Lukas 21:15 - Intas Etipup

¹⁵ ekpu alupai caua intas ainyak im narapakau, erupu auatialidi a ilpu atimi tak atimi iramia asega inwudyedivaig intas unyimia um imyiisjis.

Lukas 21:15 Iomraidhean Croise

Niji tas Arapakau 2:6

Et alupai atimi narapakau a Ihova: et ahes an nipjineucsen namarero im nato itai.

Jeremaia 1:9

Is um adan nikman a Ihova um atcei pam nipjineucsek. Islep ika ehelek a Ihova, Namu ato aiek mika, ek mun ikni niji tas unyak ainyak an nipjineucsem.

Esikiel 29:21

An nadiat iyehki ekpu ika ainyak yi ehcohos pam nipat u nup Isreel, ekpu ika ehelum ainyak an tas ehele ra aiek; erupu lep ato ara mika ek Ihova ainyak.

Lukas 12:12

Etpu esege imi caua a Nesgan Upene an nuarin-nadiat iyehki intas ineig akupu asaig aijaua,

Lukas 21:16

Erupu aniv caua a ilpu atmil unyimia, im ilpu etoamia, im ilpu atimi ehpan iramia, im ilpu apa unyimia; erupu ika ara eri atgei nahaijimia.

Lukas 24:45

Is asalgei inliinmopura aien, mika eri ato ara intas eris aged,

Niji auritai o ilpu Apostolo 2:4

Is amen alupas anliinmopura a Nesgan Upene, eris atupun ara um tas irai taka tas, is idivaig is alupai ra intas a Nesgan Upene.

Niji auritai o ilpu Apostolo 24:25

Is tas aien va nedo atoh, im nedo upene, im nadiat almaijidjid etpu yetpam, ja is ucjucjucaij a Filiks, um ika, Atga unyum aiek an naopan ineig; ek wit tup eklim amen ainyak, ja par ahlaig vai euc.

Niji auritai o ilpu Apostolo 26:28

Is um ika a Acrippa ehele Paulo, Et mun ubutpotet u nahidaig nyak vaig ainyak mika ki atimi o Kristo vai intas unyum.

Niji auritai o ilpu Apostolo 6:10

Ja eris auatialidi ara nauud yi aijiraig vaig narapakau o un, im intas emda o un.

Nupu Efesus 6:19

im lep vai nyak, mika eri alupai nyak intas ki asalgei nipjineucsek ainyak um tas emda, um asuptecna nitai adena an tas-upene ineigki,

Jakobus 1:5

El et ti narapakau o un tah iramia, etmu ugni Atua vaig aien, et ahtai alupas imi atimi asega aien, um eti atuh ra; uhpu alupai yin.