Lukas 2:26 - Intas Etipup

²⁶ Is asuptecnaig ehelen a Nesgan Upene, mika yi upyi alum Kristo o Ihova aien, ja pali mas.

Lukas 2:26 Iomraidhean Croise

Saam 2:2

Era atidai a ilpu atimarid an nobohtan, era lep tas jipe a ilpu atimi alupas, um aat irai Ihova, im lep vai yin is ati yin aien, um ika,

Saam 2:6

Jai kis ati natimarid unyak ainyak ijinies u Saion, nedoon itap unyak.

Saam 25:14

Et amen a Ihova ehele ra sji igki era imtitai yin ara; etpu asan tas etipup o un ehele ra aien, mika eri ato itai ara.

Aiseya 61:1

ET amen ehelek a Nesgai Ihova Natimarid; vaig inig nikavaig, et mun ati nyak a Ihova mika ki imiapam intas upene ainyak ehele ilpu atimi et upoupo inliinmopora ara; et mun abrai nyak aien mika ki ago eropse ilpu atimi ohocred inliinmopora ainyak, um efehtas ehele ilpu atimi tup lucsei ra, um ika eri atcijai ra, um lep efehtas ehele ilpu atimi eris arore ra, um ika eri ahiyi ra;

Emos 3:7

El et ati tah nohocred a Ihova Natimarid, etpu uhup aien um asuptecnaig naktaktai o un vaig ehele Ilpu aheca o un, ilpu profeta marom.

Madius 2:12

Is acaiji ra a Atua an numjeg ahnag ura, mika eri jim adumoij pan ehele Herot ara, eris atga an nefalaig is eche ara, um apan an pece ura.

Lukas 2:29

Ak Natimarid, ek aheca unyum ainyak, an adceijaig eigpa nyak aiek an naopan ineig, et idivaig intas unyum:

Lukas 9:27

Et inivaijec ineig ek asaig ehelemia ainyak mika, Era aiji igcaki nahaiji atimi eri upyi hup ara um ecetai nelcau o Atua, ja par emesmas.

Joanes 1:41

Is upyi uhup aien um ecet Saimona etoan, um ika ehelen, Ecra mun ecet Mesia aijama, (nesgan tas ineigki, Kristo, Natimi ineig is ati yin a Atua.)

Joanes 20:31

ja eris aged nitai iji eigki, mika aki imyiisjis ninivaijec aijaua, um ika et Kristo a Iesu, et lep Hal o Atua aien; um lep mika aki leh nitai umoh iran an nidan, an nimyiisjis ninivaijec vaig unyimia.

Joanes 4:29

Apan aijaua, um alum natimi et ethi, et mun asuptecnaig ehelek aien niji itai asega kis mun ago ainyak: kit Kristo neigki?

Joanes 8:51

Et idim inivaijec ineig ek asaig ehelemia ainyak mika, El et apol an tas unyak tah natimi, inyi idim eti mas aien.

Niji auritai o ilpu Apostolo 10:38

nikavaig, is ati Iesu nup an Nasared a Atua irai Nesgan Upene im nemda o un: is atga jipe aien um ago nedo upene, um ago cehcehe ra asega eris ohocred ara vai Tiapolo; is amen ehelen a Atua.

Niji auritai o ilpu Apostolo 17:3

um asuptecnaig, um ika, eris idim ika yi leh nohocred a Kristo, um lep nusjai vai inmas o un; im lep ineig, et Kristo ineigki a Iesu, ek asuptecnai yin ehelemia ainyak.

Niji auritai o ilpu Apostolo 2:36

Et inivaijec ineig erumu ato a nupu Isreel asega, nikavaig, Iesu neigki akis atgei yin aijaua an nauincai atgeig, is ati yin a Atua mika yi Atimarid aien im Kristo.

Niji auritai o ilpu Apostolo 9:20

Is auroauro aien um asuptecnai Kristo irai eom alaigaheni, um ika, et Hal o Atua aien.

Ilpu Hibru 11:5

Is imyiisjis ninivaijec a Inok, eris um atipagki yin, mika yi jim mas aien; “eris eti ecet yin, is idim atipagki yin a Atua:” eris wat eti fi atipagki yin, eris ika, is upene inliinmopoi Atua vai yin.