Lukas 20:21 - Intas Etipup

²¹ Eris ahodai yin ara, um ika, Ak natimi esege, ecra ato aijama mika et inivaijec intas unyum im i nesege unyum, na eti imtita atimi aiek, jam esege inivaijec nedo o Atua:

Lukas 20:21 Iomraidhean Croise

2 Niji Tas Eled 19:7

Va nitai inigki akumu imtitai Ihova aijaua; akumu aktaktai aijaua um ago nedo atoh: et eti amen ehele Ihova Atua uja tah nedo has, et eti asjaaicnaig ira atimi aien, um eti lucsei niji itai tup ahtai ura.

Nitaasviitai u Job 34:19

Jai et has esjilid par asan tas inig ehele Atua, et idim eti asjaaicnaig irai ilpu atimi alupas aien, et tup ethi ache nedo o un, vai ilpu atimi ikni itai im ilpu ihki atimi; era idim nauritai an nikman ara sji igki asega.

Saam 12:2

Era asan tas ahcil natimi asega ehele ilpu etwara: et lep ero inliinmopora ara, athi um athi ehni, et asaig intas efaifa nipjineucsera ara.

Saam 55:21

Et upene intas o un um idivaig nidenided, ja is amen nedoa an liinmopon: et updak intas o un um idivaig narakei, jam esjilid irai nauitoga auhaig jipe.

Madius 22:16

Eris abraig pan ehelen ilpu atimi atahaijeg ra ara im ilpu atimi leh imi Herot. Eris ika ehelen ara, Ak natimi esege, ecra ato aijama mika, na inivaijec aiek, na esege inivaijec nedo o Atua aiek, um eti imtita atimi, um eti aktaktai natimi alupas o un tah:

Markus 12:14

Eris apan ehelen ara, um ika, Ak Natimi esege, ecra ato aijama, nikavaig, na inivaijec aiek, um eti imtita atimi, um eti aktaktai natimi alupas o un tah, jam esege inivaijec nedo o Atua: Et itaup nahtaivaig mune imi Sisar, ka oʼo?

Lukas 20:20

Eris imyiiris yin ara, um abraig pan atimi efaifa, mika eri aminjinai yin, jam idivaig atimi inivaijec, um tasehlek tas o un; eris ika ara eri atceijai yin ehele natimarid an pece, mika yi tas alep vai yin aien.

Lukas 20:22

Et itaup vai cama nahtaivaig mune imi Sisar, ka oʼo?

Joanes 3:2

is apan aien ehele Iesu an nepeig, um ika ehelen, Ak Rabai, ecra ato aijama, nikavaig, na atimi esege ahes ehele Atua aiek: et elika vaig tah natimi nagovaig niji auritai elika iji eigki na ago aiek, el et eti amen ehelen a Atua.

2 Nupu Korindus 2:17

Ek eti idiva atimi et ahinag ainyak, era asuptecnaig efaifa intas alep o Atua ara: ja ek asan tas imvaijec ainyak vai intas alep o Atua, an nuhup u Atua, irai Kristo.

Nupu Calesya 1:10

Ek idim eti ahilek naiheuc o atimi ainyak an naopan ineig, o Atua ache; ek eti lep ahilek nimyiahpas u atimi ainyak; el era imyiahpas nyak natimi um uhum pam, el ek eti aheca u Kristo ainyak.

Nupu Calesya 2:6

Ara eris esjilid ara, ek eti ato itai vai ra ainyak; et tup ethi ache inliinmopoi Atua va atimi asega: eris eti esege imi nyak tah nitai ara sji eigki eris esjilid ara: