Lukas 21:7 - Intas Etipup

⁷ Eris ahodai yin ara, um ika, Ak natimi esege, etpu yetpam nitai iji eigki an nahopan? inyi asjaaicnaig an napam u nitai iji eigki nevitai?

Lukas 21:7 Iomraidhean Croise

Taniel 12:6

Is um ika is ethi ehele natimi iyehki eris aso yiu ira apelumai yilyil, is amen aien ijinies irai wai an nofowai, Inyi ehed nadiat ja uhpu ago ehni nitai iji igki er imiali vaig?

Taniel 12:8

Kis atahaijeg ainyak, jam eti ato: ja kis par ika ainyak, Ak Natimarid unyak, et echamecha nehni u nitai iji igki?

Madius 24:3

¶ Is wat ateuc aien an nedoon Olivet, eris asjapicnaig pan ehelen a ilpu atimi atahaijeg yin, um echim ahodai yin, um ika, Asuptecnaig eheleija aiek, etpu yetpam nitai iji eigki an nahopan? um asjaaicnaig an napam unyum nevitai, im nehni u nitai iji eigki?

Markus 13:14

¶ Aku wit ecetai “nitai has esjilid ineig” aijaua, “et auahas itai,” is tas vaig a Tanyel naprofeta, naijivaig an nuarin ineig et itaup, (etmu aktaktai aien et esvi itai aien,) ara eri amen Jutaia ara an naopan iyehki, erumu aha pan irai lola edoon ara:

Lukas 21:32

Et inivaijec ineig ek asaig ehelemia ainyak mika, Inyi upyi hup um ahni nitai iji eigki asega, ja erupu emesmas natimi an naopan ineig.

Lukas 21:6

Eka almoi nitai iji eigki aijaua, ja etpu yetpam naopan iyehki, inyi ti amen inhat inyi ethi irai taka hat, ja uhpu alcapdicraig asega.

Lukas 21:8

Is ika aien, Aminjinai caua aijaua va yi jim imyiahnag caua tah natimi: erupu ham atimi inyi ahinag an nidak, um ika, Ek Kristo ainyak; et ubutpotet u naopan iyehki: va nitai ineig akumu jim apitac ra aijaua.