Lukas 18:8 - Intas Etipup

⁸ Ek asaig ehelemia ainyak mika, etpu auroauro aien um aru vai ra. Ja et wit ehcohos a Inhal o natimi, inyi idim eti ecetai nimyiisjis ninivaijec an nobohtan aien.

Lukas 18:8 Iomraidhean Croise

Saam 46:5

Et amen iran a Atua; inyi idim eti amaamai: etpu atau iran a Atua an nuhialeg.

Niji tas Arapakau 20:6

Era efehtas va nedo upene athiathi ura natimi et ahinag: ja natimi inig yek eda et inveijec aien?

Aiseya 40:27

Eka a uri aijaua, ak ilpu mapoi Jekob, par asaig, eka a uri aijaua, ak nup Isreel, par tas, um ika, Eh mun adenaig nedo uja vai Ihova, et mun ahnag irai tas uja a Atua uja?

Madius 24:24

Erupu ehcohos pam a ilpu Kristo efaifa im ilpu profeta efaifa, erupu ehvaig niji itai elika ara, im niji itai imyiali; erupu ika ara eri imyiahnag ilpu atimi ehtai ra; ja inyi elika.

Madius 8:20

Is ika ehelen a Iesu, Et eteuc inhelhel o kuri aleg, im lep nasiom oi man; ja et ti nuarin asjeuc imi Inhal o natimi.

2 Pitrus 2:3

Erupu lep leucse nimtan vai caua ara an tas efaifa vai inhas ira ra itai: inyi ti atumop um itu neruvaig ira ra, inyi ti imtatte nauahas ra vaig.