Lukas 2:12 - Intas Etipup

¹² nitai asjaaicnaig imi caua ineigki; Akupu ecet inhalav aijaua er aso pam yin an napelumai, et asjeuc aien an nelcau hag o kurimatau.

Lukas 2:12 Iomraidhean Croise

2 Ilpu Atimarid 19:29

Nitai asjaaicnaig imi caua nigki, Akupu hegaig nitai iji igki aijaua et ispun ededel irai yier inigki, im lep niji itai inyi lep ededel inyi uce irai yier sekunt; ja irai yier dirt akumu ahwai itai aijaua, um asjapicnaig itai, um ahwaig nokoro vaine, um caig nohwan.

2 Ilpu Atimarid 20:8

Is ika a Hesekaia ehele Aiseya, Nitai asjaaicnaig nevitai mika etpu ago cehcehe nyak a Ihova, va ekpu apan ainyak anliin neom o Ihova viid?

Saam 22:6

Ja ek tup emijan ainyak, um eti atimi: era atuh nyak natimi, era lep amcel vai nyak a nup uran pece unyak.

Eksotus 3:12

Is ika aien, Ekpu idim amen ehelum ainyak; nitai asjaaicnaig imi euc nigki mika, ek mun abraig pan euc ainyak: Nau wit iknipagki ilpu atimi unyak an pece Ijipt aiek, akupu ahlap vai Atua aijaua an nedoon inigki.

Aiseya 7:11

Namu ugyi nitai asjaaicnaig aiek ehele Ihova Atua unyum; ugyi tah nitai asjaaicnaig aiek an nuarin ubo, ka au nuarin ijinies an nohatag.

Aiseya 7:14

Va nitai inigki etpu alupai caua nitai asjaaicnaig a Natimarid; Etpu idim opoc a natahig, um apos inhalav atamaig, um anvi nidan par ika Imanuel. (Atua eheleija.)

Lukas 2:13

Eris lep auroauro a ilpu agelo is ahinag an nohatag, um ehcohos pan ehele nagelo iyehki, um imyiahpas Atua, um ika,

Lukas 2:7

Is apos inhalav atamaig o un aien inmetto, um aso pam yin an napelumai, um ati yin an nelcau hag o kurimatau; is ti inuarin ineig eru amen iran arau anliin neom ehele atimi asega.

1 Samuel 2:34

Etpu itai asjaaicnaig vai euc nitai inigki etpu yetpam irai Hofnai im Finehas, ohwat halav atamaig unyum; arupu idim emesmas arau an nadiat inyi ethi ache.