Lukas 17:25 - Intas Etipup

²⁵ Ja eris idim ika inyi upyi hup aien um leucse nohocred inyi ahinag; erupu lep amcel vai yin atimi an naopan ineig.

Lukas 17:25 Iomraidhean Croise

Aiseya 53:3

Eris amcel vai yin natimi um udei yin; is atimi ohocred aien, is ato nemehe aien: um idivaig tah is adahpoi nesganimtan aien vai caija; eris amcel vai yin ara, ja intis eti ecen vai yin akaija.

Madius 16:21

¶ Is atupun a Iesu an naopan iyehki um asuptecnaig ehele ilpu atimi atahaijeg yin, um ika, Ek et hidim ika ainyak ki apan Jerusalem, etpu ahinag nohocred unyak vai ilpu atimi tas alep, im ilpu atimi ahlap esjilid, im ilpu atimi esege, erupu atgei nyak ara; ja et wit ti pan itac nadiat inyi eseij ekpu lep nusjai ainyak.

Madius 21:42

Is um ika ehele ra a Iesu, Akis esvi intas ineigki aijaua an nitasvitai, ka oʼo, nikavaig, “Inhat ineig eris esjum vaig a ilpu atimi acta neom, et hat esjilid ineigki an nesvi va neom: is ago nitai ineigki a Ihova, et itai imyiali ineig an nuhup uja”?

Markus 10:33

um ika, Intupu idim apan Jerusalem akaija; uhpu ati Inhal o natimi ehele ilpu atimi ahlap esjilid, im ilpu atimi esege; erupu asaig inmas o un ara, um ati yin ehele nup urai taka pece:

Markus 12:10

Akis esvi aijaua intas ineig eris aged, ka oʼo, nikavaig, “Inhat ineig eris esjum vaig a ilpu atimi acta neom, et hat esjilid ineigki an nesvi va neom:

Markus 8:31

Is atupun aien um esege imi ra, um ika, Etpu idim ahinag nohocred u Inhal o natimi; erupu amcel vai yin a ilpu atimi tas alep, im ilpu atimi ahlap esjilid, im ilpu atimi esege; uhpu atgei yin, ja et wit ti pan itac nadiat inyi eseij, etpu lep nusjai aien.

Markus 9:31

Is asuptecnaig ehele ilpu atimi atahaijeg yin aien, um ika ehele ra, Eh mun ati Inhal o natimi irai ikma atimi, erupu atgei yin ara; ja uhu wit atgei yin, et wit ti pan itac nadiat inyi eseij, etpu lep nusjai aien.

Lukas 18:31

IS leucse atimi is twelv aien, um ika ehele ra, Intupu idim apan Jerusalem akaija, uhpu ehneijid niji itai asega eris aged a ilpu profeta vai Inhal o natimi.

Lukas 18:33

um aredei yin, um atgei yin; ja et wit ti pan itac nadiat inyi eseij, etpu lep nusjai aien.

Lukas 24:46

um ika ehele ra, Eris aged is ucce, im lep ineig eris idim ika yi mas a Kristo, ja et wit ti pan itac nadiat inyi eseij, etpu lep nusjai aien:

Lukas 9:22

um ika, Eris idim ika etpu ahinag nohocred u Inhal o natimi, erupu amcel vai yin a ilpu atimi tas alep, im ilpu atimi ahlap esjilid, im ilpu atimi esege; erupu atgei yin ara, ja et wit ti pan itac nadiat inyi eseij, etpu lep nusjai aien.

Joanes 1:11

Is apan aien an pece o un, ja eris eti leh yin a nup uran pece o un.

Joanes 12:38

mika yi ehneijid intas ineig is asaig a Aiseya naprofeta, um ika, “Ak Natimarid, era eteuc an tas unyima a di? eh mun ehvaig nikmai Ihova ehele di?”

1 Samuel 10:19

ja eka mun adwo Atua unyimia aijaua an nadiat inigki, aien aigko is imiatamaig caua va niji ohocred asega unyimia, im niji ehcerucai caua unyimia; eka mun asaig ehelen aijaua, um ika, Oʼo, ja namu ati tah aiek mika yi atimarid unyima aien. Va nitai inigki akumu apam aijaua an nuhup u Ihova, et idivaig irai iji elcau unyimia im niji dausant atimi iramia.

1 Samuel 8:7

Is ika a Ihova ehele Samuel, Namu atahaijeg intas o atimi iji igki aiek an tas asega ura eri asaig ehelum ara: era idim eti adwo euc ara, ja era idim adwo nyak ara, vai ki jim atimarid ura ainyak.