Lukas 21:10 - Intas Etipup

¹⁰ Is ika ehele ra aien, Erupu ati nedoa jipe vai ra nup urai iji pece, im lep nup urai iji elcau:

Lukas 21:10 Iomraidhean Croise

Aiseya 19:2

Ekpu etinohun nehri jipe nup Ijipt ainyak: erupu ago nedoa ara, nikavaig, etpu ati nedoa tah vai etwan, im lep tah vai napa o un, im lep nup uran maliyum inyi ethi vai nup uran maliyum inyi eche, im lep nup uran nelcau inyi ethi vai nup uran nelcau inyi eche.

Sekaraia 14:13

Im lep inig, an nopan iyehki etpu eteuc ira ra nehtauo alupas etpu ahes ehele Ihova; erupu asjiraig jipe nikmara ara, um alcacsei jai jipe nikmara vai ra.

Markus 13:8

Erupu ati nedoa nup uran pece inyi ethi vai nup uran pece inyi eche, im lep nup uran nelcau inyi ethi vai nup uran nelcau inyi eche: etpu eteuc nomoi irai iji uari pece inyi ahinag, im lep numlaig has, im lep nehioehio u inliinmopoi atimi: et idim ahka um eres nitai iji eigki.

Lukas 21:11

etpu omoi alupas irai iji uari pece inyi ahinag, im lep umlaig has, im inmas; uhpu lep ecetai an nohatag niji itai iji eig er imtitaig, im niji itai asjaaicnaig esjilid.

Lukas 21:9

Aku wit atahaijeg edoa aijaua im ehtauo, jam jim imtitaig: inyi upyi eteuc nitai iji ehki; ja inyi ti fi auroauro um ahni nitai.

Niji auritai o ilpu Apostolo 11:28

Is atidai natimi is ethi ira ra, nidan Acabus, um tas irai Nesgan Upene, um ika, etpu eteuc numlaig has irai iji pece asega: ja is mun atimarid a Klatyus Sisar, is par eteuc.

Ilpu Hibru 12:27

Nesgan tas ineigki “lep ehcethi amaamai,” nikavaig, eri iknipagki nitai iji eigki er amaamai, et idivaig niji itai er ago, mika yi amen aktit nitai iji eigki et asjeuc ahtu.