Lukas 21:12 - Intas Etipup

¹² ¶ Erupu upyi hup ara, um atmas vai caua, um arop iramia, um ikni caua ehele ilpu atimi asjapicnaig, um lep ikni caua irai eom ipjin, erupu imyiapan caua ara an nuhup o ilpu atimarid im ilpu atimi alupas va nidak, ja etpu yetpam nitai iji ehki.

Lukas 21:12 Iomraidhean Croise

Madius 22:6

eris arop irai ilpu aheca o un nahaiji ra, um abli ra, um atgei ra.

Madius 24:8

Et idim ahka ura eris nitai iji eigki asega.

Lukas 21:11

etpu omoi alupas irai iji uari pece inyi ahinag, im lep umlaig has, im inmas; uhpu lep ecetai an nohatag niji itai iji eig er imtitaig, im niji itai asjaaicnaig esjilid.

Joanes 15:20

Akumu imyiehva aijaua intas ineig kis asaig ehelemia ainyak mika, Et eti esjilid tah naheca irai natimi alupas o un. El era edemda vai nyak ara, erupu lep edemda vai caua ara; el era imyiaiji intas unyak ara, erupu lep imyiaiji intas unyimia ara,

Joanes 15:21

Erupu ago nitai iji eigki asega vai caua ara va nidak, va nitai ineigki, nikavaig, era eti ato yin ara is abrai nyak aien.

Niji auritai o ilpu Apostolo 22:30

Is wat lahlah an tak apnyin, is merit aien nato upene vaig nitai iji eigki eris atijai iran a nupu Jutaia, va nitai ineigki is ahiyi yin aien, um ika ehele ilpu atimi ahlap esjilid im ilpu atimi alupas asega ura, eri a asjapicnaig ara, is imyiapan Paulo ehele ra aien, um ati yin an nuhup ura.

Niji auritai o ilpu Apostolo 5:40

Eris imyiaiji intas o un ara: eris wat ahlaig vai ilpu apostolo ara, um aredei ra, um asaig ehele ra mika eri jim tas ara an nidai Iesu, um atceijai ra.

Niji auritai o ilpu Apostolo 8:3

Ja is esjilid natmas o Saulo vai nup an nakalasia; is apan aien irai eom asega, um leucse ilpu atamaig im ilpu takata, um ikni ra anliin neom ipjin.

Niji auritai o ilpu Apostolo 9:4

is eropse an nobohtan aien, um atahaijeg nohran tah, is ika ehelen, Ak Saulo, ak Saulo, na auri aiek par atmas vai nyak?

1 Pitrus 2:13

Akumu imyiaiji intas alep asega u atimi aijaua vai Natimarid; kit intas alep u natimarid ineig et esjilid aien;

Nitai ehvaig 2:10

Jim imtitaig tah nohocred iji eig napu leucse aiek: etpu idim ikni nahaijimia iraili eom ipjin a Tiapolo, mika yi oop caua; akupu leucse nohocred aijaua ira adiat inyi ten: ja etmu inivaijec inliinmopom aiek um yetpan u unmas unyum, ekpu adgaig korona imi euc ainyak va nitai umoh iran.