Lukas 18:9 - Intas Etipup

⁹ ¶ Is ecsipece aien ehele atimi iji eigki eris ispara imyianiv ra nedo atoh ura ara, um amcel vai tak atimi:

Lukas 18:9 Iomraidhean Croise

Niji tas Arapakau 30:12

Era eteuc hal atimi iji ig, era aktaktai ara mika era upene ara; ja er eti yiri ra va nedo has esjilid ura.

Aiseya 65:5

Era ika ara, Namu jim aiji pam ehelek aiek, jim apam ubutpotet ehelek aiek; ek idim itap ainyak, um esjilid iram. Era idivaig nadran cap an gidjik ara sji igki, um idivaig incap et ere an nadiat asega.

Aiseya 66:5

Akumu atahaijeg intas o Ihova aijaua eka eucjeucjeucaij van tas o un aijaua; Era ika a ilpu etwamia iji ig era edemda vai caua ara, um ahlo pan itac caua va nidak, Uhpu imiahpas Ihova, ecrupu lep almoi nimiacitak unyimia aijama; ja erupu lep ehcamai ara.

Levitikus 13:32

etmu almaijidjid inmocop a natimi ahlap an nadiat sevend: el et apaahni inmocop mese, um ti nalau iji ig et yag iran, um eti ubo inmocop ira arasin;

Lukas 10:29

Ja is merit aien mika eri aktaktai upene vai yin, um ika ehele Iesu, Natimi eblaamnem unyak di?

Lukas 15:2

Eris tas upoupo a ilpu Farisi im ilpu atimi esege, um ika, Et aiheuc vai ilpu atimi auatatimi natimi ineigki, um hag ehele ra.

Lukas 16:15

Is ika ehele ra aien, Eka idivaig ilpu atimi upene aijaua an nuhup o atimi; ja et ato inliinmopomia a Atua: et has acen nitai ineig an nuhup o Atua, era tas upene vaig atimi.

Lukas 18:11

Is aiji a Farisi, um echim alaigaheni, um ika, Ak Atua, ek naaurineig vai euc ainyak, ek eti idivaig tak atimi ainyak, ilpu atimi atoraliak itai, im ilpu atimi auatatimi, im ilpu atimi ago ingaijid, im lep natimi akwanaham ineigki:

Lukas 19:7

Eris wat almoi ara, eris tas upoupo ara asega, um ika, Et apan aien alaig ehele natimi auatatimi.

Lukas 7:39

Is wat ecetai a Farisi iyehki is imyiacaij yin aien, is aktaktai inliinmopon aien, um ika, El et aprofeta natimi ineigki, el et mun ato intakata ineigki aien et atcei pan yin aien, im nedo o un; et takata auatatimi aien.

Joanes 8:48

Eris tas a nupu Jutaia, um ika ehelen, Et inivaijec intas unyima, nikavaig, na upu Samerya aiek, et lep amen ehelum a nagelo has.

Joanes 9:28

Eris atuh yin ara, um ika, Na atimi atahaijeg yin ache aiek; ja ecra ilpu atimi atahaijeg Moses aijama:

Joanes 9:34

Eris tas ara, um ika ehelen, As atimi auatatimi aiek an naopan iyehki eris apos euc, na auri aiek par esege imi cama? Eris atipagki yin ara.

Niji auritai o ilpu Apostolo 22:21

Is um ika ehelek aien, Apan aiek: ekpu abrai euc ainyak mika an apan aiek itac acen ehele nup urai taka pece.

Nupu Roma 10:3

Era eti ato nika o Atua ara et atoh nedo ura, um lep merit par apol an nedo atoh ineig et ahes ehele ra; va nitai ineigki era eti imyiaiji nika o Atua ara et atoh nedo ura.

Nupu Roma 14:10

Jai na auri aiek par aktaktai has vai etoam? na ahri aiek par esjum vai etoam? intupu idim aiji akaija asega an nuhup u nitai ateuc ineig etpu asuptecnaig nimtan iran a Kristo.

Nupu Roma 14:3

Aien et caig aien, etmu jim esjum vai yin aien et eti caig aien; aien et eti caig aien, etmu jim aktaktai has aien vai yin et caig aien; et mun leh yin a Atua.

Nupu Roma 7:9

Is wat eti ehcohos pam intas alep itu acen, kis umoh ainyak: ja is wat chcohos pam intas alep, is lep nusjai nedo has, kis lep mas ainyak: