Lukas 18:1 - Intas Etipup

¹ IS ecsipece ehele ra aien, va nitai ineigki, nikavaig, eris idim ika eri alaigaheni atimi irai iji adiat, um jim auatialidi;

Lukas 18:1 Iomraidhean Croise

Saam 102:17

Et mun ahidaig pam yin aien u nalaigaheni u ilpu ihki atimi, um eti amcel vai nalaigaheni ura.

Saam 27:13

El ekis eti ika ainyak, ki almoi nedo aiheuc u Ihova ainyak an nobohtan era umumoh natimi iran, el ekis auatialidi ainyak.

Saam 65:2

Na atahaijeg intas alaigaheni u atimi aiek, erupu ahtag pam ehelum natimi asega.

Saam 86:3

Ak Natimarid, namu aiheuc vai nyak aiek: ekpu idim ahlaig vai euc ainyak irai iji adiat.

Aiseya 40:31

ja ara era aitgaig vai Ihova ara erupu leh nemda mat ara; erupu aridjai irai ehpara ara et idivaig inmeijcop alupas; erupu athut ara, jam eti areci; erupu atga ara, ja inyi eti esvi ra.

Aiseya 62:7

um jim udei yin par atumop, um yetpan an nopan iyehki yi ati aktit Jerusalem aien, um ika eri imiahpas inmaliyum o un an nobohtan.

Jeremaia 29:12

Akupu lep ahlaig vai nyak aijaua, akupu apam aijaua um alaigaheni vai nyak, ekpu adai intas unyimia ainyak.

Jona 2:7

Is wat auatialidi inliinmopok ainyak, kis imiehva Ihova ainyak: is lep yetpam ehelum nalaigaheni unyak anliin neom ahlap upene unyum.

Lukas 11:10

aien et ugni itai aien, etpu leh aien; aien et ahilek itai aien, etpu ecetai aien; aien et etcetcei intapanes aien, uhpu asalgei vai yin.

Lukas 21:36

Akumu aiji aijaua, um alaigaheni, um jim atumop, va uhpu ika vai caua aki upene aijaua mika yi ti yetpam iramia tah nitai irai itai iji eigki eri yetpam; akupu lep atidai aijaua an nuhup u Inhal o natimi.

Nupu Roma 12:12

am imyiacitak an naitgaig unyimia; um ago nedo eti auatiemda an nohocred unyimia; um apol ipjin an nalaigaheni;

2 Nupu Korindus 4:1

VA nitai ineigki an neteuc unyak an nauritai ineig, ek eti auatialidi ainyak va naiheuc o Atua vai nyak;

Nupu Calesya 6:9

Intumu ago nedo upene akaija, um jim atumop: intupu idim ehlek akaija an naopan o un, ele ta eti auatialidi akaija.

Nupu Efesus 6:18

um alaigaheni irai iji adiat, um emda um ugni itai vai Nesgan Upene, um aminjina nalaigaheni unyimia um jim auatialidi, um alaigaheni vai ilpu atimi upene asega,

Nupu Filipai 4:6

Jim aktaktai alupas aijaua vaig tah nitai; jam asuptecnaig inmerit unyimia ehele Atua va niji itai asega an tas alaigaheni, im intas ugni, im naaurineig;

Nupu Kolose 4:12

Et aiheuc vai caua a Epafras, et up uran pece unyimia aien, um lep aheca u Kristo, et ugni emda vai caua aien irai iji adiat ira alaigaheni, mika aki aiji aktit aijaua um upene asega an tas asega o Atua.

Nupu Kolose 4:2

AKUMU emda aijaua um alaigaheni, um aminjina nedo ineigki, um naaurineig;

1 Nupu Desalonaika 5:17

Akumu alaigaheni aijaua um jim atumop.

1 Samuel 1:12

Is wat alaigaheni opra aien an nuhup u Ihova, is almuktit nipjineucsen a Ilai.