Lukas 20:13 - Intas Etipup

¹³ Is ika a natimi alupas ohuun nekaro vaine iyehki, Inki ago inhe ainyak? ekpu abraig pan inhalav cop unyak ainyak: eru wit ecet yin ara, kit erupu ago nedo eccen vai yin ara.

Lukas 20:13 Iomraidhean Croise

Aiseya 5:4

Is eteuc inhe par ago vai nokoro vaine unyak, kis eti fi ago iran ainyak? Kis a uri ainyak par aitgaig mika yi egai vaine upene, is um egai vaine acen?

Jeremaia 36:3

Kit erupu atahaijeg nohocred asega inig a nup u Juta et ika ainyak ki ati imi ra; mika eri adumoij pam ara um udei efalaig has ura, athi um athi ehni; mika ki ohpodohpod nedo acalacal ura ainyak im lep nedo has ura.

Jeremaia 36:7

Kit erupu atpuse ara an nuhup u Ihova um alaigaheni vai yin, um lep adumoij pam um udei efalaig has ura, athi um athi ehni: et idim alupas nedemda im intavaitap is asuptecnaig a Ihova vai nup igcaki.

Esikiel 12:3

Va nitai inigki, ak inhal u natimi, namu ago niji ipjiitai u ilpu ohna aiek, um apan itac an nadiat an nuhup ura; namu udei nuarin amen iran unyum aiek, um atga unyum par apan an taka uarin an nuhup ura: kit erupu aktaktai ara, ja era idim ilpu atimi imipalea a nup uran pece unyum.

Hosia 11:8

Ak nup Ifreem, ekpu atcijaig caua ainyak um uauo? ak nup Isreel, ekpu atcijaig caua ainyak um uauo ek auanehvago iramia ainyak yi idivaig irai nup Atma? ekpu ehvikni caua ainyak yi idivaig nup u Siboem? et taigtaig inliinmopok ainyak vai caua, et esjilid naiheuc unyak vai caua.

Hosia 6:4

Ak nup Ifreem, ki ago inhe iramia ainyak? ak nup u Juta, ki ago inhe iramia ainyak? et idivaig inmoso an nuhialeg nedo upene unyimia um idivaig nopoigmul an nuhialeg et auroauro um tiih.

Madius 17:5

Is wat tas aien, is taluopni pam ehtaij nepeig ememina: is ahes an nepeig nohran tah, um ika, Inhalav cop unyak ineigki, ek imyiacitak yin ainyak; ahtijmu atahaijeg yin aijautaij.

Madius 3:17

is ahes an nohatag nohran tah, um ika, Inhalav cop unyak ineigki, ek imyiacitak yin ainyak.

Lukas 18:2

is ika aien, Is eteuc natimi alupas is ethi an nuarin-pece is ethi, is eti imtitai Atua aien, um eti eccen va atimi:

Lukas 18:4

Is eti fi auroauro aien um aru: ja par apitac, um ika inliinmopon, Ek idim eti imtitai Atua ainyak, um eti eccen va atimi;

Lukas 20:12

Is um lep aketo aien um abraig pan is ethi is eche: eris ati inmacop iran ara, um ethaig pan itac yin.

Lukas 20:14

Ja eris wat ecet yin a ilpu atimi ahapol, eris tas jipe ehele ra ara, um ika, Natimi ineigki etpu isjipigmoig etman aien: ti apan akaija um atgei yin, va yi upu uja uman.

Lukas 9:35

Is ahes an nepeig nohran tah, um ika, Inhalav cop unyak ineigki: ahtijmu atahaijeg yin aijautaij.

Joanes 1:34

Kis ecetai ainyak um asuptecnaig, um ika, Inhal o Atua ineigki.

Nupu Roma 8:3

Is wat auatialidi intas alep va nauatialidi u atimi, is abrai Inhal o un a Atua an nohun, an nalmun nohuja has, par itai ahlap va nedo has, um esjilid irai nedo has an nohuja:

Nupu Calesya 4:4

ja is wat yetpam ehni naopan o un, is abraig pan Inhal o un a Atua, is apos yin intakata, is amen itlian tas alep aien,