Lukas 2:4 - Intas Etipup

⁴ Is lep ahes an nuarin-pece Nasared a Josef an pece Calili, um apan alaig Jutaia, an nuarin-pece o Tevit, nidan Bedleem, is mapoi Tevit aien um up uran pece o un,

Lukas 2:4 Iomraidhean Croise

Jenesis 35:19

Is mas a Rejel, eris lep atelmoi yin an nefalaig yetpan Efrad, tak idan Bedlehem.

Jenesis 48:7

Kis wat ahes Petan ainyak um atga unyak, is mas ehelek a Rejel risum an pece Kenan an nefalaig, ubutpotet pan Ifrad: kis atelmoi yin ainyak eahki an nefalaig Ifrad, tak idan Bedlehem.

Maika 5:2

Ak nup u Bedlehem Efrata, eka idim eti elpat aijaua irai up u Juta et ahinag acen, ja etpu ahes ehelemia um ehcohos pam vai nyak aien etpu atimarid irai up Isreel aien; is eteuc aien itu acen irai iji mesese asega.

Madius 1:20

Is wat aktaktai nitai iji eigki aien, is ehcohos pan ehelen a nagelo o Ihova an numjeg ahnag o un, um ika, Ak Josef, mapoi Tevit, jim imtitaig aiek inlehvaig Mere ehgam: et opouc aien vai Nesgan Upene:

Madius 2:23

is apan aien an nuarin-pece is ethi nidan Nasared, um amen; is idivaig intas ineig eris upyi asaig a ilpu profeta, um ika, Uhpu anvi nidan par ika nup an Nasared.

Lukas 2:3

Eris apan natimi asega irai uari-pece ura, mika eri aged idara.

Lukas 2:5

mika eri aged nidan im lep Mere ehgan, eris upyi asanlai imi yin ehelen, is um opouc aien.

Lukas 4:16

¶ Is apan Nasared aien eahki is upyi amen aien: is apan aien anliin neom alaigaheni an nadiat atumop, is idivaig nupyi edo o un, um atidai mika yi esvi itai.

Joanes 1:46

Is ika ehelen a Nadanyel, Et idim ahes an Nasared tah nitai upene, ka oʼo? Is um ika ehelen a Filipus, Apam aiek um almoi.

Joanes 7:42

eris aged, um ika, Etpu ahes ehele Tevit a Kristo, im lep an nuarin-pece Bedleem is amen iran a Tevit.

Nitaasviitai u Rud 1:19

Erus ehras atga arau um yetpan Bedlehem. Erus wat yetpan Bedlehem arau, is eliaujai inliinmopoi atimi asega an maliyum naico vai rau, eris ika ara, Neomai mun igki, ka oʼo?

Nitaasviitai u Rud 2:4

Is ahes Bedlehem a Boas, um apan, um ika ehele ilpu atimi eldei barle, Etmu amen ehelemia a Ihova. Eris ika ehelen ara, Etmu aiheuc vai euc a Ihova.

Nitaasviitai u Rud 4:11

Eris ika natimi asega eris amen an neucse nathatahau ara, im ilpu atimi alupas, Ecra ato nitai iji igki aijama, Etmu ika a Ihova yi idivaig Rejel im Lia a intakata inig, et mun ham anliin neom unyum aien: eris ahes ira ahwat rahki a nup Isreel; etmu ago nedo upene Efrata aien, uhmu lep imiahpas nidan Bedlehem:

Nitaasviitai u Rud 4:17

Eris anvi nidan a ilpu takata, ilpu atimi eblaamnem o un marom, um ika, Eh mun apos inhalav atamaig et ethi imi Neomai; eris anvi nidan par ika Obet: is etmai Jese aien, is etmai Tevit a Jese.

1 Samuel 16:1

IS ika a Ihova ehele Samuel, An taig aiek vai Saal um yetpan an nahopan? ek mun idim atcijaig yin ainyak, mika etpu eti lep atimarid irai up Isreel aien; atladwi narakei an nipat unyum aiek inyi ohua, um apan (ek abrai euc ainyak) ehele Jese nup u Bedlehem: ek mun alum natimarid imi nyak ainyak irai ilpu halav atamaig o un.

1 Samuel 16:4

Is ago nitai inig a Samuel is asaig ehelen a Ihova, um yetpan Bedlehem. Eris eucjeucjeucaij a ilpu atimi alupas u inmaliyum iyehki an napam o un, um ika, Nai ham aiek an liinmopom igpa, ka oʼo?

1 Samuel 17:12

Is etmai Tevit a nup Efrata iyehki u Bedlehem-juta, nidan Jese; is eet inhalav atamaig o un: eris ika natimi an nopan umoh u Saal, is efatimi aien.

1 Samuel 17:58

Is ika ehelen a Saal, Nai hal u di aiek, ak intakuras inigki? Is ika a Tevit, Ek hal ainyak u Jese nup u Bedlehem naheca unyum.

1 Samuel 20:6

El et ahodaig nyak a etmam, namu ika aiek, Is ugyi alupas nyak a Tevit, mika yi athut pan Bedlehem, inmaliyum o un: era asjapicnaig eahki a ilpu atemetan asega, um ahlap an nitai ahlap et ethi irai iji mesese.