyiaiji intas unyum an nobohtan, et idivaig an nohatag.

Markus 14:36

Is ika aien, Abba, ak Etmak, et tup upene vai euc niji itai asega; atipagki nipjinitai ineigki ehelek aiek: jai jim imyiaiji intas unyak, jam imyiaiji intas unyum.

Lukas 23:34

Is ika a Iesu, Ak Etmak, jim aru nedo has ura aiek; era eti ato ara nitai ineig era ago ara. Eris ahai apelumai o un ara irai itai asjaaicnaig.

Joanes 18:11

Is um ika a Iesu ehele Pitrus, Lep atohoaigse nauitoga unyum aiek an cedpan: ekpu umwig ainyak an nipjinitai ineig is alupai nyak a Etmak.

Joanes 4:34

Is mu ika ehele ra a Iesu, Et itai caig unyak ineigki, nimyiaijivaig intas o un is abrai nyak aien, um lep ago ehni nauritai o un.

Joanes 5:30

Et ehka vai nyak intup ispuk ago vaig tah nitai: ek idim atahaijeg ainyak, et um ucco ek lep asuptecnaig nimtan ainyak: et atoh intas asuptecnaig unvak; ek eti imyiaiji intas unyak ainyak, jai intas o Etmak is abrai nyak aien.

Joanes 6:38

kis eti ahes an nohatag ainyak um asuol, mika ki imyiaiji intas unyak, jam imyiaiji intas o un is abrai nyak aien:

Niji auritai o ilpu Apostolo 21:14

Is wat eti adai intas unyima aien, ecris eti lep imyiisjis iran aijama, um ika, Tup Natimarid marom.