Lukas 19:42 - Intas Etipup

⁴² um ika, El is eti ato aiek, itu acen ka an naopan ineig, niji itai imyiatamaig euc! ja eh mun idim adenaig vai euc.

Lukas 19:42 Iomraidhean Croise

Saam 32:6

Va nitai inigki, erupu ago nalaigaheni vai euc a ilpu atimi upene asega an nopan inig uhpu ecet euc: etu wit ahgarero alupas inwai, inyi idim eti uhum pan ra.

Saam 81:13

El era atahaijeg intas unyak a ilpu atimi unyak, el eris lep ahced nefalaig unyak a nup Isreel;

Aiseya 44:18

Era mun eti ato ara, erupu eti aktaktai ara: vaig inig nikavaig, et mun atapnes nesganimtara aien, va eri jim alum itai ara; im inliinmopora, va eri jim aktaktai itai ara.

Aiseya 48:18

Kaiheuc vai caua! el akis imiaiji intas alep unyak aijaua, el is idivaig nofowai namen upene unyimia, um idivaig niji epeau an jap nedo upene unyimia:

Aiseya 55:6

Akumu ahilek Ihova aijaua aku wit ecet yin aijaua, akumu ahlaig vai yin aijaua etu wit ubutpotet ehelemia aien:

Jeremaia 13:17

Ja el eka eti atahaijeg aijaua, etpu taigtaig inliinmopok ainyak irai uarin adenaig vai nijinies u inliinmopomia; ekpu taig alupas ainyak, etpu yah nidinimtak, vaig inig nikavaig, eh mun imiapan an taka pece ilpu atimi u Ihova.

Esikiel 33:11

Namu ika ehele ra aiek, Et ika a Natimarid Ihova; Ek umoh ainyak, et idim uco, et eti upene irak mika eri emesmes a ilpu atimi auatatimi; ja mika eri adumoij an nedo ura a ilpu atimi auatatimi iji ehki, um umumoh: akumu adumoij aijaua, akumu adumoij aijaua va nedo has unyimia; eka a uri aijaua um merit mika aki emesmas aijaua, ak nup Isreel?

Lukas 19:41

¶ Is wat apan ubutpotet aien, is almoi nuarin-pece itaup aien, um imyitaig,

Lukas 19:43

Etpu yetpam iram nadiat iji ehki, eru wit ucji nehpanitai ehtag a ilpu atimi tak atimi iram, um arahed iram, um atapanes iram marahed mihtag,

Lukas 19:44

erupu alcapdicraig euc ara, im lep natimi iram; inyi eti amen inhat inyi ethi irai taka hat; va nitai ineig, nikavaig, as eti ato naopan ateghe euc unyak aiek.

Niji auritai o ilpu Apostolo 10:36

Intas ineig is imyiapan ehele nupu Isreel a Atua, nasuptecnaigvaig neigpa vai Iesu Kristo: (et Atimarid aien ira atimi asega:)

Niji auritai o ilpu Apostolo 13:46

Ja erus emda a Paulo im Barnabas, um ika, Eris idim ika eri upyi hup um asuptecnaig intas o Atua ehelemia: ja akis esjum vaig aijaua, um ika is eti upene vai caua nitai umoh iran ineig inyi ti lep ti, va nitai ineigki ecrau ahidaig pan cumrau aijumrau ehele nup urai taka pece:

Tyuteronome 32:29

Ek merit ainyak mika eri aktaktai ara, um ato nitai inigki, um aktaktai nadiat apitac ura.

Tyuteronome 5:29

Ek merit ainyak mika yi amen ehele ra inliinmopora imtitaig nyak, im inliinmopora apos intas alep asega unyak irai iji adiat, va erupu amen upene ara, im ilpu hal ura, im ilpu mapora, irai iji mesese!

Ilpu Hibru 3:13

Jam ated sjipe caua irai iji adiat, eh wat anvi nidan par ika, “An naopan ineig;” vai yi jim ipjin inliinmopon tah caua va nefaifa an nedo has o un.

Ilpu Hibru 3:15

eris idim asaig, um ika, “El eka atahaijeg intas o un aijaua an naopan ineig, etmu jim ipjin inliinmopomia, et idivaig an nimyiisjis itai.”

Ilpu Hibru 3:7

Va nitai ineigki et idivaig et ika a Nesgan Upene, “El eka atahaijeg intas o un aijaua an naopan ineig,