Lukas 18:13 - Intas Etipup

¹³ Is aiji itac acen a natimi akwanaham, is pam eti easji pan an nohatag aien: is ahpoi inritin aien, um ika, Ak Atua, aiheuc vai nyak aiek, ek atimi auatatimi ainyak.

Lukas 18:13 Iomraidhean Croise

2 Samuel 12:13

Is ika a Tevit ehele Nedan, Ek mun ago nedo has vai Ihova ainyak. Is um ika a Nedan ehele Tevit, Et mun atipagki nedo has unyum a Ihova; an eti mas aiek.

2 Niji Tas Eled 33:19

Eris lep aged irai tas o ilpu atimi ahuumtidec nalaigaheni o un, is atahaijeg vaig a Atua, im nedo has asega o un, im nedo imipalea o un, im niji ualin ijinies is imiitap aien, um ikni atmasimai is wud ugyit iran aien, an nopan iyehki is eti fi ago nedo upoupo aien.

2 Niji Tas Eled 33:23

um eti ago nedo upoupo an nuhup u Ihova is idivaig is ago nedo upoupo a Manasi etman; ja is ahinag nedo has u Emon.

Esra 9:6

um ika, Ak Atua unyak, ek ehcamai ainyak um imtitaig neas jipan vaig au nesganimtak ehelum, ak Atua unyak: et ahinag nedo has unyima um ataluopni pam cama, et lep aridjipan an nohatag nedo has unyima.

Nitaasviitai u Job 42:6

Vai nitai inigki, ek amcel vaig intas unyak ainyak; ek lep taigtaig ainyak, um ateuc au mah im nohpa.

Saam 106:6

Ecris ago nedo has aijama im lep ilpu retpoma, ecris ago nedo acalacal aijama, ecris ago nedo auatatimi aijama.

Saam 119:41

Etmu lep yetpam ehelek naiheuc unyum, ak Ihova, nitai imiatamaig nyak unyum marom, et idivaig intas upyi asaig unyum:

Saam 130:7

Akumu asgeig irai Ihova aijaua, ak nup Isreel: et idim aiheuc va atimi a Ihova; et lep imiatamaig alupas atimi aien.

Saam 25:11

Ak Ihova, namu iknipagki nedo has unyak aiek va nidam; et idim esjilid nedo has unyak.

Saam 25:7

Namu jim imiehva nedo has unyak aiek an takuras unyak, im nedo imipalea unyak; namu imiehva nyak aiek, ak Ihova, et idivaig naiheuc unyum im nedo upene unyum.

Saam 40:12

Et idim arehed irak niji ohocred et ahinag acen: et mun uhum nyak nedo has asega unyak, et lep elika vai nyak par alum itai; et idim ahinag nedo has unyak, jam eti elpat numri idjinik: et lep auatialidi inliinmopok ainyak.

Saam 41:4

Ek mun ika ainyak, Ak Ihova, namu aiheuc vai nyak aiek: ago cehcehe nyak; ek mun idim ago nedo has vai euc ainyak.

Eksotus 33:10

Eris ecetai napat natimi asega namen vaig an neucse neom atga: eris atidai natimi um ago nalaigaheni irai eucse iyum udig ura.

Aiseya 1:18

Et ika a Ihova, Akumu apam aijaua, mika ti tas jipe akaija: el etidivaig napelumai cap nedo has unyimia, etpu ahi um idivaig sno; el et idivaig napelumai cap eijilid, etpu ahi um idivaig numri siip.

Aiseya 6:5

Kis ika ainyak, Kaiheuc vai nyak! ekpu mas ainyak; vaig inig nikavaig, ek atimi et has nipjineucsek ainyak, et lep amen ainyak ehele atimi et has nipjineucsera: ek mun idim ecet Natimarid Ihova esjilid acen ainyak.

Aiseya 66:2

Et ika a Ihova, Kis ago nitai iji igki asega ainyak an nikmak, ja is par eteuc: ekpu lep aespan natimi inig ainyak, nikavaig, aien et ohocred um upoupo inliinmopon aien, et lep eucjeucjeucaij aien van tas unyak.

Esikiel 16:63

mika an imiehva aiek, um imtitaig, um eti lep tas, va nehcamai unyum, eku wit eti aru iram ainyak va niji edo asega as ago aiek; et um uce intas o Natimarid Ihova.

Taniel 9:5

ecra mun ago nedo has aijama, um ago nedo maumau, um ago nedo acalacal, um imipalea, mika ecra mun udei intas unyum aijama im intas alep unyum:

Madius 10:3

im Filipus, im Bardolomius; im Tomas, im Madius natimi akwanaham; im Jakobus inhal o Alfius, im Lebius, tak idan Datius;

Madius 6:5

¶ Na wit alaigaheni aiek, jim idivaig ilpu atimi efaifa: era merit ara natidaivaig um alaigaheni irai eom alaigaheni, im lep irai ihtag u efalaig, mika eri alum ra natimi. Et inivaijec ineig ek asaig ehelemia ainyak mika, Era mun leh nimtan imi ra ara.

Madius 9:13

Akumu apan aijaua, um ato nesgan tas ineigki, nikavaig, “Ek merit ainyak va nedo aiheuc va atimi, jam eti merit va niji itai ahlap:” kis eti ham ainyak par ahlaig vai ilpu atimi upene, ja vai ilpu atimi auatatimi ache, mika eri adumoij anliinmopura ara.

Markus 11:25

Aku wit aiji aijaua, um alaigaheni, el eka edemda aijaua va nedo o un tah, akumu jim aru aijaua; va etpu eti aru nedo has unyimia a Etmamia an nohatag.

Lukas 17:12

Is wat atga aien an haklin nuarin-pece is ethi, eris aubillid yin a ilpu atimi lepros is ten, eris aiji ara itac acen:

Lukas 22:41

Is ude ra aien um apan, et idivaig nuarin ethaig pan inhat iran, um atpuse, um alaigaheni,

Lukas 23:48

Eris wat almoi nitai iji eigki a ilpu atimi asjapicnaig par almoi nitai iyehki, eris ahpoijirai ritira ara, um atga ura.

Lukas 5:8

Is wat almoi a Saimona Pitrus, is atpuse aien u niji neduei Iesu, um ika, Ude nyak aiek; ek atimi auatatimi ainyak, ak Natimarid.

Niji auritai o ilpu Apostolo 2:37

¶ Eris wat atahaijeg ara, is ohocred inliinmopura ara, eris ika ehele Pitrus im ilpu apostolo asega ara, Ak ilpu etoama, ecri ago inhe aijama?

Nupu Roma 5:8

Ja is ehvaig naiyu u inliinmopon a Atua vai caija, nikavaig, intis wat ilpu atimi auatatimi akaija, is mas a Kristo par asitu iraija.

2 Nupu Korindus 7:11

Eka ato aijaua, nikavaig, is wat eteuc nohocred u inliinmopomia ineig is ahes ehele Atua, is esjilid: naktaktai unyimia, im intas asuptecnaig nedo unyimia, im nedemda, im nimtitaig, im inmerit alupas, im nemda, im naruvaig! Akis asuptecnaig asega aijaua mika, eka upene aijaua an nitai ineigki.

1 Timodeus 1:15

Et inivaijec intas ineigki, um upene neteuc iran asega vaig, nikavaig, is asuol sepam a Iesu Kristo an nobohtan ineigki, mika yi imyiatamaig ilpu atimi auatatimi; ek esjilid ira ra ainyak.

Ilpu Hibru 4:16

Va nitai ineigki intumu emda akaija um apan u dorona aiheuc o un; mika yi aiheuc vai caija aien, um atau imi caija an naopan upene.

Ilpu Hibru 8:12

Ekpu idim aiheuc vai ra ainyak vai edo acalacal ura, um eti lep imyiehva edo has ura im nauatatimi urk.”