Lukas 21:34 - Intas Etipup

³⁴ Aminjinai caua aijaua, um jim auahas inliinmopomia va nitai caig alupas, im nahnag vai kava, im naktaktai niji itai an nobohtan ineigki, va yi jim yetpam iramia nadiat iyehki, an neti aktaktaivaig unyimia.

Lukas 21:34 Iomraidhean Croise

Jenesis 19:32

tu apan akaijau, um aiumai etmaijau waina, intu amen ehelen akaijau, mika tu asvalav vai etmaijau akaijau.

Jenesis 19:35

Erus lep alumai etmarau waina arau an nepig iyehki: is atidai a inharei, um amen ehelen; is eti ato nasjeuc vaig o un aien, im lep naiji vaig o un.

Jenesis 27:14

Is apan aien, um leh, um imiapan ehele risin: is ago nitai caig adale a risin, is idivaig is ahvig a etman.

Saam 35:8

Etmu yetpam ira ra nitai auahas ra, etu wit eti ato ara; erumu lep ecen ara an nopoig ura eris adenaig ara: erumu idim eropropse ara an nitai auahas ra iyehki.

Niji tas Arapakau 21:4

Et has nedo o natimi et eseij eraigki, nikavaig, aien et ijinies inliinmopon aien, im lep aien et akrai nesganimtan aien, im lep aien et imiacitak ilpu atimi auatatimi aien.

Niji tas Arapakau 23:20

Namu jim ehramen aiek ehele atimi umnyi kava; wm jim ehramen aiek ehele atimi hag alupas nitai caig er adipiaig iran:

Natimi Efehtas 9:12

Et idim eti ato tah natimi nitai inig etpu yetpam iran: er idim ecen mu an nopoig, er lep asjiraig man an nitai apro itai; et idim uco, er arop ira atimi an nopan has, et wat auroauro um yetpam ira ra tah nitai has.

Aiseya 28:7

Im lep inig, era mun ago nedo acalacal ara sji igki vai waina, era mun ahnag ara vai kava itoga; era mun ago nedo acalacal a ilpu atimi ahlap im ilpu profeta vai kava itoga, eris auahas ra vai waina, eris imiahnag ra vai kava itoga; eris wat asuptecnaig intas o Atua ara eris tas maumau ara, eris wat tas alep ara eris ago nedo acalacal ara.

Hosia 4:11

Et auahas inliinmopoi atimi ingeijid, im waina, im kava itoga.

Levitikus 10:9

Namu jim umnyi waina ka kava aiek, im ohwat hal unyum, ahtij wit apan aijautaij anliin neom er asjapicnaig o un, vai jim ehtiji mas aijautaij: intas alep imi cautaij im ilpu mapomitaij irai iji mesese nigki:

Madius 13:22

Aien et idivaig nuarin eteuc nefelelicai has iran aien, eris ahoaig nupsi itai iran, aien aigki et atahaijeg intas aien; ja et atgei intas naktaktai niji itai an nobohtan ineigki, im inpadiaig efaifa, et um eti oho aien.

Markus 13:9

¶ Akumu aminjinai caua aijaua: erupu ikni caua ara ehele ilpu atimi tas alep, im lep ehele ilpu atimi asjapicnaig; erupu aredei caua ara: uhpu imyiapan caua an nuhup u ilpu atimi alupas im ilpu atimarid vai nyak, nitai asuptecnaig imi ra.

Markus 4:19

ja et asuol inliinmopura nak taktai niji itai an nohohtan ineigki, im inpadiaig efaifa, im nedo ahvig intak itai, um atgei intas, et um eti oho.

Lukas 10:41

Is tas a Iesu, um ika ehelen, Ak Marda, ak Marda, na aktaktai niji itai et ahinag aiek, um ohocred:

Lukas 12:40

Va nedo ineigki akumu yecrei caua aijaua: etpu yetpam a Inhal o natimi an nuarin-nadiat ineig aki eti aktaktai aijaua.

Lukas 17:3

Akumu aminjinai caua aijaua: el et ago nedo has vai euc a etoam, namu acaiji yin aiek; el et taigtaig inliinmopon aien, namu jim aru nedo o un aiek:

Lukas 21:35

Etpu yetpam ira atimi asega amen an nobohtan asega, um idivaig nitai aprou itai.

Lukas 21:8

Is ika aien, Aminjinai caua aijaua va yi jim imyiahnag caua tah natimi: erupu ham atimi inyi ahinag an nidak, um ika, Ek Kristo ainyak; et ubutpotet u naopan iyehki: va nitai ineig akumu jim apitac ra aijaua.

Lukas 8:14

Nupsi itai ineig is elel irai efelelicai has et idivai ra, era atahaijeg intas ara, um atga ura, ja et atgei ra naktaktai inpadiaig ura im nedo imyiacitak an naopan ineig, era eti ohoai itai upene ara.

1 Nupu Korindus 5:11

ja kis idim aged imi caua ainyak, mika aki jim amen ehelen tah etoamia aijaua, el et ago ingaijid aien, ka has iran itai, ka alaigaheni vai ilpu atmas, ka asan tas ehniv has, ka ahnag vai kava, ka atoraliak itai; akumu jim hag aijaua ehele natimi ineig et ucce nedo o un.

1 Nupu Korindus 6:10

im ilpu atimi ehneg itai, im ilpu atimi has ira ra itai, im ilpu atimi ahnag vai kava, im ilpu atimi asan tas ehniv has, im ilpu atimi atoraliak itai.

Nupu Calesya 5:20

im nalaigaheni vai ilpu atmas, im nahraces, im nedemda, im intavaitap, im noporei, im nimyiisjis itai, im nehtauo, m nauahas inliinmopoi atimi, im nedo etyiokowai atimi,

Tyuteronome 29:19

etu wit atahaijeg intas ahlaijaig inigki aien, etpu asan tas upene inliinmopon vai yin aien, um ika, Ekpu amen igpa ainyak, jam ago nitai merit u inliinmopok, um ahvig kava ja par umnyi:

Nupu Filipai 4:6

Jim aktaktai alupas aijaua vaig tah nitai; jam asuptecnaig inmerit unyimia ehele Atua va niji itai asega an tas alaigaheni, im intas ugni, im naaurineig;

Ilpu Hibru 12:15

um aminjinaig upene caua, vai yi jim etjo itac tah, um eti leh naiheuc o Atua; vai yi jim edel tah nicvan itai acen, um imyidohalav caua, um auahas atimi inyi ahinag;

2 Pitrus 3:10

Ja etpu yetpam nadiat u Natimarid et idivaig natimi ehneg itai an nepeig; etpu yetpan an tid iran nohatag an nohran inyi alupas inmotjan, etpu ataigataig nohuu iji itai an cop alupas, uhpu lep atnamud nobohtan im niji auritai iran.

2 Pitrus 3:14

Ak ilpu etoak upene, eka idim aitgaig nitai iji eigki aijaua; va nitai ineigki akumu auritai emda aijaua, mika yi ecet caua aien an neigpa, um ti nemeig im nitai has iramia;

Nitai ehvaig 3:3

Namu imyiehva nedo unyum aiek as wat leh intas-upene aiek um atahaijeg vaig, um apol upene iran, um adumoij anliinmopom. El et eti aiji aiek, ekpu ham ehelum ainyak et idivaig natimi ehneg itai, napu eti ato aiek inuarin-nadiat ineig ekpu ham ehelum ainyak.

1 Samuel 25:36

Is apan ehele Nebal a Abical; is ago nitai caig alupas an nimnim o un aien, is idivaig nitai caig u tah natimarid; is imiacitak inliinmopoi Nebal, is ahnag alupas aien vai waina: va nitai inig is eti asuptecnaig tah nitai ehelen a ehgan, um yetpan an nuhialeg.