Lukas 21:8 - Intas Etipup

⁸ Is ika aien, Aminjinai caua aijaua va yi jim imyiahnag caua tah natimi: erupu ham atimi inyi ahinag an nidak, um ika, Ek Kristo ainyak; et ubutpotet u naopan iyehki: va nitai ineig akumu jim apitac ra aijaua.

Lukas 21:8 Iomraidhean Croise

Jeremaia 29:8

Et ika a Ihova esjilid acen, Atua u nup Isreel; Erumu jim i imiahnag caua a ilpu profeta unyimia im ilpu atimi asig yi opdicrai j itai unyimia iji ig, era amen ehelemia ara, um jim atahaijeg umjeg ahnag ura iji ig, eka ika aijaua eri umjeg ahnag ara.

Madius 24:11

Erupu atidai a ilpu profeta efaifa inyi ahinag, um imyiahnag atimi inyi ahinag.

Madius 3:2

um ika, Akumu adumoij anliinmopomia aijaua: et mun ubutpotet nelcau an nohatag.

Madius 4:17

¶ Is atupun a Iesu an naopan iyehki um tas, um ika, Akumu adumoij anliinmopomia aijaua: et mun ubutpotet nelcau an nohatag.

Lukas 17:23

Erupu ika ehelemia ara, Almoi igcaki; ka, Almoi eanko: akumu jim apan ehele ra aijaua, um jim apitac ra.

Lukas 21:7

Eris ahodai yin ara, um ika, Ak natimi esege, etpu yetpam nitai iji eigki an nahopan? inyi asjaaicnaig an napam u nitai iji eigki nevitai?

Lukas 21:9

Aku wit atahaijeg edoa aijaua im ehtauo, jam jim imtitaig: inyi upyi eteuc nitai iji ehki; ja inyi ti fi auroauro um ahni nitai.

Joanes 5:43

Ek ham ainyak an nidai Etmak, ja eka eti leh nyak aijaua: cl et ham intak atimi an nidan ache, akupu leh yin aijaua.

Joanes 8:24

ek mun idim asaig ehelemia ainyak mika, akupu emesmas an nedo has unyimia aijaua: el eka eti imyiisjis ninivaijec aijaua, nikavaig, ek atimi iyehki ainyak, akupu emesmas an nedo has unyimia aijaua.

Joanes 8:28

Is um ika ehele ra a Iesu, Aku wit atijai Inhal o natimi aijaua, akupu ato aijaua, nikavaig, et atimi iyehki ainyak, im lep ineig, nikavaig, ek eti ispuk ago tah nitai ainyak; ja ek asaig nitai iji eigki ainyak is esege imtak a Etmak:

1 Nupu Korindus 6:9

Eka idim ato aijaua, mika eri ti apan an nelcau o Atua a ilpu atimi auatatimi: akumu jim efaifa vai caua aijaua: eri idim eti apan an nelcau o Atua a ilpu atimi ago nedo has, im ilpu atimi alaigaheni vai ilpu atmas, im ilpu atimi ago ingaijid, im ilpu atimi ahilek nedo has, im ilpu atimi auarobotpotedo,

Nupu Efesus 5:6

Etmu jim imyiahnag caua tah natimi an tas ahnag: etpu yetpam intavaitap u Atua irai ilpu atimi imyipalea va nitai iji eigki.

2 Nupu Desalonaika 2:3

Etmu jim imyiahnag caua tah natimi an tah nitai: etpu eti yetpam nadiat iyehki, el eri eti uhup atimi um adumoij, um lep ehcohos natimi auatatimi iyehki, inhal u inpece has;

2 Timodeus 3:13

Ja etpu esjilid acen nedo has u ilpu atimi auatatimi, im ilpu atimi imyiahnag atimi, erupu imyiahnag atimi ara, ja uhpu lep imyiahnag ra.

1 Joanes 4:1

AK ilpu etoak upene, akumu jim imyiisjis ninivaijec natimi asega aijaua, er ahu intas ira ra, jam aktaktai ra sji eigki, kit eris ahes ehele Atua ara, ka oʼo: eris apaahni an nobohtan a ilpu profeta efaifa et ahinag.

2 Joanes 1:7

Era adala an nobohtan a ilpu atimi efaifa et ahinag, era eti asuptecnaig ara, um ika, is ham a Iesu Kristo an nohun. Natimi efaifa neigki, im lep intaka kristo.

Nitai ehvaig 1:3

Et mun ahesmoij natimi ineig et esvi intas iji eigki eris upyi asuptecnaig aien, im lep ra era atahaijeg, um aminjinaig nitai iji eigki er aged iran: et mun ubutpotet u naopan iyehki.

Nitai ehvaig 12:9

Eris ethaig pan itac nimyiv alupas, is amen aien um itu, nidan Tiapolo, im Satana, aien aigki et efaifa aien va atimi asega an nobohtan: eris ethaig pan itac yin an nobohtan, eris lep erekhaig pan itac ilpu agelo o un ehelen.