Lukas 20:47 - Intas Etipup

⁴⁷ era atoraliak inpadiaig o ilpu takata eris emesmas a ilpu atamnyura ara, um alaigaheni opra par adahpoi nedo ura: etpu esjilid nohocred ura.

Lukas 20:47 Iomraidhean Croise

Aiseya 10:2

mika eri ago nedo acalacal ara vai ilpu ihki atimi, um atoraliak itai u ilpu atimi ohocred unyak, um iknipagki itai u ilpu takata eris emesmas a ilpu atumnyura, um lep lucsei naga u ilpu umnij!

Esikiel 22:7

Era amen ehelemia a ilpu atimi amcel vai ilpu etmara im ilpu risra: era amen ehelemia a ilpu atimi ago nedo acalacal vai ilpu atimi an taka pece: era amen ehelemia a ilpu atimi ehcerucai ilpu umnij im ilpu takata eris emesmas a ilpu atamnyura.

Esikiel 33:31

Era asjapicnaig ehelum ara et idivaig nasjapicnaig u ilpu atimi unyak, era ateuc ara an nuhup unyum, et idivaig ilpu atimi unyak, era lep ahgei intas unyum ara, ja era eti imiaiji ara: et idim upene intas ura, ja et aktaktai niji itai an nobohtan inliinmopora.

Emos 2:7

era merit alupas ara par avise idjini ilpu ihki atimi um yetpan an mah an nobohtan, um atapnes nefalaig u ilpu atimi ohocred: et ago ingeijid ehele natahig et ethi ache a natimi im lep etman, mika eri auahas nidak et itap.

Maika 2:2

Et has ira ra niji ahapol, era lucsei ara an nedo ipjin ura; et lep has ira ra niji imnim, era, lep atoraliak ara: era ehtipidai atimi ara im nup urai imnim ura; era ehcerucai atimi ara um lucsei niji uari obohtan ura.

Maika 2:8

Ja eris atidai itu acen a ilpu atimi unyak is idivaig tah et edemda aien: eka atipagki napelumai itac im napelumai uhup aijaua, irai ra sji igki era eklim atga ara um adumoij pam u nedoa.

Maika 3:2

Eka esjum aijaua va nedo upene, um merit va nedo has: eka ahosji atimi aijaua, um atipagki nemihtara irai iji eduora:

Madius 23:13

¶ Ja aʼa, auwe vai caua, ak ilpu atimi esege im ilpu Farisi, eka ilpu atimi efaifa aijaua! eka atapanes nelcau an nohatag va atimi aijaua: eka eti apan iran aijaua, eka lep acaiji ra aijaua era apan iran ara.

Madius 23:14

Aʼa, auwe vai caua, ak ilpu atimi esege im ilpu Farisi, eka ilpu atimi efaifa aijaua! eka atoraliak inpadiaig o ilpu takata eris emesmas ilpu atamnyura aijaua, um alaigaheni opra par adahpoi nedo unyimia: va nedo ineigki etpu idim esjilid nohocred unyimia.

Markus 12:40

era atoraliak inpadiaig o ilpu takata eris emesmas a ilpu atamnyura ara, um alaigaheni opra par adahpoi nedo ura: etpu esjilid nohocred ura.

Lukas 12:1

AN naopan iyehki eris asjapicnaig natimi is ahinag acen, um atamerit, is atupun aien um tas ehele ilpu atimi atahaijeg yin, um ika, Akumu upyi hup aijaua um aminjinaig caua vai leven o ilpu Farisi, et imi efaifa ineigki.

Lukas 20:46

Akumu aminjinai caua aijaua vai ilpu atimi esege, era merit ara naso ra vaig irai apelumai opra, um era lep merit ara mika eri aiheuc vai ra atimi irai uarin asjapicnaig atimi iran, era lep merit ara va niji itai ateuc esjilid irai eom alaigaheni, im ep niji uarin esjilid u inhag o atimi;

Lukas 21:1

IS eas pan aien, um alum ilpu atimi ikni itai niknivaig niji itai tup ahtai ura an nuarin ikni mune iran.

1 Nupu Desalonaika 2:5

Kis idim eti asan tas imyiahpas atimi ainyak an tah naopan, et idivaig eka ato aijaua, um eti ago nedo efaifa vai inhas irak itai; et ato a Atua:

Taitus 1:16

Era ika ara era ato Atua, jam ateri yin an nedo ura; era ilpu atimi auatatimi ara, um ilpu atimi imyipalea, um auatialidi nagovaig tah nauritai upene.

Jakobus 3:1

AK ilpu etoak, akumu jim ilpu atimi esege inyi ahinag aijaua, eka idim ato aijaua mika, etpu esjilid neruvaig imi caija.