Lukas 2:9 - Intas Etipup

⁹ Is ehcohos pan ehele ra a nagelo is ethi o Ihova, is ehlo ra naijora Ihova; eris um imtitaig alupas ara.

Lukas 2:9 Iomraidhean Croise

1 Ilpu Atimarid 8:11

is ehka vai ilpu atimi ahlap par aiji um auanaheca va nadran nepig iyehki: is idim ohua natimi alupas u Ihova an neom u Ihova.

Eksotus 16:10

Is wat tas a Eron ehele nup Isreel asega, eris aespan an namasacen ara, is ehcohos natimi alupas u Ihova an napat.

Eksotus 16:7

etu wit lahlah an nuhialeg, akupu ecetai natimi alupas u Ihova aijaua; et idim atahaijeg intas edemda unyimia aien vai Ihova: ecrau lep he aijumrau, mika eka edemda vai cumrau aijaua?

Aiseya 35:2

Etpu elwa namasacen, etpu idim elwa um imiacitak; maiya, etpu cediaig um ahlaig ijinies: er alupai namasacen niji itai upene u Lebanon, im neklim upene u Karmel im Seron, erupu ecetai natimi alupas u Ihova natimi, im neklim upene u Atua uja.

Aiseya 40:5

uhpu ehvaig natimi alupas u Ihova, erupu ehrecetai natimi asega: vaig inig nikavaig, et mun asaig intas inigki a Ihova an nipjineucsen.

Aiseya 60:1

AK Saion, namu atidai aiek um naunau; et mun yetpam inlah unyum, et mun lep aridjai iram a natimi alupas u Ihova.

Esikiel 3:23

Kis atidai ainyak, um apan an nuarin marara: is um aiji natimi alupas u Ihova eahki, is idivaig natimi alupas o un iyehki kis ecetai ainyak u nofowai Kibar: kis atpuse ainyak.

Madius 1:20

Is wat aktaktai nitai iji eigki aien, is ehcohos pan ehelen a nagelo o Ihova an numjeg ahnag o un, um ika, Ak Josef, mapoi Tevit, jim imtitaig aiek inlehvaig Mere ehgam: et opouc aien vai Nesgan Upene:

Lukas 1:28

Is han ehelen a nagelo, um ika, Kaiheuc vai euc, na mun ahesmoij aiek, etmu amen ehelum a Ihova: na esjilid aiek irai ilpu takata.

Lukas 2:8

Eris amen an pece iyehki a ilpu atimi asgi siip, eris amen ara an lelitai, um aminjinaig siip ura an nepeig.

Lukas 24:4

Is wat ehioehio inliinmopura ara va nitai iji eigki, erus aiji ubutpotet ehele ra natimi is ero is ememina napelumai ira rau:

Joanes 12:41

Is asan tas iji eigki a Aiseya, is wat almoi natimi alupas o un aien, um tas vai yin.

Niji auritai o ilpu Apostolo 12:7

Is idim han ehelen a nagelo o Natimarid, is um lah aijaig inliin neom ipjin: is atcei pan nijihgai Pitrus aien, um imyiatidai yin, um ika, Auroauro aiek um atidai. Is um ispun etjose natauhat an nikman.

Niji auritai o ilpu Apostolo 27:23

et mun idim aiji ehelek an nepeig ineigki a nagelo o Atua ineig, ek aheca o un ainyak, um alaigaheni vai yin,

Niji auritai o ilpu Apostolo 5:19

Ja is asalgei intapanes an neom ipjin a nagelo o Natimarid an nepeig, um imyialau ijo ra, um ika,

2 Nupu Korindus 3:18

Inta almoi natimi alupas u Natimarid akaija asega an nitai naunau, an nesganimtan er eti adahpoi, inta lep idivaig nalmun akaija, um yetpan an naunau vai Nesgai Natimarid.

2 Nupu Korindus 4:6

Atua ineig is ika aien yi cespan naupat naijoran lah, um lep ika aien yi cespan inliinmopok naijoran lah, mika ki lah ainyak, um ato natimi alupas o Atua, an nesganimtai Iesu Kristo.

1 Timodeus 3:16

ET idim inivaijec neigki, nikavaig, et esjilid nitai adenaig an nedo eccen vai Atua, nikavaig, Is ehcohos a Atua an nohun, is ika a Nesgan Upene et atoh nedo o un, eris ecet yin a ilpu agelo, eris asuptecnai yin ehele nup urai iji pece, eris asgeig iran an nobohtan, eris lep imyiapan yin an pece upene.

Ilpu Hibru 12:21

eris um imtitaig alupas nitai iji ehki eris ecetai, va nitai ineig is ika a Moses, Ek imtitaig alupas ainyak, um eucjucjucaij:

Nitai ehvaig 18:1

IS wat ti pan itac nitai iji eigki, kis ecet nagelo is ethi is eche ainyak, is ahes an nohatag aien um asuol, is esjilid nemda o un; is lahaijaig nobohtan va naijoran.

Nitai ehvaig 20:11

Kis lep ecetai dorona is ethi ainyak, is alupas um ahi, im lep yin is ateuc iran aien; is apohod u nobohtan im nohatag vai yin; eris eti ecetai tah anuarin ineig inyi amen iran.