Lukas 18:11 - Intas Etipup

¹¹ Is aiji a Farisi, um echim alaigaheni, um ika, Ak Atua, ek naaurineig vai euc ainyak, ek eti idivaig tak atimi ainyak, ilpu atimi atoraliak itai, im ilpu atimi auatatimi, im ilpu atimi ago ingaijid, im lep natimi akwanaham ineigki:

Lukas 18:11 Iomraidhean Croise

Saam 134:1

ALMOI, akumu imiahpas Ihova aijaua, ak ilpu aheca u Ihova asega, eka aiji aijaua an nimnim u Ihova an nepig.

Saam 135:2

Ak ra sji igki, eka aiji anliin neom o Ihova aijaua, anliin nokoro u neom o Atua uja marom,

Niji tas Arapakau 20:6

Era efehtas va nedo upene athiathi ura natimi et ahinag: ja natimi inig yek eda et inveijec aien?

Niji tas Arapakau 30:12

Era eteuc hal atimi iji ig, era aktaktai ara mika era upene ara; ja er eti yiri ra va nedo has esjilid ura.

Aiseya 1:15

Aku wit ada nikmamia aijaua, ekpu adahpoi nesganimtak ainyak vai caua: maiya, aku wit ecahinag alaigaheni aijaua, ekpu eti atahaijeg caua ainyak: eka mun atgei atmas atimi et ahinag aijaua.

Aiseya 58:2

Ja era ahilek nyak ara wai iji adiat, era merit ara par ato nedo unyak, et idivaig nup urai pece iji ig era mun ago nedo upene ara, um eti imipalea intas alep u Atua ura: era ahodaig nyak ara vai niji tas alep atoh; era merit ara par apam ehele Atua.

Aiseya 65:5

Era ika ara, Namu jim aiji pam ehelek aiek, jim apam ubutpotet ehelek aiek; ek idim itap ainyak, um esjilid iram. Era idivaig nadran cap an gidjik ara sji igki, um idivaig incap et ere an nadiat asega.

Jeremaia 2:28

Ja niji atmasimai unyimia yek eda eka mun ago ra aijaua vai caua? erumu atidai ara, el era emda ara, par imiatamaig caua an nopan ohocred unyimia: et ahinag niji maliyum unyimia, era lep idim uco a ilpu atmas unyimia, ak nup u Juta.

Jeremaia 2:35

Ja na ika aiek, Ek mun idim eti ago nedo has ainyak, etpu imiadumoij pan nedemda o un vai nyak aien. Namu ato aiek mika, ekpu aru iram ainyak, vaig inig nikavaig, na mun ika aiek, Ek mun eti ago nedo has ainyak.

Esikiel 33:31

Era asjapicnaig ehelum ara et idivaig nasjapicnaig u ilpu atimi unyak, era ateuc ara an nuhup unyum, et idivaig ilpu atimi unyak, era lep ahgei intas unyum ara, ja era eti imiaiji ara: et idim upene intas ura, ja et aktaktai niji itai an nobohtan inliinmopora.

Maika 3:11

Era tas alep a ilpu atimi alupas iran va nimtan, era esege imi atimi a ilpu atimi ahlap iran va naga, era ahidan tas a ilpu profeta iran vai mune: ja era lep asgeig irai Ihova ara, um ika, Et idim amen eheleija a Ihova; inyi eti yetpam iraija tah nohocred.

Madius 10:3

im Filipus, im Bardolomius; im Tomas, im Madius natimi akwanaham; im Jakobus inhal o Alfius, im Lebius, tak idan Datius;

Madius 5:20

Ek asaig ehelemia ainyak mika, El et eti esjilid nedo atoh unyimia irai edo atoh o ilpu atimi esege im ilpu Farisi, aki idim eti apan aijaua an nelcau an nohatag.

Madius 6:5

¶ Na wit alaigaheni aiek, jim idivaig ilpu atimi efaifa: era merit ara natidaivaig um alaigaheni irai eom alaigaheni, im lep irai ihtag u efalaig, mika eri alum ra natimi. Et inivaijec ineig ek asaig ehelemia ainyak mika, Era mun leh nimtan imi ra ara.

Markus 11:25

Aku wit aiji aijaua, um alaigaheni, el eka edemda aijaua va nedo o un tah, akumu jim aru aijaua; va etpu eti aru nedo has unyimia a Etmamia an nohatag.

Lukas 20:47

era atoraliak inpadiaig o ilpu takata eris emesmas a ilpu atamnyura ara, um alaigaheni opra par adahpoi nedo ura: etpu esjilid nohocred ura.

Lukas 22:41

Is ude ra aien um apan, et idivaig nuarin ethaig pan inhat iran, um atpuse, um alaigaheni,

Nupu Calesya 3:10

Uhpu idim aru ira ra asega era apol an nimyiaiji intas alep ara: eris aged, um ika, “Uhpu aru ira atimi asega era eti apos niji itai asega eris aged an nitasvitai an tas alep, um imyiaiji.”

Nupu Filipai 3:6

kis emda ainyak, um abli nup an nakalasia; is ehka nacaiji nyak vaig va nedo atoh an tas alep.

Nitai ehvaig 3:17

Na ika aiek, Ek idim ikni itai ainyak, um ahinag inpadiaig unyak, um eti ihki natimi ainyak; jam eti ato, nikavaig, na ohocred aiek, um eti esga natimi, um ihki natimi, um aupat nesganimtam, um tup atga.