Lukas 2:40 - Intas Etipup

⁴⁰ Is alupas a inhalav iyehki um emda inliinmopon, um esjilid narapakau o un: is aiheuc vai yin a Atua.

Lukas 2:40 Iomraidhean Croise

Saam 22:9

As idim atipagki nyak aiek an nipjinetgai risik: as lep aminjinaig nyak aiek, is wat alidak a risik.

Saam 45:2

Na eklim upene aiek, na eklim upene aiek, um esjilid ira atimi; er ati intas updak an nipjineucsem; va nitai inigki, et asan tas acis yi alwai euc a Atua irai iji mesese.

Lukas 1:80

IS alupas inhalav iyehki, um emda inliinmopon; is amen aien irai uari amasacen, um uhum pan naopan iyehki is ehcohos aien ehele nupu Isreel.

Lukas 2:47

Eris imyiali yin ara asega eris atahaijeg yin, va nato upene o un im nasuptecnaig upene itai o un.

Lukas 2:52

Is alupas a Iesu, is esjilid nato itai o un; is upene inliinmopoi Atua vai yin, im lep inliinmopoi atimi.

Joanes 1:14

Is leh nohun a Intas, um amen eheleija, (ehtijis almoi natimi alupas o un aijumtaij, natimi alupas o Inhal o Etman et ethi ache,) is esjilid acen naiheuc o un, is lep idim inivaijec aien.

Niji auritai o ilpu Apostolo 4:33

Eris asuptecnaig emda inusjai o Iesu Natimarid a ilpu apostolo: is amen alupas ira ra asega naiheuc o Atua.

Nupu Efesus 6:10

IM lep ineig, ak ilpu etoak, akumu emda aijaua vai Natimarid, im lep va nemda esjilid o un.

2 Timodeus 2:1

VA nitai ineigki etmu emda inliinmopom aiek, ak inhal unyak, an naiheuc ineig et amen ehele Iesu Kristo:

Ilpu Atimi Tas Alep 13:24

Is apos inhalav atamaig o un a intakata, um anvi nidan par ika Samson: is auata alupas a inhalav iyehki, is lep asan tas acis yi alwai yin a Ihova.

1 Samuel 2:18

Is aheca an nuhup u Ihova a Samuel, eris aso yin an napelumai yilyil u natimi ahlap; is adualep ache aien.

1 Samuel 2:21

Is aiheuc vai Hanna a Ihova, is um opoc aien, um apos inhalav atamaig is eseij, im inhalav atahig is ero: is auata alupas a Samuel nadualep iyehki an nuhup u Ihova.

1 Samuel 2:26

Is auata alupas a Samuel nadualep iyehki: is upene inliin mopoi Ihova vai yin, im lep inliinmopoi atimi.

1 Samuel 3:19

Is auata alupas a Samuel; is atau imi yin a Ihova, um ehneijid intas o un asega.