Lukas 19:41 - Intas Etipup

⁴¹ ¶ Is wat apan ubutpotet aien, is almoi nuarin-pece itaup aien, um imyitaig,

Lukas 19:41 Iomraidhean Croise

2 Ilpu Atimarid 8:11

Is anani nesganimtan iran a Elaisa, ja is par ehcamai aien: is lep taig a natimi u Atua.

Saam 119:136

Et yah nidiimtak et idivaig nofowai, va nedo ura, nikavaig, era eti imiaiji intas alep unyum ara.

Saam 119:158

Ek alum ilpu atimi alwai atimi ainyak, um amcel vai ra; era eti imiaiji intas unyum ara.

Saam 119:53

Et edemda alupas inliinmopok ainyak va nedo o ilpu atimi auatatimi, era imipalea intas alep unyum ara.

Aiseya 22:4

Va nitai inigki kis ika ainyak, Akumu easpan an taka uarin vai nyak aijaua; ekpu taig alupas ainyak, akumu jim ika aijaua ti eropse inliinmopok ainyak, vaig inig nikavaig, er auahas nup uran pece unyak.

Aiseya 28:21

Etpu idim atidai a Ihova is idivaig an nedoon Perasim, etpu edemda aien is idivaig an niskanse Cibeon, mika yi ago nauritai o un aien, nauritai o un inig eri imiali vaig; mika yi ati neruvaig o un aien, neruvaig o un inig eri imiali vaig.

Jeremaia 13:17

Ja el eka eti atahaijeg aijaua, etpu taigtaig inliinmopok ainyak irai uarin adenaig vai nijinies u inliinmopomia; ekpu taig alupas ainyak, etpu yah nidinimtak, vaig inig nikavaig, eh mun imiapan an taka pece ilpu atimi u Ihova.

Jeremaia 17:16

Nedo unyak nigki, ek mun eti esjum ainyak par apitac euc, um asuptecnaig intas unyum: kis eti lep merit ainyak nopan ohocred ura; na idim ato aiek intas inig is ahes an nipjineucsek, kis tas ainyak an nuhup unyum.

Jeremaia 9:1

EK merit alupas ainyak mika yi idivaig inwai yah nidjinik, um idivaig nimtanwai nidiimtak, mika ki taig ainyak irai iji adiat im niji epig, vai ilpu atimi eris atgei u inhalav atahig u nup urau pece unyak!

Hosia 11:8

Ak nup Ifreem, ekpu atcijaig caua ainyak um uauo? ak nup Isreel, ekpu atcijaig caua ainyak um uauo ek auanehvago iramia ainyak yi idivaig irai nup Atma? ekpu ehvikni caua ainyak yi idivaig nup u Siboem? et taigtaig inliinmopok ainyak vai caua, et esjilid naiheuc unyak vai caua.

Lukas 19:42

um ika, El is eti ato aiek, itu acen ka an naopan ineig, niji itai imyiatamaig euc! ja eh mun idim adenaig vai euc.

Joanes 11:35

Is taig a Iesu.