Lukas 22:19 - Intas Etipup

¹⁹ ¶ Is leh nareto aien, um naaurineig iran, um aswaplec, um alaa ra, um ika, Nohuk ineigki eris ahtai vai caua: ago nedo ineigki aijaua par imyiehva nyak.

Lukas 22:19 Iomraidhean Croise

Saam 111:4

Et mun ika aien eri imiehva niji auritai imiali o un: et aiheuc va atimi a Ihova, et lep esjilid acen naiheuc o un.

Nohranitai U Solomon 1:4

Namu aihiaig nyak aiek, ecrupu athut aijama, um apitac iram: et imiapan nyak irai uari eom o un a natimarid: ecrupu imiacitak euc aijama um cediaig, ecrupu imiehva naiyu u inliinmopom aijama; et esjilid irai nide vaine: et aiyu inliinmopoi ilpu atimi inveijec vai euc.

Esikiel 37:11

Is lep ika ehelek aien, Ak inhal u natimi, et idivaig nup Isreel asega niji eduei atimi iji igki: era idim ika ara, Et mun asjigjad niji edueija, et mun ti nitai iji ig inta mun aitgaig vaig akaija: inta idivaig ilpu atimi emesmas akaija.

Esikiel 5:5

Et ika a Natimarid Ihova; Nup u Jerusalem ji igki: kis ikni ra ainyak an niblai nup urai iji elcau, is lep arehed ira ra niji pece.

Taniel 2:38

et mun alupai euc niji uarin asega aien era amen iran natimi, im niji itai eklim edo irai pece im inman an nauanohatag um ati euc mika an esjilid ira ra asega aiek: nai idivaig nidjinin iyehki is colt aiek.

Madius 14:19

Is ika aien ehele atimi asjapicnaig, eri ateucse ara irai efelelicai, is leh nareto is faiv aien, im numu is ero, um easji pan an nohatag, um naaurineig, um iswoplecoplec, um alupai ilpu atimi atahaijeg yin nareto iji ehki, eris edaig ira atimi iji ehki a ilpu atimi atahaijeg yin.

Madius 15:36

Is leh nareto is seven aien im numu, um naaurineig, um iswoplecoplec, um alupai ilpu atimi atahaijeg yin, eris um alaa atimi is ahinag a ilpu atimi atahaijeg yin.

Lukas 22:17

Is leh nipjinitai aien, um naaurineig iran, um ika, Leh ineigki aijaua um edaig jipe iramia:

Lukas 22:20

Eris wat caig ara, is lep leh nipjinitai aien, um ika, Nipjinitai ineigki, et idivaig intas-etipup mat vai inja irak, eh mun atladwi vai caua.

Lukas 24:30

Is wat ateuc ehele rau aien um hag, is leh nareto aien, um naaurineig iran, um aswaplec, um alaa rau.

Joanes 6:23

(ja eris ahes Taibiryas niji alvelcau is eche ubutpotet u nuarin iyehki is naaurineig iran Natimarid, ja eris par hag ara:)

Joanes 6:51

Ek itai caig umoh ainyak, is ahes an nohatag um asuol: aien et caig nitai caig ineigki aien, inyi umoh aien irai iji mesese: nitai caig ineigki ekpu alaa atimi ainyak nohuk, ekpu ahtai nohuk ainyak mika eri umumoh natimi an nobohtan.

1 Nupu Korindus 10:16

Nipjinitai naaurineig iran ineigki inta naaurineig vaig akaija, inja irai Kristo neigki, inta idim umnyi akaija; nareto ineigki inta aswaplec akaija, nohui Kristo neigki, inta idim caig akaija.

1 Nupu Korindus 10:4

eris lep umnyi inwai iyehki ara asega is aluma ra a Atua: eris idim umnyi inwai iyehki ara is ahes an nij iyehki is ati a Atua, is ahced ra; is idivaig Kristo nij iyehki.

Nupu Calesya 1:4

is ispun ahtai yin aien va nedo has uja, mika yi imyiatamaig caija aien va nedo an nobohtan has ineigki, et idivaig nasaig u Atua Etmaija:

Nupu Calesya 4:25

Im lep ineig, et idiva nedoon Saine an pece Arebya a Hecar, um lep tup ethi ache pan iran Jerusalem an naopan ineig, im lep natimi iran era aheca ara.

Nupu Efesus 5:2

um aiyu jipe u inliinmopomia vai caua, et idiva naiyu u inliinmopoi Kristo vai caija, is ispun ahtai yin aien mika eri atgei yin, nitai ahlap vai Atua, nitai auanipin upene.

1 Nupu Desalonaika 5:18

Akumu naaurineig va niji itai asega aijaua: intas o Atua neigki vai caua vai Iesu Kristo.

Taitus 2:14

aien is ahtai yin aien vai caija, mika yi auarimtaija aien va nedo has uja, um ago adicinadicin ilpu atimi esjilid imi yin, um emda u nedo upene.

1 Pitrus 2:24

is lep leucse nimtan nedo has uja an nohun aien an nauincai atgeig, mika ti umumoh u nedo atoh akaija, an nemesmas uja an nedo has: “eka cehcehe aijaua va naredei yin.”