Lukas 22:18 - Intas Etipup

¹⁸ ek asaig ehelemia ainyak mika, Inki ti umnyi nidi vaine ainyak, um uhum pan naopan iyehki etpu yetpam nelcau o Atua.

Lukas 22:18 Iomraidhean Croise

Saam 104:15

Et imiacitak inliinmopoi atimi va nide vaine, mika yi naunau nesganimtara, um esjilid irai narakei; et lep asjiraig nohu atimi nitai caig.

Nohranitai U Solomon 5:1

AK ehgak upene, ek mun ham ainyak an nahapol unyak: ek mun asjapicnaig mir unyak ainyak pan an nitai auanipin upene, unyak; ek mun caig hune irai risi bi unyak ainyak pan an tup hune unyak; ek mun umnyi nide vaine unyak ainyak pan an nidenided unyak: ak ilpu apa unyak, akumu hag aijaua, um umwig; ak ilpu etwak, akumu umwig alupas aijaua.

Aiseya 25:6

Etpu auanetha alupas a Ihova esjilid acen an nedoon inigki vai nup urai iji pece asega irai itai hegaig esjilid, im nide vaine esjilid; maiya, niji itai hegaig esjilid, um ahinag nidipiaig, im nide vaine esjilid eris ahrei upene,

Aiseya 55:1

KAIHEUC vai caua asega, ak ilpu atimi ahvig wai, akumu adpam uri wai aijaua, im lep yin et ti mune o un; akumu apam aijaua, um auanimtan nitai caig, um caig; akumu idim apam aijaua, um auarimtai nide vaine im nidenided, jam eti vai mune um eti vai nimtan.

Taniel 2:44

Ja an nopan u ilpu atimarid iji ehki etpu ati nelcau iyehki a Atua an nohatag, eri eti auahas irai iji mesese: uhpu lep eti atcijaig nelcau iyehki imi nup urai taka pece, etpu ahtagrei um auahas nelcau iji ehki asega, etpu lep amen aktit irai iji mesese.

Sekaraia 9:15

Etpu imicoho ra a Ihova esjilid acen; erupu auahas atimi ara, um auwihise niji hat ira amaka; erupu lep umwig ara, um aunyauwaig et idivaig ilpu atimi umnyi waina; erupu ohua ara um idivaig nipjinitai itap, um idivaig niji esvivaig an natau er ahlap iran.

Sekaraia 9:17

Etpu ika aien yi esjilid namen upene ura! um esjilid neklim upene ura! erupu emda a ilpu takuras vai korn, erupu lep emda a ilpu atahig vai nide vaine.

Madius 16:18

ek lep ika ehelum ainyak, Nai Pitrus aiek, ekpu atijai nakalasia unyak ainyak an heteuc ineigki; inyi ti esjilid iran nemda an pece has:

Madius 26:29

ja ek asaig ehelemia ainyak mika, Inki ti lep umnyi nidi vaine ainyak,um uhum pan naopan iyehki, ekpu umnyi waina mat ainyak ehelemia an nelcau o Etmak.

Markus 14:23

Is lep leh nipjinitai aien, um naaurineig iran, um alupai ra: eris umnyi ara asega.

Markus 14:25

et inivaijec ineig ek asaig ehelemia ainyak mika, Inki ti lep umnyi nidi vaine ainyak, wat uhum pan nadiat iyehki ekpu umnyi waina mat ainyak an nelcau o Atua.

Markus 15:23

Eris ati nitai auanipin a waina, um aluman: ja is eti umnyi aien.

Markus 9:1

IS um ika ehele ra aien, Et inivaijec ineig ek asaig ehelemia ainyak mika, Era aiji igcaki nahaiji atimi, eri upyi hup ara um ecetai nehcohos pam emda u nelcau o Atua, ja par emesmas.

Lukas 21:31

et idim ucco, aku wit almoi nitai iji eigki aijaua, akumu ato aijaua, nikavaig, et mun ubutpotet u nelcau o Atua.

Lukas 22:16

ek asaig ehelemia ainyak mika, Inki ti lep caig ainyak, um uhum pan naopan iyehki uhpu ehneijid an nelcau o Atua.

Lukas 9:27

Et inivaijec ineig ek asaig ehelemia ainyak mika, Era aiji igcaki nahaiji atimi eri upyi hup ara um ecetai nelcau o Atua, ja par emesmas.

Nupu Kolose 1:13

is iknipagki caija aien an nelcau aupat, um ikni caija an nelcau u Inhalav cop o un:

Ilpu Atimi Tas Alep 9:13

Ja is ika ehele ra vaine, Oʼo, et ehka vai nyak par udei nide vaine unyak, et imiacitak a Atua im lep natimi vaig, um apan mika ki atimarid u niji cai ainyak.