Lukas 19:14 - Intas Etipup

¹⁴ Eris edemda vai yin a nup uran pece o un, um abrai atimi mika eri apitac yin, um ika, Ecra esjum aijama, nikavaig, yi atimarid an pece unyima natimi ineigki.

Lukas 19:14 Iomraidhean Croise

2 Samuel 23:7

va nitai inig, nikavaig, et ehka par asjiraig ra an nikma atimi, ja natimi inig et ika aien yi atai ra, er idim ika yi apos inpas aien im inmopul hat.

Aiseya 49:7

Et ika a Ihova Natimi imiatamaig nup Isreel, Atua Upene ura, ehele ilpu atimi iji ig er esjum vai ra, ehele nup urai pece iji ig er amcel vai ra, ehele naheca u ilpu atimi alupas. Erupu almoi nitai inig a ilpu atimarid um atidai, erupu almoi nitai inig a ilpu atimi alupas um atpuse, vai Ihova, aien aigki et inveijec aien, Atua Upene u nup Isreel marom, et mun ikni caua aien.

Sekaraia 11:8

Kis iknipagki natimi asgi siip is dri ainyak an mohoc is ethi ache; is ohocred inliinmopok ainyak vai ehtaij, is lep esjum inliinmopoi ehtaij ahtaij vai nyak.

Lukas 14:32

el et eti emda aien, et wat amen itac acen natimarid iyehki, et abrai ilpu aheca o un aien mika eri apan ara, um ugni yin mika etmu lep eigpa.

Lukas 19:13

Is asjapicnaig ilpu aheca o un is ten aien, um alupai ra nuari-mune is ten, um ika ehele ra, Aminjinaig sji eigki aijaua um yetpan u nadumoij pam unyak.

Lukas 19:15

Is wat adumoij aien, um atimarid an pece o un, is ika aien eri asjapicnaig pan ehelen ilpu aheca iji ehki, is alupai ra mune iji ehki aien, mika yi ato is ehed mune iji eig eris leucse ara va nauarimtai itai ura.

Lukas 19:27

Im lep ineig, akumu imyiapam igcaki ilpu atimi tak atimi irak iji eigki aijaua, eris esjum ara, um ika, ki jim atimarid an pece ura ainyak, um atgei ra an nuhup unyak.

Joanes 1:11

Is apan aien an pece o un, ja eris eti leh yin a nup uran pece o un.

Joanes 15:18

El era amcel vai caua natimi an nobohtan, eka ato aijaua mika eris upyi uhup ara um amcel vai nyak, ja par amcel vai caua.

1 Samuel 8:7

Is ika a Ihova ehele Samuel, Namu atahaijeg intas o atimi iji igki aiek an tas asega ura eri asaig ehelum ara: era idim eti adwo euc ara, ja era idim adwo nyak ara, vai ki jim atimarid ura ainyak.