Lukas 19:10 - Intas Etipup

¹⁰ et ham a Inhal o natimi mika yi ahilek ilpu atimi ahnag, um imyiatamaig ra.

Lukas 19:10 Iomraidhean Croise

Esikiel 34:12

Et idim ahilek emda inpak irai siip o un a natimi asgi siip, an nadiat inig et amen ehele inpak irai siip o un aien eris terimterim; et idim uco, ekpu ahilek siip unyak ainyak, um imiatamai ra irai iji uarin asega iji ig eris imiterimterim ra an nadiat inig et aimoc um apat.

Esikiel 34:16

Ekpu ahilek ra sji ig ainyak eris melga, um imiadumoij ra sji ig eris imiaha ra, um ati apelumai ira ra sji ig is tes niji eduora, um ago cehcehe ra sji ig eris emehe: ja ekpu auahas ra sji ig ainyak era alupas um emda; ekpu aru ira ra ainyak.

Madius 1:21

etpu apos inhalav atamaig aien, napu anvi nidan aiek par ika Iesu; etpu imyiatamaig ilpu atimi o un aien va nedo has ura.

Madius 10:6

jam apan ehele siip ahnag irai nupu Isreel.

Madius 15:24

Ja is tas aien, um ika, Eris eti abrai nyak vai tak atimi, ja vai siip ahnag irai nupu Isreel ache.

Madius 18:10

Akumu jim amcel vaig tah natimi upoupo iji eigki aijaua; ek asaig ehelemia ainyak mika, Era almoi nesganimtai Etmak an nobatag a ilpu agelo ura irai iji adiat an nohatag.

Madius 18:11

Is ham a Inhal o natimi mika yi imyiatamaig ra er auahas ra.

Lukas 15:32

et upene vai caija nimyiacitakvaig, um cediaig: et idivaig is mas a etoam ineigki, jam lep umoh; is tup ti aien, ja eris lep ecet yin.

Lukas 15:8

¶ El et eteuc nuari silver et ten o un tah intakata, el et etjo nuarin el et ethi, et atni incop alahala aien, um ahre neom, um ahilek emda um uhum pan naopan ineig et ecetai aien:

Joanes 3:17

Is eti abrai Inhal o un a Atua mika yi asuol pam an nobohtan par ika eri emesmas atimi an nobohtan; ja is abrai yin aien mika yi imyiatamaig atimi an nobohtan aien.

Nupu Roma 5:6

Intis wat auatialidi akaija, is idim mas a Kristo an naopan iyehki eris ati, par asitu irai ilpu atimi auatatimi.

Ilpu Hibru 7:25

Va nitai ineigki et lep emda aien par imyiatamaig ehni ra sji eigki era apan ehele Atua ara vai yin, et idim umoh aien irai iji mesese par imyiahras ra.