Lukas 21:24 - Intas Etipup

²⁴ Uhpu atgei ra irai auitoga, uhpu lep imyiapan ra irai iji pece asega mika eri aheca o atimi: erupu wehiepelaig Jerusalem a nup urai iji pece, um yetpan naopan iyehki etpu ahni naopan o nup urai iji pece.

Lukas 21:24 Iomraidhean Croise

Jenesis 34:26

Eris atgei Hemor arau im Sikem inhal o un an nauitoga, um atipagki Taina natahig ira rau an neom u Sikem, um atga urau.

Eksotus 17:13

Is ahlo nup Amalek a Josua an nedoa.

Aiseya 5:5

Va nitai inigki el et upene iramia, inki asuptecnaig ainyak ehelemia nedo inig, ekpu ago ainyak vai nokoro vaine unyak; ekpu atipagki nirahed o un ainyak, uhpu lep acaig vaig ehni; ekpu alcapdicraig nathatahau o un ainyak, uhpu lep auwihise asega:

Aiseya 63:18

Et opan ipjidipjid ache eris ohuun inpece inigki a ilpu atimi itap unyum: eris auwihise nuarin itap unyum a ilpu atimi tak atimi irama.

Aiseya 66:12

Vaig inig nikavaig, et ika a Ihova, Akumu ato aijaua mika, ek alupai yin nigpa ainyak et idivaig nofowai, im lep natimi alupas u nup urai iji pece et idivaig inwai yah atahedid: akupu lep ided aijaua, etpu adrakoai caua aien, etpu lep eucjeucjai caua aien an nijin neduon ero.

Aiseya 66:19

Ekpu ati nitai imiali imi ra ainyak; ekpu lep abraig pan hal irai ra sji igki ainyak erupu umumoh ara, mika, eri apan ehele nup urai iji pece, nikavaig. Tarsis, im Pul, im Lut, ilpu atimi apos efana, im Tubal, m Jevan, im niji hakli pece an jap itac acen, era mun eti atahaijeg intas vai nyak ara, um eti almoi natimi alupas unyak; erupu asuptecnaig natimi alupas unyak ara ehele nup urai iji pece.

Niji tas taigtai 1:15

Et mun auwihise ilpu atimi emda asega unyima a Natimarid era amen ehelema ara: et mun ika aien eri asjapicnaig natimi et ahinag um aat irama mika eri auwihise ilpu takuras unyima: et mun auwihise nup u Juta iji ig a Natimarid eris esjilid ara, et idivaig era auwihise itai an nitai ahtaijiraig nohwai vaine iran.

Taniel 12:7

Ja kis ahgei natimi iyehki ainyak eris aso yin ira apelumai yilyil, is amen ijinies an nofowai aien is adaigjai nikman inmatan im lep inmauun an nohatag aien, um asan tas aktit vai yin et umoh Aien irai iji mesese, is ika aien, Etpu yetpam nitai iji igki irai yier inyi dri im lep an nahaijin yier; eri terimterim ehni an nemda u ilpu atimi itap, japar ago ehni nitai iji igki asega.

Taniel 8:13

Ja kis ahgei natimi upene is ethi ainyak intas vaig, is lep ika a natimi upene is ethi is eche ehelen iyehki is tas ki aien, Etpu ehed nadiat an nitai ehvaig va nitai ahlap eris ago irai iji adiat, im lep an nedo has er auahas itai iran, ja par atcijaig neom itap im lep ilpu atimi ahlap, eri auwihise ra au nobohtan?

Taniel 9:27

Etpu asig yi aktit intas etipup aien ehele atimi inyi ahinag an wiik inyi ethi: ja an nijihgan wiik etpu ika aien yi tiih nitai ahlap im nitai tup ahtai; etpu lep amen an neom itap nitai has par auahas iran; vaig inig nikavaig, etpu umaruma um yetpan an nopan iyehki uhpu ehneijid intas iyehki eris asaig.

Malakai 1:11

Erupu idim imiahpas nidak a nup urai iji pece, ahes an ridjai o un um yetpan an nete o un; uhpu ahlap irai itai auanipin upene par atnamud va nidak irai iji pece asega, im lep niji itai ahlap upene: et ika a Ihova esjilid acen, Erupu idim imiahpas nidak a nup urai iji pece.

Lukas 21:25

¶ Etpu eteuc niji itai asjaaicnaig an nagesega, im lep an mohoc, im lep irai moijeuv; erupu ohocred a nup urai iji pece an nobohtan va; netehto ura; etpu auoc alupas injop;

Nupu Roma 11:25

Ak ilpu etoak, ek eti merit ainyak mika aki jim ato nitai adenaig ineigki aijaua, va aki jim aktaktai aijaua mika arapakau; mika era ipjin nahaiji nupu Isreel, um imyihum pan an naopan iyehki uhpu asjapicnaig ehni nup urai iji taka pece:

Ilpu Hibru 11:34

um ahni incop alupas, um ethan nauitoga; eris emda ara an nauatialidi ura, um esjilid an nedoa, um ahau ilpu eucsupo irai taka pece:

Nitai ehvaig 11:2

Jam ude nimnim u neom ahlap, um jim asjaaicnaig iran: eris atceijaig imi nup urai iji taka pece: erupu auhi inuarin-pece itaup ara irai mohoc inyi forte tu.