Lukas 2:8 - Intas Etipup

⁸ Eris amen an pece iyehki a ilpu atimi asgi siip, eris amen ara an lelitai, um aminjinaig siip ura an nepeig.

Lukas 2:8 Iomraidhean Croise

Esikiel 34:8

Et ika a Natimarid Ihova; Ek umoh ainyak, et idim uco, vaig inig nikavaig, eris ces oplecoplec inpak irai siip unyak, eris lep hegaig inpak irai siip unyak niji itai ekliin edo irai pece aleg asega, vaig inig nikavaig, is ti natimi asgi siip, im lep inig, eris eti ahilek inpak irai siip unyak a ilpu atimi asgi siip unyak; eris alaa ra ache a ilpu atimi asgi siip, ja eris eti aminjinaig inpak irai siip unyak ara;

Lukas 2:7

Is apos inhalav atamaig o un aien inmetto, um aso pam yin an napelumai, um ati yin an nelcau hag o kurimatau; is ti inuarin ineig eru amen iran arau anliin neom ehele atimi asega.

Lukas 2:9

Is ehcohos pan ehele ra a nagelo is ethi o Ihova, is ehlo ra naijora Ihova; eris um imtitaig alupas ara.