Lukas 18:14 - Intas Etipup

¹⁴ Ek asaig ehelemia ainyak mika, is apan an neom o un natimi ineigki, eris ika uhmu eti aru nedo has o un, ja eris ika uhpu aru nedo has o natimi iyehki: aien et ika aien et esjilid, etpu upoupo aien; ja aien et ika aien et upoupo, etpu esjilid aien.

Lukas 18:14 Iomraidhean Croise

Nitaasviitai u Job 22:29

Uhu wit imiasuol atimi, napu ika aiek eri atidai; etpu imiatamaig yin a Atua et ohocred inliimmopon aien.

Nitaasviitai u Job 25:4

Va nitai inigki, uphu ehvasaig mika et atoh nedo o atimi an nuhup u Atua; et ehka mika yi upene aien, is apos yin a intakata.

Nitaasviitai u Job 9:20

El ek ika ainyak, Et atoh nedo unyak, etpu asuptecnaig nedo has unyak nipjineucsek ainyak: el ek ika ainyak, Ek upene asega ainyak, etpu lep asuptecnaig nedo acalacal unyak nohrak.

Saam 138:6

Et esjilid a Ihova, ja et alum ilpu atimi et upoupo inliinmopora aien: ja et ato ra itac acen aien et ijinies inliinmopora ara.

Saam 143:2

Namu jim ahilek nedo u naheca unyum aiek: et idim eti atoh an nuhup unyum nedo o un tah et umoh aien.

Eksotus 18:11

Et esjilid ira ra asega aien an nedo ijinies asega ura. Ek idim ato ainyak mika et esjilid a Ihova, era takitai a ilpu atmas asega.

Niji tas Arapakau 15:33

Aien et ecen vai Ihova aien, etpu arapakau aien; im lep aien et upoupo inliinmopon aien, etpu leh nimiahpas aien.

Niji tas Arapakau 18:12

Et ijinies inliinmopoi natimi, ja par apitac nauahas yin vaig; et, lep upoupo inliinmopoi natimi, ja par apitac nimiahpas yin vaig.

Niji tas Arapakau 25:7

et upene nigki par ika ehelum, Namu aridjipam aiek; jam has nigki, par imiasuol euc an nuhup u natimarid inigki as mun alum yin aiek.

Niji tas Arapakau 29:23

Etpu imiasuol natimi nijinies u inliinmopon: ja eri ecen vai yin et upoupo inliinmopon aien.

Niji tas Arapakau 3:34

Et idim amcel vai ilpu atimi imiafakahcil aien: ja et aiheuc vai ilpu atimi iji ig aien et upoupo nedo ura.

Natimi Efehtas 9:7

Atga unyum aiek, um caig nitai caig unyum, um cediaig, um umnyi nide vaine unyum an liinmopom imiacitak; et idim upene ira Atua niji auritai unyum an nopan inig.

Aiseya 45:25

Uhpu ika et atoh nedo o nup Isreel asega vai Ihova ache, erupu lep imiahpas yin ara.

Aiseya 53:11

Etu wit ago nauritai o un aien etpu ecetai aien, etpu upene inliinmopon aien vaig: etpu ika a naheca upene unyak et atoh nedo o atimi inyi ahinag va nato yin ura; etpu lep lucsei nimtan nedo has ura aien.

Aiseya 57:15

Et ika Aien et ijinies aien um esjilid, Aien aigki et amen nai iji mesese aien, Aien aigki et itap nidan aien; Ekpu amen ainyak an nuarin ijinies um itap, im lep ehele ilpu atimi iji ig et ohocred inliinmopora ara um upoupo, par ika yi eropse inliinmopoi ilpu atimi upoupo, um lep ika yi eropse inliinmopoi ilpu atimi ohocred.

Aiseya 66:2

Et ika a Ihova, Kis ago nitai iji igki asega ainyak an nikmak, ja is par eteuc: ekpu lep aespan natimi inig ainyak, nikavaig, aien et ohocred um upoupo inliinmopon aien, et lep eucjeucjeucaij aien van tas unyak.

Taniel 4:37

Ek ago naaurinig ainyak Nebukatnesar um imiahpas, um ago nedo ecen vai Natimarid an nohatag, et inveijec nauritai asega o un, et lep atoh nedo o un: et emda aien par imiasuol ra sji igki et ijinies nedo ura.

Habakuk 2:4

Namu almoi natimi inig aiek et ijinies inliinmopon aien! et eti atoh nedo o un; ja aien et atoh nedo o un, etpu umoh aien va nimiisjis ninveijec o un.

Madius 23:12

Aien et ago nedo ijinies aien, etpu upoupo aien; aien et ago nedo upoupo aien, etpu esjilid aien.

Madius 5:3

Era mun ahesmoij ara et ipjidipjid inliinmopura ara: et ura nelcau an nohatag.

Lukas 1:52

Is iknipagki ilpu atimi alupas aien irai dorona ura, jam atijai ra sji eigki eris opoupou ara.

Lukas 10:29

Ja is merit aien mika eri aktaktai upene vai yin, um ika ehele Iesu, Natimi eblaamnem unyak di?

Lukas 14:11

Aien et ago nedo ijinies aien, etpu upoupo aien; aien et ago nedo upoupo aien, etpu esjilid aien.

Lukas 16:15

Is ika ehele ra aien, Eka idivaig ilpu atimi upene aijaua an nuhup o atimi; ja et ato inliinmopomia a Atua: et has acen nitai ineig an nuhup o Atua, era tas upene vaig atimi.

Nupu Roma 3:20

Vanitai ineigki eri eti ika et atoh nedo o un tah an nuhup o un va nimyiaiji intas alep: er idim ato nedo has o atimi vai intas alep.

Nupu Roma 4:5

ja er ika vai yin et eti imyiaiji intas alep aien, jam asgeig iran et ika aien et atoh nedo o ilpu atimi auatatimi, et edo atoh nimyiisjis ninivaijec o un:

Nupu Roma 5:1

ER ika et atoh nedo uja akaija va nimyiisjis ninivaijec uja, va nitai ineigki et amen eheleija neigpa o Atua vai Iesu Kristo Natimarid uja:

Nupu Roma 8:33

Di neigki etpu atijai tah nitai irai ilpu atimi iji eigki is ehtai ra a Atua? Atua neigki et ika aien et atoh nedo uja.

Nupu Calesya 2:16

inta ato akaija, nikavaig, er eti ika et atoh nedo o atimi va nimyiaiji intas alep, jai ya nasgeig irai Iesu Kristo ache, inta lep asgeig irai Iesu Kristo akaija, mika eri ika et atoh nedo uja va nasgeigvaig irai Kristo, um eti va nimyiaiji intas alep: er idim eti ika et atoh nedo o un tah natimi va nimyiaiji intas alep:

Jakobus 4:10

Ago nedo upoupo aijaua an nuhup u Natimarid, etpu lep atijai caua aien.

Jakobus 4:6

Ja et alupai caija naiheuc esjilid aien. Va nitai ineigki et ika aien, “Et ahcadai ilpu atimi et ijinies inliinmopura ara a Atua, ja et alupai ilpu atimi upoupo naiheuc o un aien.”

1 Samuel 1:18

Is ika aien, Etmu upene inliinmopom aiek vai naheca atahig unyum inigki. Is atga o un a intakata iyehki, um hag; is eti imtimlai an nesganimtan aien.