Lukas 19:8 - Intas Etipup

⁸ Is aiji a Sakius, um ika ehele Natimarid, Ak Natimarid, ekpu alupai ilpu ihki atimi nahaiji padiaig unyak ainyak; el kis atoraliak tah nitai ainyak ehele tah natimi va nedo efaifa, ekpu ehcemanohwan aru ainyak.

Lukas 19:8 Iomraidhean Croise

2 Samuel 12:6

etmu lep ecefor aru inhakli siip aien, nikavaig, is ago nedo inigki aien; is um tup ti naiheuc o un.

Saam 41:1

ET mun ahesmoij a natimi inig et ago nedo inig aien et tau upene vai ilpu ihki atimi; etpu imiatamaig yiu a Ihova an nopan ohocred o un.

Eksotus 20:16

Namu jim asan tas ahcil aiek va atimi eblaamnem unyum.

Niji tas Arapakau 6:31

ja el era ecet yin ara, etpu idim eceseven aru aien; eris idim ika ara, yi alupai naga asega o un aien.

Esikiel 33:15

el et imiadumoij nitai asjaaicnaig inig a natimi auatatimi an neti aru itai imi yin o un tah, um ago neruvaig va nitai inig is atoraliak aien, um ago nedo er umumoh vaig, jam eti ago nedo has; etpu idim umoh aien, inyi eti mas aien.

Numera 5:7

erumu asuptecnaig nedo has ura ara: etmu lep ago neruvaig asega aien, um ati nahaijin fiftd pan iran, um alupai yin is ago nedo has vai yin aien.

Lukas 11:41

Akumu aiheuc vai ilpu ihki atimi aijaua, um alupai ra itai unyimia; va etpu adicinadicin niji itai asega imi caua.

Lukas 12:33

Akumu ahtai niji itai unyimia aijaua, um alupai ilpu ihki atimi itai tup ahtai; akumu ago cat imi caua aijaua yi ti mutit, um ikni padiaig unyimia esjilid an nohatag yi pu amen, inyi eti apan eahki tah natimi ehneg itai, um eti ehcai itai nages.

Lukas 16:9

Ek asaig ehelemia ainyak mika, Akumu aiheuc va atimi aijaua mika eri apa unyimia ara irai padiaig efaifa; va aku wit emesmas aijaua, erupu leh pan caua ara irai imnim inyi amen irai iji mesese.

Lukas 19:7

Eris wat almoi ara, eris tas upoupo ara asega, um ika, Et apan aien alaig ehele natimi auatatimi.

Lukas 7:13

Is wat alum yin a Natimarid, is aiheuc vai yin aien, um ika ehelen, Namu tinau aiek.

Lukas 7:19

Is ahlaig a Joanes vai ohwat atimi atahaijeg yin is ero, um abrai rau mika eru apan ehele Iesu, um ahodai yin, um ika, Na atimi iyehki aiek eris ika, Etpu ham aien, ka intupu aitgai yin akaija?

1 Samuel 12:3

Ainyak ap aigki: akumu asuptecnaig nedo unyak aijaua an nuhup u Ihova, im lep an nuhup u natimi inig is ati yin aien: kis leh kurimatau u di ainyak? kis leh togke u di ainyak? kis ago nedo efaifa vai di ainyak? kis ehcerucai di ainyak? kis leh nimtan ehele di ainyak mika ki adahpoi nesganimtak vai yin ainyak? inki aru inigki ainyak.