Lukas 17:2 - Intas Etipup

² Et upene nathaivaig inhat alupas irara flaur an nauinwan, um ethaigse yin an jop; et has nagovaig nedo oop vaig tah ilpu hal unyak iji eigki.

Lukas 17:2 Iomraidhean Croise

Aiseya 40:11

Etpu aminjinai ilpu atimi o un aien et idivaig natimi asgi siip: etpu asjapicnai hakli siip aien an nikman, um apos ra an ritin, etpu eklim asgi siip aien era alidai ilpu hal ura ara.

Sekaraia 13:7

Et ika a Ihova esjilid acen; Ak nauitoga, aijilahlah aiek va natimi unyak et asgi siip aien, im lep va natimi inig et tup ethi ache pam irak aien: auud natimi asgi siip aiek, ja uhpu imiterimterim siip: ekpu ahidaig nikmak ainyak par imiatamaig niji siip haklin.

Madius 17:27

jai vai tu jim auahas inliinmopura akaijau, apok aiek an jop, um atise incaueij, um leh numu ineig inyi upyi hup um apam; na wit asalgei nipjineucsen aiek, napu ecetai aiek nuari-mune yi ethi: anum leh aiek, um alupai ra vai caijau.

Madius 18:10

Akumu jim amcel vaig tah natimi upoupo iji eigki aijaua; ek asaig ehelemia ainyak mika, Era almoi nesganimtai Etmak an nobatag a ilpu agelo ura irai iji adiat an nohatag.

Madius 18:14

Et idim ucco et eti merit a Etmamia an nohatag, mika uhpu auahas tah ira atimi upoupo iji eigki.

Madius 26:24

et apan a Inhal o natimi et idivaig eris aged vai yin: ja aʼ a, auwe vai nat naico etpu aniv Inhal o natimi aien! el is upene vai nat naico, el eris eti apos yin.

Markus 9:42

Aien et ago nedo oop vaig tah ilpu halav iji eigki aien era asgeig irak ara, et upene vai yin el eh athai inhat irara flaur an nauinwan, um ethaigse yin an jop.

Joanes 21:15

¶ Eris wat hag ara, is um ika a Iesu ehele Saimona Pitrus, Ak Saimona, inhal o Jonas, et esjilid naiyu u unliinmopom aiek vai nyak irai ra sji eigki, ka oʼo? Is um ika ehelen aien, Maiya, ak Natimarid; na ato aiek, nikavaig, et aiyu inliinmopok ainyak vai euc. Is um ika ehelen aien, Alayi hakli siip unyak aiek.

1 Nupu Korindus 9:15

Ja kis eti ago tah nedo ineigki ainyak: ek lep eti aged intas iji eigki ainyak, mika eri ago nedo ineigki vai nyak: et upene vai nyak inmasvaig, ja et eti upene mika yi atapanes intas emda unyak tah natimi.

1 Nupu Korindus 9:22

kis idivaig natimi auatialidi ainyak ehele ilpu atimi auatialidi, mika ki leucse ilpu atimi auatialidi: ek idivaig niji itai asega ainyak ehele atimi asega, mika ki imyiatamaig nahaiji ra irai edo asega.