Lukas 16:23 - Intas Etipup

²³ is erekinman iran aien an pece has, is easji pan aien, um ecet Ebraham itac acen, im lep Lasarus an ritin.

Lukas 16:23 Iomraidhean Croise

Saam 16:10

Napu idim eti udei nyak aiek uma atmas; napu eti atcijaig Natimi Upene unyum aiek mika yi mutit.

Saam 49:15

Ja etpu imiatamaig nyak a Atua ache va nemda u nehpanitai; etpu idim leh nyak aien. Sila.

Saam 86:13

Et mun esjilid naiheuc unyum vai nyak: na mun imiatamaig nesgak va uma atmas sepagko aiek, va nuarin has ubo acen.

Saam 9:17

Erupu adumoij a ilpu atimi auatatimi um yetpan an pece has, im lep nup urai iji pece asega iji ig era eti imiehva Atua ara.

Niji tas Arapakau 15:24

Et amen jipagko nefalaig umumoh vaig vai natimi arapakau, mika yi adumoij an pece has sepagko.

Niji tas Arapakau 5:5

Et asuol sepan an mas neduon ero; et yetpan an pece has natga o un,

Niji tas Arapakau 7:27

Et efalaig pan uma atmas nimnim o un; et asuol sepan irai uari eom u atmas.

Niji tas Arapakau 9:18

Ja et eti ato aien mika, era amen eahki a ilpu atimi emesmas; um lep mika era amen irai uari ubo an pece has a ilpu alaig o un.

Aiseya 14:15

Ja uhpu imiasuol euc uma atmas, irai iji ehni an nehpanitai.

Aiseya 14:9

Era amaamai a nup uma atmas sepagko mika eri aubilid euc ara an napam unyum: er ahugni vai euc ilpu atimi emesmas esjilid, nikavaig, ilpu atimarid asega an nobohtan; er imiatidai jai ilpu atimarid asega u nup urai pece ira dorona ura.

Madius 11:23

Ak nupu Kaperneum, eris atijai caua an nohatag, ja uhpu ethainse caua sepagko an naupat: el eris ago nauritai esjilid iji eigki an pece Sotom eris mun ago iramia, el et eteuc an naopan ineig.

Madius 18:9

El et itai epihtau imi euc nesganimtam, anum atipagki aiek, um ethaig: etpu upene vai euc napanvaig an nuarin umoh, um ethi ache nesganimtam; jam has nethaig pan euc vaig an cop an pece has, el et eteuc ero nesganimtam.

Madius 23:33

Ak ilpu imyiv, im ilpu vaiper, et ehka vai caua nahavaig va nohocred an pece has.

Madius 5:22

ja ek asaig ehelemia ainyak mika, Aien et tup edemda vai etoan aien, etpu leh neruvaig aien: aien et ika aien ehele etoan, Et takitai, uhpu tas alep vai yin: aien et ika aien ehele etoan, Ak natimi ahnag, uhpu ati yin an cop an pece has.

Madius 5:29

El et itai epihtau imi euc nesganimtam inmatam, anum atipagki aiek, um ethaig: et upene vai euc, mika uhpu auahas nuarin-nohum et ethi, jam has, nikavaig, uhpu ethaig nohum asega an pece has.

Madius 8:29

Erus ahlaig arau, um ika, Nai merit aiek vanhe ehelumrau, ak Iesu, Inhal o Atua? na mun ham aiek mika ecri fi ohocred aijama an naopan ineig, ka oʼo?

Lukas 16:24

Is ahlaig aien, um ika, Ak etmak Ebraham, aiheuc vai nyak aiek, um abrai Lasarus, mika yi atise nilpun nupsikman aien an wai, yi aheyuyu namak; et mun erekinman irak ainyak van cop alauma ineigki.

Lukas 16:28

(era faiv a ilpu etoak;) um asuptecnaig ehele ra, va eri jim lep apam ara an nuarin nohocred ineigki.

Lukas 8:28

Is wat ecet Iesu aien, is aunyauwaig aien, um atpuse an nuhup o un, um ahlaig ijinies, um ika, Nai merit aiek vanhe ehelek, ak Iesu, Inhal o Atua esjilid? Ek ugni euc ainyak, mika an jim abli nyak aiek.

1 Nupu Korindus 15:55

“Ak Inmas, naces atimi unyum yek eda? Ak Nehpanitai, nahau atimi unyum yek eda?”

2 Pitrus 2:4

El is eti aiheuc vai ilpu agelo a Atua eris ago nedo has ara, jam ethaigse ra an nuarin aupat, um arore ra an wau an naupat, par aitgaig nadiat asuptecnaig nimtan iran;

Nitai ehvaig 20:10

Eris lep ethaigse Tiapolo is imyiahnag ra aien, an netpin ineig et amen iran incop im narekwas, et lep amen eahki nitai aleg im naprofeta efaifa; ehtijpu ohocred ahtaij irai iji adiat im niji epeig, irai iji mesese, um ti lep ti.