Lukas 2:46 - Intas Etipup

⁴⁶ Is wat ti pan itac nadiat is eseij, erus ecet yin arau anliin neom ahlap nateucvaig an niblai ilpu atimi esege; is atahaijeg ra aien, um lep ahodai ra vai itai.

Lukas 2:46 Iomraidhean Croise

1 Ilpu Atimarid 12:12

Is apan a Jeroboam im lep natimi asega ehele Rihoboam, is wat ti pan itac nadiat is eseij, is idivaig is asaig a natimarid, um ika, Etu wit ti pan itac nadiat inyi eseij, lep apam ehelek.

1 Ilpu Atimarid 12:5

Is ika ehele ra aien. Atga unyimia aijaua, ja etu wit ti pan itac nadiat inyi eseij, akumu lep ham ehelek aijaua. Eris atga ura natimi.

Aiseya 50:4

Et mun alupai nyak a Ihova Natimarid intas u ilpu atimi arapa-kau, mika ki ato ainyak par atau imi ilpu atimi auatialidi an tas: etpu ahugni nyak aien imi iji uhialeg, etpu asalgei intikgak aien mika ki atahaijeg ainyak et idivaig ilpu atimi er esege imi ra.

Madius 12:40

is idim amen a Jona an nadiat is eseij im nepeig is eseij an nipjinetgan numu alupas; et um ucco etpu amen a Inhal o natimi an nadiat inyi eseij im nepeig inyi eseij anliin tan.

Madius 16:21

¶ Is atupun a Iesu an naopan iyehki um asuptecnaig ehele ilpu atimi atahaijeg yin, um ika, Ek et hidim ika ainyak ki apan Jerusalem, etpu ahinag nohocred unyak vai ilpu atimi tas alep, im ilpu atimi ahlap esjilid, im ilpu atimi esege, erupu atgei nyak ara; ja et wit ti pan itac nadiat inyi eseij ekpu lep nusjai ainyak.

Lukas 2:47

Eris imyiali yin ara asega eris atahaijeg yin, va nato upene o un im nasuptecnaig upene itai o un.

Lukas 5:17

IS wat esege aien an nadiat is ethi, eris ateuc eahki a ilpu Farisi im ilpu atimi esege intas alep, eris ahes irai iji uari-pece asega Calili, im Jutaia, im Jerusalem: is ago cehcehe atimi emehe a Natimarid an nemda o un.

Joanes 3:10

Is tas a Iesu, um ika ehelen, Na atimi esege aiek imi nupu Isreel, jam eti ato nitai iji eigki?

Niji auritai o ilpu Apostolo 5:34

Ja is um atidai natimi is ethi irai ilpu atimi alupas eris asjapicnaig, nidan Camelyel, is Farisi aien, um atimi esege intas alep, eris tas upene vai yin natimi asega, is ika aien, eri imyialau ijo tintin jak ilpu apostolo;

1 Timodeus 1:7

eris merit ara mika eri ilpu atimi esege intas alep; ja era eti ato ara nitai iji eigki era tas vaig ara, im nitai iji eigki era taam imyiisjis ara.