Lukas 2:41 - Intas Etipup

⁴¹ ERUS apan Jerusalem ahwat atmil o un irai iji mesese u nasjapicnaig va napaska.

Lukas 2:41 Iomraidhean Croise

Eksotus 12:11

Akumu caig aijaua yi uce; etmu amen iramia nitai arore nijihgamia, im incetpoi eduomia, im lep niseuc irai ikmamia; akumu auroauro aijaua um caig: nahtaregdei atimi u Ihova nigki.

Eksotus 12:14

Akumu imiheva nadiat inigki aijaua; akumu apos aijaua um hag iran vai Ihova, im lep ilpu mapomia asega; akumu apos ai-jaua um lep ago nedo inigki irai iji mesese.

Eksotus 34:23

Erumu eceseij ehcohos an nuhup u Ihova Atua unyimia, Atua u nup Isreel, a ilpu halav atamaig unyimia irai iji yier.

Levitikus 23:5

Etmu eteuc nopan imiehva nahtaregdei caua u Ihova an jupura an nadiat fortiind an mohoc uhup.

Numera 28:16

Uhmu asjapicnaig va nahtaregdei atimi u Ihova an nadiat fortiind an mohoc uhup.

Lukas 2:42

Is wat twelv inmesese iran, erus apan Jerusalem arau, is idivaig nedo o atimi u nasjapicnaig iyehki.

Joanes 11:55

Is um ubutpotet u napaska u nupu Jutaia: eris ahes an pece iyehki natimi is ahinag, um apan Jerusalem, mika eri ago adicinadicin ra ara, ja pah caig napaska.

Joanes 13:1

AN naopan iyehki is mun ubutpotet u nasjapicnaig va napaska, ja is ato a Iesu, nikavaig, is yetpam naopan ineig inyi ude nobohtan ineigki aien, um apan ehele Etman, is aiyu inliinmopon aien vai ilpu atimi o un an nobohtan, is lep aiyu inliinmopon aien vai ra um yetpan u inmas o un.

Joanes 2:13

IS um ubutpotet u napaska o nupu Jutaia, is apan Jerusalem a Iesu;

Joanes 6:4

Is um ubutpotet u napaska, nasjapicnaig o nupu Jutaia yehki.

Tyuteronome 12:11

etpu aniv intah anuarin a Ihova Atua unyimia, um ati nidan eahki par amen; akumu imiapan eahki aijaua niji itai asega ek asaig ehelemia ainyak; niji itai ahlap atnamud unyimia, im niji itai ahlap unyimia, im niji uari tend unyimia, im niji itai ehvaig irai ikmamia, im niji itai esjilid asega vai intas upyi asaig unyimia akis asaig ehele Ihova aijaua:

Tyuteronome 12:18

ja akumu caig nitai iji igki an nuhup u Ihova Atua unyimia aijaua, an nuarin iyehki etpu aniv a Ihova Atua unyimia, aijaua, im inhalav atamaig unyimia, im inhalav atahig unyimia, im naheca atamaig unyimia, im naheca atahig unyimia, im ilpu mapoi Livai anliin nokoro unyimia: akupu imiacitak aijaua an nuhup u Ihova Atua unyimia irai iji itai asega akupu ago irai ikmamia aijaua.

Tyuteronome 16:16

Erumu eceseij ehcohos pan an nuhup u Ihova Atua unyum a ilpu atamaig asega irai iji mesese an nuarin iyehki etpu aniv aien; an nasjapicnaig va nareto et ti leven iran, im nasjapicnaig vai wiik, im nasjapicnaig vai iyum uriicai: etmu jim ehcohos pan tah an nuhup u Ihova et ti itai o un:

1 Samuel 1:21

Is apan Sailo a Elkana natimi iyehki, im natimi asega an nimnim o un, mika eri ahlap vai Ihova an nitai ahlap irai mesese asega, im nitai ahlap iyehki eris upyi asaig vaig.

1 Samuel 1:3

Is ahes an maliyum o un a natimi iyehki irai iji mesese, um apan Sailo, par alaigaheni um ahlap vai Ihova Atua emda acen. Erus atimi ahlap vai Ihova ahwat hal u Ilai eahki, nan, Hofnai im Finehas.