Lukas 2:10 - Intas Etipup

¹⁰ Is ika ehele ra a nagelo, Jim imtitaig aijaua: ekpu idim asuptecnaig ehelemia ainyak intas upene: erupu imyiacitak alupas natimi asega:

Lukas 2:10 Iomraidhean Croise

Jenesis 12:3

ekpu acis yi alwai ra sji igki ainyak era acis yi alwai euc ara, um ahlaijai ra sji igki era ahlaijai euc ara: erupu ahesmoij vai euc a nup uran nobohtan asega.

Aiseya 40:9

Ak nup u Saion iji ig, eka imiapam intas upene aijaua, akumu aridjipam an nau ijinies aijaua; ak nup u Jerusalem iji ig, eka imiapam intas upene aijaua, akumu emda aijaua um tas ijinies; akumu tas ijinies aijaua, um jim imtitaig; akumu ika aijaua ehele nup urai maliyum an pece Juta, Alum Atua unyimia aijaua.

Aiseya 41:27

Ek uhup ainyak par ika ehele nup u Saion, Akumu idim alum ra aijaua: um lep par alupai nup u Jerusalem natimi imiham intas upene.

Aiseya 49:6

Is ika aien, Nauritai haklin nigki mika an aheca unyak aiek par imiatidai ilpu teuc irai Jekob, um imiadumoij pam ilpu ahri nup Isreel: ek mun lep ati euc ainyak mika an nitai lah imi nup urai iji pece, mika ki imiatamaig atimi ainyak vai euc um yetpan irai tid au nobohtan.

Aiseya 52:10

Et mun atipagki napelumai an nikman itap a Ihova an nuhup u nup urai iji pece; era mun almoi nimiatamaig caija u Atua uja a nup urai tid an nobohtan asega.

Aiseya 52:7

Et upene asega irai edoon neduei natimi inig et imiapam intas imiacitak aien, um asuptecnaig nigpa, um imiapam intas imiacitak um upene, um asuptecnaig nimiatamaig atimi, um ika ehele nup u Saion, Et atimarid a Atua unyimia.

Aiseya 61:1

ET amen ehelek a Nesgai Ihova Natimarid; vaig inig nikavaig, et mun ati nyak a Ihova mika ki imiapam intas upene ainyak ehele ilpu atimi et upoupo inliinmopora ara; et mun abrai nyak aien mika ki ago eropse ilpu atimi ohocred inliinmopora ainyak, um efehtas ehele ilpu atimi tup lucsei ra, um ika eri atcijai ra, um lep efehtas ehele ilpu atimi eris arore ra, um ika eri ahiyi ra;

Taniel 10:19

um ika, Ak natimi inigki eh merit alupas vai euc, namu jim imtitaig aiek: etmu amen ehelum nigpa, namu emda aiek, maiya, namu idim emda aiek. Is wat tas ehelek aien kis emda ainyak, um ika, Namu tas aiek, ak natimarid unyak; na mun idim ago emda nyak aiek.

Sekaraia 9:9

Ak nup u Saion, akumu imiacitak alupas aijaua; ak nup u Jerusalem, akumu ahlaig va nimiacitak aijaua: almoi! etpu yetpam a Natimarid unyimia ehelemia: et atoh nedo o un, et lep imiatamaig atimi aien; et upoupo inliiumopon aien, et um ateuc irai togke aien, inhakli togke marom.

Madius 14:27

Is idim tas ehele ra a Iesu, um ika, Etmu eropse inliinmopomia aijaua; ainyak aigki; jim imtitaig aijaua.

Madius 28:18

¶ Is apan a Iesu um tas ehele ra, um ika, Eris ati nemda asega imi nyak an nohatag im nobohtan.

Madius 28:5

Is tas a nagelo, um ika ehele intakata erahki, Jim imtitaig aijaurau: ek ato ainyak, nikavaig, erau ahilek Iesu aijaurau eris atgei yin an nauincai atgeig:

Markus 1:15

um ika, Eh mun ti pan itac ehni naopan iyehki, et mun ubutpotet nelcau o Atua: akumu adumoij anliinmopomia aijaua, um eteuc an tas-upene.

Markus 16:15

Is um ika ehele ra aien, Akumu apan aijaua irai iji pece asega, um asuptecnaig intas-upene ehele atimi asega.

Lukas 1:13

Is um ika ehelen a nagelo, Jim imtitaig aiek, ak Sakaraias: eh mun atahaijeg nalaigaheni unyum; etpu apos inhalav atamaig a ehgam Elisabed, napu anvi nidan aiek par ika Joanes:

Lukas 1:19

Is tas a nagelo, um ika ehelen, Ek Cebriel ainyak, um aiji an nuhup o Atua; eris abrai nyak mika ki tas ehelum ainyak, um asuptecnaig ehelum intas upene iji eigki:

Lukas 1:30

Is ika ehelen a nagelo, Jim imtitaig aiek, ak Mere: et mun aiheuc vai euc a Atua:

Lukas 2:11

eh mun apos Natimi imyiatamaig caua, an nadiat ineigki an nuarin-pece o Tevit, et Kristo aien Natimarid:

Lukas 24:47

mika eri atupun Jerusalem ara um asuptecnaig ehele nup urai iji pece asega, eri adumoij anliinmopura ara um leh nitai iknipagki nedo has ura an nidan.

Lukas 8:1

IS wat ti pan itac nitai iji eigki, is apan aien irai iji uari-pece alupas asega, im niji uari-pece haklin, um efehtas, um asuptecnaig intas-upene va nelcau o Atua: eris ahced yin natimi is twelv,

Niji auritai o ilpu Apostolo 13:32

Ecra lep asuptecnaig ehelemia aijama intas-upene ineig eris upyi asaig ehele ilpu retpoija,

Nupu Roma 10:15

erupu lep asuptecnaig ara el eh eti abrai ra, um auauo? et idivaig eris aged intas, um ika, “Et eklim upene neduei ra sji eigki era asuptecnaig intas-upene va neigpa ara, um asuptecnaig intas va niji itai upene!”

Nupu Efesus 3:8

Ek idim upoupo ainyak irai ilpu atimi upene asega, ja eris t alupai nyak naiheuc ineigki, mika ki asuptecnaig ainyak ehele nup urai taka pece intas-upene u Kristo ineig, et ehka natovaig nesjilid iran;

Nupu Kolose 1:23

el eka amen aijaua an nimyiisjis ninivaijec, um emda o un, um apol iran, um eti adumoij an tas-upene ineig eka aitgaig aijaua, akis atahaijeg vaig aijaua, eris lep asuptecnaig ehele atimi asega itlian nohatag; ek lep aheca uarin ainyak Paulo;